| Nummer:fae386 | Datum:1 mei 1547 | Overlevering:Origineel | Vindplaats:F.A. Van Ewsum, inv.nr. 0105, reg. 386 |
Ick Hendrich Hoffman inder tyt Schulte toe Roden van wegen roer
Kay. Mat. etc. bekenne ende belye dat voer my is erschenen
Thyes van Zwolle rechtelicken gedaget geedet und gesworen tugen
de myt upgerichten vingeren gestavedes eedts godt lyfflicken
inden hilligen dat hem wytlick ende kundich is gehoert ende
gesien heft dat de Erentfeste Joncker Johan van Eussum
mester Lucas harsnach sleger toe Zutphen hem een
harnasch toe slaen anbestedet heft, na vermelt ener
hantschryft daer van gemaket de mester Lucas vorgen.
selvis myt siner hant ondertekent heft lovede dat
harnasch binnen XIIII dagen, enen dach myn edder meer tleveren
seggende daer by went den toch doe voer handen was
niet daer by der hant inden lande van Gelderen off daer
umtrent vallen solde volde he selver tleger volgen
so he by de knechten meer profyts dan he toe Zutphen
hebben kunde wolde daer umme dem vorscr. Jonckeren
Johan van Eussum, dat harnasch leveren al solde he em
al schoen boven Collen volgen Ende die XIIII dagen daer
inne de vorscr. mester Lucas dat harnasch leveren solde weren al
umme gekomen alleer dat legher voer by Aecken getogen was
unde hadde gelycke wal doe ter tyt dat harnasch gelycken
he angenomen ende gelovet hadde noch niet gelevert. Hyr
mede heft dese verscreven tughe sine getuchnisse besloten or
kunde Ick sculte vorscr. myt min gewoentlicke segel
upt spatium van desen gedruckt datum inden yaer unses
heren dusent vyffhundert soeven ende vertich den XVen maij.
Kay. Mat. etc. bekenne ende belye dat voer my is erschenen
Thyes van Zwolle rechtelicken gedaget geedet und gesworen tugen
de myt upgerichten vingeren gestavedes eedts godt lyfflicken
inden hilligen dat hem wytlick ende kundich is gehoert ende
gesien heft dat de Erentfeste Joncker Johan van Eussum
mester Lucas harsnach sleger toe Zutphen hem een
harnasch toe slaen anbestedet heft, na vermelt ener
hantschryft daer van gemaket de mester Lucas vorgen.
selvis myt siner hant ondertekent heft lovede dat
harnasch binnen XIIII dagen, enen dach myn edder meer tleveren
seggende daer by went den toch doe voer handen was
niet daer by der hant inden lande van Gelderen off daer
umtrent vallen solde volde he selver tleger volgen
so he by de knechten meer profyts dan he toe Zutphen
hebben kunde wolde daer umme dem vorscr. Jonckeren
Johan van Eussum, dat harnasch leveren al solde he em
al schoen boven Collen volgen Ende die XIIII dagen daer
inne de vorscr. mester Lucas dat harnasch leveren solde weren al
umme gekomen alleer dat legher voer by Aecken getogen was
unde hadde gelycke wal doe ter tyt dat harnasch gelycken
he angenomen ende gelovet hadde noch niet gelevert. Hyr
mede heft dese verscreven tughe sine getuchnisse besloten or
kunde Ick sculte vorscr. myt min gewoentlicke segel
upt spatium van desen gedruckt datum inden yaer unses
heren dusent vyffhundert soeven ende vertich den XVen maij.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0105 |
| Regestnr. | 386 |
| Jaar | 1547 |
| Datumcode | 0105 |