| Nummer:fae233a | Datum: | Overlevering:Origineel | Vindplaats:F.A. Van Ewsum, inv.nr. 0598, reg. 233 |
Inden jaer onses heren dusent viffhundert ffyffendertich des
sundaeghes nae Mathie apostoli is ghehandelt unde gemacket
en noett wyssell ittlicker landen naebescreven tusschen der
Erbaeren unde waelduchtighe juffer Betke nae laetene
wedwe van Ewszum van weghen hoer kinder ter eenre
unde dem Erberen unde Erntfesten unde fromenen juncker Onno
van Ewszum ter ander zyden. In foerma unde maener nae
bescreven Inde ersten szoe saell hebben unde untfanghen de erbaere
juncker Onno vurscr. vande Erbaere Juffer vurscr. feertich
graese landes dem halven heert tusschen de Maeren ghe-
leghen de nu ter tyt bruckt unde inde huer heft Merten tusschen
Maeren daer to XVI graesze laendes by Woltema tyll unde
XIIII grase over Woltema tyll hoy landes de men tot dem
hues Ewszum plecht tghebruecken noch ellyf grase
landes met eyn heem Saepp stede genoempt dat nu inde
huer heft Peter Symens affter Ewszum myt de XX grae-
se landes affter Ewszum daer naest by gheleghen de men
ock tot dem Huesze toe Ewszum plecht tghebruecken
hyr en teghenst sael he weder hebben unde untfanghen de Erbaere
juffer Betke vanden erbaere Juncker Onno vurscr. in eerste
XXX graese landes naest an dat Conventes landt van Sunt Annen
Cloester gheleghen daer toe noch XX graese de Boelnisse
genoempt daer naest by daer naest by noch XIIII grase
by dem Koelltueen geleghen myt de weytten Camp unde
Vernighe fenne umme eyn trent X grase landes groet unde
dyt vurscr. landt plecht ock mede tot dem huese toe Ewszum
tghebruecken bet X graese landes de Micheel Ffrese inde
huer hefft unde Johan Scroer toe voeren plecht tghebrue-
ken ende acht grase by Buer daem geleghen myt eyn
heem ende IIII graese landes twelck to saemen Gerrydt
schoemaeker to saemen gebruckt ende inde huer hefft
Met szoe daene bescheyt dat de Erbare Juncker Onno vurscr.
der Erbaere juffer Hisse van Ewszum syn leve moye jaerlicx
bitalen saell uuth syne landen de ffertich emder gulden dese jaer-
licx plecht toe boeren uuth de landen by Ewszum geleghen
de de Erbaere Juffer vurscr. nu untfanghen hefft
vanden Erbaere Juncker Onno ende de Erbaere
juffer vurscr. myt hoer kinderen sollen vande fertich
emder gulden unbelastet wesen Ende dyt noett wyssell der
vurscr. landen saell staen unde dueren VI jar lanck
nae dato desser schedelen omme middeler tyt to hande-
len ende versoeck tbrenghen oft de vurscr. perten
unde frenden under sick eyn erfflick unde ewelick
scheyden mochten macken der allinghe naelaetene
guederen heren Onno van Ewszum milder
ghedachtenisse ende inghevalle szoe daene arfflicke
ende ewelick scheyden bynnen dusser tyt vurscr. neet
en gheschede sollen als van eyn ider vande vurscr.
perten ende erfenden syns Rechtes unbecorttet wesen
ende bliven in alle maten ende maeneren szoe se voer
dato desser schedelen synt ghwest sunder arch ende
list desser schedelen synner twe alleens ludende de
de welcke wy beyde perten vurscr. myt onsen eghen
hant scrifft unde signet underteyckent unde
bevestighet up dach unde jaer vurscr.
Onno von Ewszum (handtekening)
Beetke van Eweszum weduwe bekenne my yn alles
belevet als boven gescreven ys.
sundaeghes nae Mathie apostoli is ghehandelt unde gemacket
en noett wyssell ittlicker landen naebescreven tusschen der
Erbaeren unde waelduchtighe juffer Betke nae laetene
wedwe van Ewszum van weghen hoer kinder ter eenre
unde dem Erberen unde Erntfesten unde fromenen juncker Onno
van Ewszum ter ander zyden. In foerma unde maener nae
bescreven Inde ersten szoe saell hebben unde untfanghen de erbaere
juncker Onno vurscr. vande Erbaere Juffer vurscr. feertich
graese landes dem halven heert tusschen de Maeren ghe-
leghen de nu ter tyt bruckt unde inde huer heft Merten tusschen
Maeren daer to XVI graesze laendes by Woltema tyll unde
XIIII grase over Woltema tyll hoy landes de men tot dem
hues Ewszum plecht tghebruecken noch ellyf grase
landes met eyn heem Saepp stede genoempt dat nu inde
huer heft Peter Symens affter Ewszum myt de XX grae-
se landes affter Ewszum daer naest by gheleghen de men
ock tot dem Huesze toe Ewszum plecht tghebruecken
hyr en teghenst sael he weder hebben unde untfanghen de Erbaere
juffer Betke vanden erbaere Juncker Onno vurscr. in eerste
XXX graese landes naest an dat Conventes landt van Sunt Annen
Cloester gheleghen daer toe noch XX graese de Boelnisse
genoempt daer naest by daer naest by noch XIIII grase
by dem Koelltueen geleghen myt de weytten Camp unde
Vernighe fenne umme eyn trent X grase landes groet unde
dyt vurscr. landt plecht ock mede tot dem huese toe Ewszum
tghebruecken bet X graese landes de Micheel Ffrese inde
huer hefft unde Johan Scroer toe voeren plecht tghebrue-
ken ende acht grase by Buer daem geleghen myt eyn
heem ende IIII graese landes twelck to saemen Gerrydt
schoemaeker to saemen gebruckt ende inde huer hefft
Met szoe daene bescheyt dat de Erbare Juncker Onno vurscr.
der Erbaere juffer Hisse van Ewszum syn leve moye jaerlicx
bitalen saell uuth syne landen de ffertich emder gulden dese jaer-
licx plecht toe boeren uuth de landen by Ewszum geleghen
de de Erbaere Juffer vurscr. nu untfanghen hefft
vanden Erbaere Juncker Onno ende de Erbaere
juffer vurscr. myt hoer kinderen sollen vande fertich
emder gulden unbelastet wesen Ende dyt noett wyssell der
vurscr. landen saell staen unde dueren VI jar lanck
nae dato desser schedelen omme middeler tyt to hande-
len ende versoeck tbrenghen oft de vurscr. perten
unde frenden under sick eyn erfflick unde ewelick
scheyden mochten macken der allinghe naelaetene
guederen heren Onno van Ewszum milder
ghedachtenisse ende inghevalle szoe daene arfflicke
ende ewelick scheyden bynnen dusser tyt vurscr. neet
en gheschede sollen als van eyn ider vande vurscr.
perten ende erfenden syns Rechtes unbecorttet wesen
ende bliven in alle maten ende maeneren szoe se voer
dato desser schedelen synt ghwest sunder arch ende
list desser schedelen synner twe alleens ludende de
de welcke wy beyde perten vurscr. myt onsen eghen
hant scrifft unde signet underteyckent unde
bevestighet up dach unde jaer vurscr.
Onno von Ewszum (handtekening)
Beetke van Eweszum weduwe bekenne my yn alles
belevet als boven gescreven ys.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0598 |
| Regestnr. | 233 |
| Jaar | 1535 |
| Datumcode | DpMatthi |