| Nummer:fae224 | Datum: | Overlevering: | Vindplaats:F.A. Van Ewsum, inv.nr. 0165, reg. 224 |
Voer u Edele erentvesten ende vromen Juncker Karle van Gelre
Stadtholder der Stadt ende Ummelanden van Gronyngen myt sampt
den hoichgelerden erentfesten erbaren unde vursichtygen geschickten
Raide unsen genedigen lieven heren heren Karle hertouge van Gelre unde van
Guylich unde Greve van Zuytphen heer van Gronyngen der
Umlanden tho Covorden unde vander Drenthe etc.
Thoenen ende geven wy Roloff Huynge drost in den Olden Ampte
ende Eltet to Lellens alse voerstanderen saligen Lubbert Katers
nagelaten kynderen unde ick Eltet vorgen. insonderheit voer my
tselffs u Edelen unde erbaren oitmoedelicken myt beclachten tho
erkennen woe indem iare van acht ende tnegentich nyelickst verleden
int heillige hoechtyt van Paesschen eyn marckelicken swaren
overtocht van knechten durch eyn hoeftman Nytert Pfox genandt
by grote Aedewert unde daeromtrent geloegerende tot groten achterdeell
hynder unde schaden der Stadt ende gemene Umlanden van Gronnyngen
is geweest Soe dan de stadt mytten Umlanden vorgen. ghene weder
standt noch verkrenckynge der knechten wusten noch vermodden
tdoen hebben se alsdoe eendrechtelicken mytten selvigen ene
overkumpst gemaket ende eyn brantschat van twe ende dartich dusent
gulden um den groten schaden tho vermyden hoer tho geven gelovet
daer ick Eltet to Lellens, Lubbert Kater saliger myt den erbaren ende
erentvesten Juncker Reloff van Euwsum vander lande wegen voer
een ende twyntich dusent gulden myt swaricheit ghyselers voergeworden
sint, unde derhalven van Stadt unde landen myt sekeren quytbreven
van allen unkosten thynder oft schaden vry unde unbelast tblyven
versekert worden, demen noch in Juncker Reloffs bewaren vynden sall
Soe van de betalinge van der lande wegen up tijden ende tormynen myt
se ingegaen soe balde neet en geschait unde in sonderheit eyn summe van
vyffhundert gulden in Rest staen bleeff worden wy myt voele
moeynissen ende anxst unses lyves up mannygen plaetsen soe hyr soe daer
tem laetsten durch upbrekynge der knechten to Harlynge gevoert unde
uns aldaer voer hylden ende inkoer stelden oft wy lever myt se tho
schepe wolde gaen treckende na den lande van Gelder ter tyt de vorgen.
vyffhundert gulden in alles betaelt ende uutgericht weren dan de pennyngen
vorgen. verborgen wolden sulx gehoerende hebben wy alsoe aengemarck
de grote vrese van pericul unses lyves ende oeck mede overgelacht den groten
schaden dede gemeyne landen daer durch hebben ende krygen muchten
synnen wy ten laetsten den erbaren Hinrick Langenborch salygher
gedachten aengeffallen he doch borge voer uns voer de vurgen. pennyngen
wolde worden tselve he uns tho gevalle gerne gedaen unde daerup sekere
hantschriften na inholt der copien hyr by gelacht van uns untfangen
heft waer durch wy voert daer na omtrent sunte Servatius martir
weder na Gronyngen synnen getoegen ende den vrunden ende tho kennen
gegeven, de alsdoe myt Stadt ende Lande eyn schattonge up den grastalen
um de vurgen. pennyngen up tho brengen ende uns mytten borgen vander
gelofftenissen der pennyngen na inholt unsen hantschrifts unde quytbreves
tho untheffen ende vry tho halden ingesat hebben Welcke pennyngen vanden
sylvesten upgebrocht ende in handen des erbaren ende vroemen Juncker Reloffs
overgelevert ende betaelt worden tselve he als wy aen hem betrouwen
selffs neet untffallen noch versaicken sal ..innen, heft nochtans daer na
de selve upgenoempte Hynrick um de vurgen. pennyngen van hem tho
hebben meer dan eens durch schriften gheeysschet, dan neet heft kunnen
erlangen noch bekoemen, soe dan de vurgen. tyden durch vede unde anders
totten iaren van xvio vergangen, verlopen synt, unde deselve vorgen.
Hynrick daer na gesturven is, heft nochtans syn nagelaten huesfrouwe
Gheske genoempt de schulden durch unser hantschriften unde obligatien
gedacht, unde eyn procuratoer ofte mumber Hermen Peeck genandt
ende indent van noeden w?rde meer in syn stede na vermoegen syn
vulmachte breeffs tho substitueren, oeck myt eyn Conmissie unses g.l.h.
vorscr. an den hoeftmans in der tyt geschickt, ende heft uns myt der solff
ster hoeftmans Recht daer heer gedrongen wy de selffte pennyngen
elck na syn andeell myt allen interessen upleggen unde betalen m?sten
soe men wal wyder myt voelen schriften ende quitancien indent van
noeden wurde bewysen sal, hoepen ende vertrouwen gantzelicken naech
dem de vorgen. Juncker Reloff de vurgen. pennyngen vanden sylvesten
gelyck vurger. upgeboert ende noch ter tyt myt unsen quytbreven under
ende in bewaren heft, waerdurch wy in groten lasten unde pericul unsen
levents meer dan eens, soe u Edelheiden ende Erbarheiden dat waell vorder sonder
twivell betrachten kunnen stunden, woe waell he oeck up den dachffaert
tho Assen an nam he betalinge bewysen woldt dan neet nagegaen, he
billix na allen Reden unde Recht schuldich ende plichtich sal syn, uns den
geledenen schaden myt allen unkosten unde interessen na luijt unsen quyt
breven uptrichten ende daer van vry schadeloes unde unbelast tholden
Bidden unde begeren seer oitmoedelicken ende dienstlicken u Edelheiden ende
Erbarheiden van wegen unsen g.l.h, vorscr. den vurgen. Juncker Reloff
alsoe schriftelicken willen doen under wysen ende daer tho vermoegen
he sich alhyr bynnen der Stadt Gronyngen myt unsen quytbreven
mytten eersten na uwe Edelheiden ende Erbarheiden beleven voege tkomen
ende holde uns noch eyn yder voer syn andeell myt allen interessen
na vermoegen der selffter unsen quytbreven vurger. vry schadeloes ende
unbelast, ofte uns van wegen siner ff.g. aenwysinge up syne guederen
in unsen gen.l. heren Ummelanden van Gronyngen gelegen willen doen
ter tyt tho ende so lange wy van unsen gelederen schaden gelyck vurscr.
uutgericht ende clageloes gestalt synt, want wy nemants anders dan
hem durch Redenen ende oersaicken vurger. weten aentzuecken
dat willen wy alle tyt myt unsen kleynen ende guetwilligen ver-
plichtygen unverdroten dienst wederumme verschuldygen ende verdenen
tegens de selven, uwe Edelheiden ende Erbarheiden de godt almachtich tot langen
tyden in aller walffaert lancklivich ende gesundt bewaren moet.
Stadtholder der Stadt ende Ummelanden van Gronyngen myt sampt
den hoichgelerden erentfesten erbaren unde vursichtygen geschickten
Raide unsen genedigen lieven heren heren Karle hertouge van Gelre unde van
Guylich unde Greve van Zuytphen heer van Gronyngen der
Umlanden tho Covorden unde vander Drenthe etc.
Thoenen ende geven wy Roloff Huynge drost in den Olden Ampte
ende Eltet to Lellens alse voerstanderen saligen Lubbert Katers
nagelaten kynderen unde ick Eltet vorgen. insonderheit voer my
tselffs u Edelen unde erbaren oitmoedelicken myt beclachten tho
erkennen woe indem iare van acht ende tnegentich nyelickst verleden
int heillige hoechtyt van Paesschen eyn marckelicken swaren
overtocht van knechten durch eyn hoeftman Nytert Pfox genandt
by grote Aedewert unde daeromtrent geloegerende tot groten achterdeell
hynder unde schaden der Stadt ende gemene Umlanden van Gronnyngen
is geweest Soe dan de stadt mytten Umlanden vorgen. ghene weder
standt noch verkrenckynge der knechten wusten noch vermodden
tdoen hebben se alsdoe eendrechtelicken mytten selvigen ene
overkumpst gemaket ende eyn brantschat van twe ende dartich dusent
gulden um den groten schaden tho vermyden hoer tho geven gelovet
daer ick Eltet to Lellens, Lubbert Kater saliger myt den erbaren ende
erentvesten Juncker Reloff van Euwsum vander lande wegen voer
een ende twyntich dusent gulden myt swaricheit ghyselers voergeworden
sint, unde derhalven van Stadt unde landen myt sekeren quytbreven
van allen unkosten thynder oft schaden vry unde unbelast tblyven
versekert worden, demen noch in Juncker Reloffs bewaren vynden sall
Soe van de betalinge van der lande wegen up tijden ende tormynen myt
se ingegaen soe balde neet en geschait unde in sonderheit eyn summe van
vyffhundert gulden in Rest staen bleeff worden wy myt voele
moeynissen ende anxst unses lyves up mannygen plaetsen soe hyr soe daer
tem laetsten durch upbrekynge der knechten to Harlynge gevoert unde
uns aldaer voer hylden ende inkoer stelden oft wy lever myt se tho
schepe wolde gaen treckende na den lande van Gelder ter tyt de vorgen.
vyffhundert gulden in alles betaelt ende uutgericht weren dan de pennyngen
vorgen. verborgen wolden sulx gehoerende hebben wy alsoe aengemarck
de grote vrese van pericul unses lyves ende oeck mede overgelacht den groten
schaden dede gemeyne landen daer durch hebben ende krygen muchten
synnen wy ten laetsten den erbaren Hinrick Langenborch salygher
gedachten aengeffallen he doch borge voer uns voer de vurgen. pennyngen
wolde worden tselve he uns tho gevalle gerne gedaen unde daerup sekere
hantschriften na inholt der copien hyr by gelacht van uns untfangen
heft waer durch wy voert daer na omtrent sunte Servatius martir
weder na Gronyngen synnen getoegen ende den vrunden ende tho kennen
gegeven, de alsdoe myt Stadt ende Lande eyn schattonge up den grastalen
um de vurgen. pennyngen up tho brengen ende uns mytten borgen vander
gelofftenissen der pennyngen na inholt unsen hantschrifts unde quytbreves
tho untheffen ende vry tho halden ingesat hebben Welcke pennyngen vanden
sylvesten upgebrocht ende in handen des erbaren ende vroemen Juncker Reloffs
overgelevert ende betaelt worden tselve he als wy aen hem betrouwen
selffs neet untffallen noch versaicken sal ..innen, heft nochtans daer na
de selve upgenoempte Hynrick um de vurgen. pennyngen van hem tho
hebben meer dan eens durch schriften gheeysschet, dan neet heft kunnen
erlangen noch bekoemen, soe dan de vurgen. tyden durch vede unde anders
totten iaren van xvio vergangen, verlopen synt, unde deselve vorgen.
Hynrick daer na gesturven is, heft nochtans syn nagelaten huesfrouwe
Gheske genoempt de schulden durch unser hantschriften unde obligatien
gedacht, unde eyn procuratoer ofte mumber Hermen Peeck genandt
ende indent van noeden w?rde meer in syn stede na vermoegen syn
vulmachte breeffs tho substitueren, oeck myt eyn Conmissie unses g.l.h.
vorscr. an den hoeftmans in der tyt geschickt, ende heft uns myt der solff
ster hoeftmans Recht daer heer gedrongen wy de selffte pennyngen
elck na syn andeell myt allen interessen upleggen unde betalen m?sten
soe men wal wyder myt voelen schriften ende quitancien indent van
noeden wurde bewysen sal, hoepen ende vertrouwen gantzelicken naech
dem de vorgen. Juncker Reloff de vurgen. pennyngen vanden sylvesten
gelyck vurger. upgeboert ende noch ter tyt myt unsen quytbreven under
ende in bewaren heft, waerdurch wy in groten lasten unde pericul unsen
levents meer dan eens, soe u Edelheiden ende Erbarheiden dat waell vorder sonder
twivell betrachten kunnen stunden, woe waell he oeck up den dachffaert
tho Assen an nam he betalinge bewysen woldt dan neet nagegaen, he
billix na allen Reden unde Recht schuldich ende plichtich sal syn, uns den
geledenen schaden myt allen unkosten unde interessen na luijt unsen quyt
breven uptrichten ende daer van vry schadeloes unde unbelast tholden
Bidden unde begeren seer oitmoedelicken ende dienstlicken u Edelheiden ende
Erbarheiden van wegen unsen g.l.h, vorscr. den vurgen. Juncker Reloff
alsoe schriftelicken willen doen under wysen ende daer tho vermoegen
he sich alhyr bynnen der Stadt Gronyngen myt unsen quytbreven
mytten eersten na uwe Edelheiden ende Erbarheiden beleven voege tkomen
ende holde uns noch eyn yder voer syn andeell myt allen interessen
na vermoegen der selffter unsen quytbreven vurger. vry schadeloes ende
unbelast, ofte uns van wegen siner ff.g. aenwysinge up syne guederen
in unsen gen.l. heren Ummelanden van Gronyngen gelegen willen doen
ter tyt tho ende so lange wy van unsen gelederen schaden gelyck vurscr.
uutgericht ende clageloes gestalt synt, want wy nemants anders dan
hem durch Redenen ende oersaicken vurger. weten aentzuecken
dat willen wy alle tyt myt unsen kleynen ende guetwilligen ver-
plichtygen unverdroten dienst wederumme verschuldygen ende verdenen
tegens de selven, uwe Edelheiden ende Erbarheiden de godt almachtich tot langen
tyden in aller walffaert lancklivich ende gesundt bewaren moet.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0165 |
| Regestnr. | 224 |
| Register Feith | zjed.484 |
| Jaar | 1533 |
| Deviatie | 20 |