| Nummer:fae188 | Datum: | Overlevering:Origineel | Vindplaats:F.A. Van Ewsum, inv.nr. 0090, reg. 188 |
Ick Lubertus ton Sentehus doe kont enkenne unde betuge oppenbaer In unde overmits dessen oppenen besegelden breve vor my unde myne rechten ervenden
unde anerven dat ick myt mynen guden vryen willen ende walberadens modes hebbe gelaten unde late In dessen zelven breve vrig qwit ledich unde loes
van allen egendommes rechten Johan Lugerinck Hartgerinck ende Lisen syner echten husfrouwen echten zonne wonnafftich In den kerspell van Bramessche unde
in der bursschop to Wesele vor ene genoichlike summa van gelde der my genogede unde mynen rechten erven oick genogen zall unde dar up so vertye ick vor mijunde
alle myne rechten erven unde anerven Up den solven Johanne alles egendommes unde alles rechten aller nut unde alles verfalles dat ick unde myne ervende
van egendommes wegene an em hadden unde dar van in wachtende wesen mochten to jeniger tijt So dat zick de vorscr. Johannes nu mer varttan na data dessen breffes
sunder hynderinge ende besperinge mijner unde myner ervende offte Iemande anders van mijner eder van myner ervende wegene ver .......... vryen mensschen
unde nemande egen mach geven laten wenden ende keren In wat echte unde recht He aller leyvest will unde ick love vort vor my unde myne rechten ervenden
den solven Johanne desser vrigheit in maten vorscr. to stane unde bekant to wesene unde gude warsschop te done vor alle degenne de des to rechte staen ende
kommen willen So dicke unde so vakenen als em des noet unde behoiff ys sunder alle argelist Aller beholpinge unde behendicheit der gerichte geistlick
unde wertlick myt allen qwaden vonden nye unde olt De men tegen dessen breff ende vrigheit yenigerleye wis to hynder offte to schaden vynden eder
dichten mochte alynck unde all myt verwarden utgesproeken unde ick Lubertus ten Sentehus love ver my unde myne rechten erven ende anervenden
alle articule unde puncte vorscr. stede vast ende onverbroeken to holdene sunder alle argelist desses In ene orkunde der warheit hebbe ick Lubertus ton
Sentehus myn Segell vor my unde alle myne rechten erven ende anerven under an dessen breff witliken gehangen in deme jare unsses heren doe
men screff dusent vijffhundert seven unde twyntich amm donnerdage na Calixti pape.
unde anerven dat ick myt mynen guden vryen willen ende walberadens modes hebbe gelaten unde late In dessen zelven breve vrig qwit ledich unde loes
van allen egendommes rechten Johan Lugerinck Hartgerinck ende Lisen syner echten husfrouwen echten zonne wonnafftich In den kerspell van Bramessche unde
in der bursschop to Wesele vor ene genoichlike summa van gelde der my genogede unde mynen rechten erven oick genogen zall unde dar up so vertye ick vor mijunde
alle myne rechten erven unde anerven Up den solven Johanne alles egendommes unde alles rechten aller nut unde alles verfalles dat ick unde myne ervende
van egendommes wegene an em hadden unde dar van in wachtende wesen mochten to jeniger tijt So dat zick de vorscr. Johannes nu mer varttan na data dessen breffes
sunder hynderinge ende besperinge mijner unde myner ervende offte Iemande anders van mijner eder van myner ervende wegene ver .......... vryen mensschen
unde nemande egen mach geven laten wenden ende keren In wat echte unde recht He aller leyvest will unde ick love vort vor my unde myne rechten ervenden
den solven Johanne desser vrigheit in maten vorscr. to stane unde bekant to wesene unde gude warsschop te done vor alle degenne de des to rechte staen ende
kommen willen So dicke unde so vakenen als em des noet unde behoiff ys sunder alle argelist Aller beholpinge unde behendicheit der gerichte geistlick
unde wertlick myt allen qwaden vonden nye unde olt De men tegen dessen breff ende vrigheit yenigerleye wis to hynder offte to schaden vynden eder
dichten mochte alynck unde all myt verwarden utgesproeken unde ick Lubertus ten Sentehus love ver my unde myne rechten erven ende anervenden
alle articule unde puncte vorscr. stede vast ende onverbroeken to holdene sunder alle argelist desses In ene orkunde der warheit hebbe ick Lubertus ton
Sentehus myn Segell vor my unde alle myne rechten erven ende anerven under an dessen breff witliken gehangen in deme jare unsses heren doe
men screff dusent vijffhundert seven unde twyntich amm donnerdage na Calixti pape.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0090 |
| Regestnr. | 188 |
| Jaar | 1527 |
| Datumcode | JpCalixt |