| Nummer:fae138 | Datum: | Overlevering:Origineel | Vindplaats:F.A. Van Ewsum, inv.nr. 0088, reg. 138 |
Wy Lenhart Heere tot Zwartzenborch van wegen des hoigebouren
vermoigende durluchtigen ffurst ind heren heren Kairle hertouge van
Gelre, van Gulich ind greven tzo Zutphen, bevelre ind oeverster
hoifftman in Vryslanden und burgemeister inde Raeit der
stadt Gronyngen doen kondt inde bekennen myt diesen onsen
openen brieff dat ick Lenhart vurscreven in naemen inde van
wegen myns genadigen heren vurscreven wy burgemeisteren ind raeit
vurscreven van onsen stadt wegen gegeven hebben ind in kraifft
dis brieffs geven dem erbaeren inde duchtigen deputeirden
die welcke die erbaren inde duchtigen hoefflingen der
Groninger Omlanden en sonnendaich neist koemenden indem
cloester tho Assen by onsen gedeputirden tho daighe schicken
werden inde oren communie inde dienars tot twintich
personen off dair onder guet vast zecker geleyde ombehyndert
inde ombeschaidicht inde ongetuyfft lyffs inde guets ter stede
vurscreven to koemen handelen inde tractait mitten onsen aldair toe
hebben inde van dair wederomme in oren gewairsumheit
tho moigen reijsen vur onss inde allen dem ghenen die om
onsen willen doen inde laiten willen inde myt recht sullen
sonder argelist. Des ther oirkonde hebben wy Lenhart vurscreven
myns genadigen heren vurscreven secreit inde wy burgemeisters
inde rait der stadt vurscreven onsen stadt secreit op spacium
gedruckt. Gegeven op sonnenndach post omnium sanctorum anno etcetera XVo.
vermoigende durluchtigen ffurst ind heren heren Kairle hertouge van
Gelre, van Gulich ind greven tzo Zutphen, bevelre ind oeverster
hoifftman in Vryslanden und burgemeister inde Raeit der
stadt Gronyngen doen kondt inde bekennen myt diesen onsen
openen brieff dat ick Lenhart vurscreven in naemen inde van
wegen myns genadigen heren vurscreven wy burgemeisteren ind raeit
vurscreven van onsen stadt wegen gegeven hebben ind in kraifft
dis brieffs geven dem erbaeren inde duchtigen deputeirden
die welcke die erbaren inde duchtigen hoefflingen der
Groninger Omlanden en sonnendaich neist koemenden indem
cloester tho Assen by onsen gedeputirden tho daighe schicken
werden inde oren communie inde dienars tot twintich
personen off dair onder guet vast zecker geleyde ombehyndert
inde ombeschaidicht inde ongetuyfft lyffs inde guets ter stede
vurscreven to koemen handelen inde tractait mitten onsen aldair toe
hebben inde van dair wederomme in oren gewairsumheit
tho moigen reijsen vur onss inde allen dem ghenen die om
onsen willen doen inde laiten willen inde myt recht sullen
sonder argelist. Des ther oirkonde hebben wy Lenhart vurscreven
myns genadigen heren vurscreven secreit inde wy burgemeisters
inde rait der stadt vurscreven onsen stadt secreit op spacium
gedruckt. Gegeven op sonnenndach post omnium sanctorum anno etcetera XVo.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0088 |
| Regestnr. | 138 |
| Jaar | 1515 |
| Datumcode | DpOmnSan |