| Nummer:fae119 | Datum: | Overlevering:Origineel | Vindplaats:F.A. Van Ewsum, inv.nr. 0084, reg. 119 |
Ick Otto Lant inder tyt Schulte to Roden bekenne myt dessen openen gherichts schyne dat
voer my ghecomen synt int gherichte Int eerste Aelken Kremers ende hefft lyffliken anden hilligen
ghetuget dat Frerick des Eerbereb vesten unde fromen Jonker Releffs van Eewsma deenre was
yn horen huse ghesecht hadde he wolde dat he twyntich off dertich golden gulden hadde van
mynen Jonckeren ende sete daer mede over tyn off XII mylen weghes. Des gheliken tughede oick
Swane de cockmaget dat Frerick vorscr. ghesecht hadde inder kokenen to Roden hie wolde noch
eens weder komen by nachte ende ontyden mynen Jonckeren een peert vanden stalle al soldet hem synen
hals kosten. Voert so bekennen wy Otto Lant schulten vorscr. Johan Mepsche ende Hynrick Warmels
schulte to Peyse dat Frerick vorscr. als he eerst by mynen Jonckeren quam to denen snodeliken ende armliken
gheclet was ende nu als he van hem reysede fyn gheclet ende in allen seer wal uutgherust was. In
orkunde der waerheyt want ink Otto Lant voerscr. myn zegel nyet by my en hadde so heb ick
ghebeden den Eersamen Johan Mepschen ende Hynrick Warmels schulten vorscr. dessen breeff voer my
to bezeghelen ende wy Iohan Mepsche ende Hynrick schulte vorscr. omme bede wyllen Otten schulten vorscr. ende want
wy daer selves mede in ghelyt hebben So hebben wy elck onse zegel upt spacium sbreffs. Ghogeven
int iaer etc. XI des dynxdages na Philippi et Iacobi apostolorum.
voer my ghecomen synt int gherichte Int eerste Aelken Kremers ende hefft lyffliken anden hilligen
ghetuget dat Frerick des Eerbereb vesten unde fromen Jonker Releffs van Eewsma deenre was
yn horen huse ghesecht hadde he wolde dat he twyntich off dertich golden gulden hadde van
mynen Jonckeren ende sete daer mede over tyn off XII mylen weghes. Des gheliken tughede oick
Swane de cockmaget dat Frerick vorscr. ghesecht hadde inder kokenen to Roden hie wolde noch
eens weder komen by nachte ende ontyden mynen Jonckeren een peert vanden stalle al soldet hem synen
hals kosten. Voert so bekennen wy Otto Lant schulten vorscr. Johan Mepsche ende Hynrick Warmels
schulte to Peyse dat Frerick vorscr. als he eerst by mynen Jonckeren quam to denen snodeliken ende armliken
gheclet was ende nu als he van hem reysede fyn gheclet ende in allen seer wal uutgherust was. In
orkunde der waerheyt want ink Otto Lant voerscr. myn zegel nyet by my en hadde so heb ick
ghebeden den Eersamen Johan Mepschen ende Hynrick Warmels schulten vorscr. dessen breeff voer my
to bezeghelen ende wy Iohan Mepsche ende Hynrick schulte vorscr. omme bede wyllen Otten schulten vorscr. ende want
wy daer selves mede in ghelyt hebben So hebben wy elck onse zegel upt spacium sbreffs. Ghogeven
int iaer etc. XI des dynxdages na Philippi et Iacobi apostolorum.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0084 |
| Regestnr. | 119 |
| Jaar | 1511 |
| Datumcode | MpPhiJac |