| Nummer:fae116 | Datum: | Overlevering:Origineel | Vindplaats:F.A. Van Ewsum, inv.nr. 0551, reg. 116 |
Dodeko Grouinck doctor kerckhere tho Middelstum bekenne in dessen openen breve dat voer
mij synt ghekomen Ebele unde Katherina echteluede wonende int kaspel to Steetswert
unde bekanden dat se myt vryen wyllen unde voerberaden moede hadden verkofft in eenen
steden vasten erffkoep deme Erbaren duchtyghen juncker Wygbolt to Eusum dre grote hun
dert landes liggende by Buredam daer de oester ende springhet an een halff hundert landes
dat de kerckhere de ter tyt to Middelstum ys tohoert ende de sueder syt an de mene wech de wes
ter ende an dat landt dat de preester tohoert de ter tyt ys bewarer sunte Nicolaus leen
to Middelstum ybdede bierder syt by buredamstermaer entlanghes ter swette voer eene sum
me van gelde welke se belyeden hem vul unde al wal was betaelt van den Erbaren Juncker
Wygbolt vorsc. den lesten penninck myt den eersten in gueden reden payment daer hem wal
anghenoghet waer umme droghen se up unde gheven over sodane drehundert landes vorsc. vor
hoer ende eren erffg. deme Erbaren Juncker Wygbolt unde syn erffg. ewyliken unde erffliken
vrij ende quijt ledich unde loes tot allen tyden hem daer guede waringhe unde leveringhe an to
holden also dat he dat mach verkopen voerhueren voerwesselen voersetten unde voert to erven
tot synen vryen wyllen nutticheit unde profyt Hyr hebben by an ende over ghewest de
doghentsamyghen Johan Arys to Middelstum ende Johan Sywerdes to Kantens als tughes
luede hytr to gheropen In oerkunde der waerheyt so heb ick Dodeko Grovinck kerckhere
vorsc. myn segel beneden an dessen breeff ghehanghen um vruntliker beede wyllen Ebelens
unde Katherinens vorsc. angheseen dat vorsc. landt in myn kaspel gheleghen ys Int jaer dusent
vyffhundert unde teyn des daghes nae Symon unde Judas dach apostolorum.
mij synt ghekomen Ebele unde Katherina echteluede wonende int kaspel to Steetswert
unde bekanden dat se myt vryen wyllen unde voerberaden moede hadden verkofft in eenen
steden vasten erffkoep deme Erbaren duchtyghen juncker Wygbolt to Eusum dre grote hun
dert landes liggende by Buredam daer de oester ende springhet an een halff hundert landes
dat de kerckhere de ter tyt to Middelstum ys tohoert ende de sueder syt an de mene wech de wes
ter ende an dat landt dat de preester tohoert de ter tyt ys bewarer sunte Nicolaus leen
to Middelstum ybdede bierder syt by buredamstermaer entlanghes ter swette voer eene sum
me van gelde welke se belyeden hem vul unde al wal was betaelt van den Erbaren Juncker
Wygbolt vorsc. den lesten penninck myt den eersten in gueden reden payment daer hem wal
anghenoghet waer umme droghen se up unde gheven over sodane drehundert landes vorsc. vor
hoer ende eren erffg. deme Erbaren Juncker Wygbolt unde syn erffg. ewyliken unde erffliken
vrij ende quijt ledich unde loes tot allen tyden hem daer guede waringhe unde leveringhe an to
holden also dat he dat mach verkopen voerhueren voerwesselen voersetten unde voert to erven
tot synen vryen wyllen nutticheit unde profyt Hyr hebben by an ende over ghewest de
doghentsamyghen Johan Arys to Middelstum ende Johan Sywerdes to Kantens als tughes
luede hytr to gheropen In oerkunde der waerheyt so heb ick Dodeko Grovinck kerckhere
vorsc. myn segel beneden an dessen breeff ghehanghen um vruntliker beede wyllen Ebelens
unde Katherinens vorsc. angheseen dat vorsc. landt in myn kaspel gheleghen ys Int jaer dusent
vyffhundert unde teyn des daghes nae Symon unde Judas dach apostolorum.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0551 |
| Regestnr. | 116 |
| Jaar | 1510 |
| Datumcode | cSimJud |