| Nummer:fae114 | Datum:1 april 1509 | Overlevering:Origineel | Vindplaats:F.A. Van Ewsum, inv.nr. 0549, reg. 114 |
In voirworden nabescreven synt die Eirberen ende frommen Joncheren
Reeloffh van Euwsuma ende Wigbolt van Euwsuma gebruedere fruntlyke
verdragen ende gescheiden mytden Eirberen ende frommen Hinrick van
Camphuyss van wegen der Erberer ende Duchtiger Jufferen Ewe van Euwsuma
echte huysfrouwe Hinricks van Camphuyss vorscr. als hoir momber
inder saken van hoiren boedelinge ende erffnyssen So hebben die selven
bruederen Joncher Reeloffh ende Wigbolt van Euwsuma vorscr. ter
fruntlyker dedinge ende guetlyker scheidinge gelavet to gheven
Hinrick van Camphuyss myt Juffer Ewe synre huysfrouwen vorscr.
alle Jaere na Datum Desser dedinge ende scheidinge tweehondert
hoerenken gulden oft die weerde an gueden anderen paeymente
In tyt der betalynge in Frieslant gange ende ghave to betalende
op twee termynen als nae Sinte Johannes acht oft vierthiendage onbevaert
ende na mydtwynter In gelyken so als seedelyck ende gewoenlyck
iss in Frieslant vorscr. Waer van die Joncheren gebruederen vorscr.
die eerste hondert horneken gulden die to Sinte Johannes naestkomende
verschynen sullen nu Riede betailt hebben ende vorder nyet
Welke tweehondert horneken gulden Jairlix Die Voirscr. gebruederen
gelavet hebben to versuecken Hinrick van Camphuyss vorscr.
oft synre erffgenamen na dessen Jaere tot allen tyden willich over
te wysende ende to versegelende myt behoirlyken uutganck
nades lands Rechte ende gewoenheyt an goeden lande
Dair voir guet wesende dair Hinrick van Camphuyss
myt Juffer Ewen ende Hoeren erffgenamen sodane vorscr. Jairlix
Renthe sall moigen uut boren ende ontfangen Des
Hebben Hinrick van Camphuyss myt Juffer Even synre
huysfrouwen gelavet voir hem ende horen erffgenamen vertichnysse
te done van alle Juffer Ewen vorscr. vaderlyke ende
moederlyke guederen tot ghienre tyt yenige vorder
ansprake Dair an oft op te beholdende oft to hebbende
so lange alss die voirscr. Joncheren gebruederen leven oft
yenige levendige witlijke boerte na laten Ende hyr mede
sullen die vorscr. Joncheren gebruederen unse Hinrick van
Camphuyss ende Juffer Ewe synre huysfrouwen hoire suster
ende horen erffgenamen in ewych fruntlyke verenyget ende
gescheiden wesen Des sie malkanderen in allen als
vorscr. is gelavet hebben vorder vestenysse myt segele ende
breven te done ende te bewisende dair sie an beyden tzyden
naden lantrechte mede verwaert sullen wesen Sonder
argelist Hyr hebben an ende over geweest als Dedinxluede
Die Eirweerdige devote Heer Eilbertus Abt to Aedtwerth
die Eirbere ende fromme Roloffh van Munster Droste to Covorden
ende des lands van Drenthe ende die Eirber ende hoich
geleerde meister Doeke Grevynck Doctoer etc. kerchere toe
Myddelstum Des ter Oirkonde want wy Reeloffh
ende Wigbolt van Euwsuma gebruedere andie ene ende Hinrick
van Camphuysen myt Juffer Ewe mynre huysfrouwen
andie andere zyden Desse voirscr. dedinge ende fruntlyke
scheidinge willen stede ende vast holden ende geholden
hebben So hebben wy sampt voir ons ende onse erffgenamen
ytlyck onsen name myt onser selffs hant hyr onder
gescreven Ende voirt gebeden die Eirweerdigen Eirberren
ende wysen dedynxluede vorscr. dat mede elk myt syns
selffs hantscryfft ende name mede te bevestende ende te
behanteykenende dat wy dedynxluede vorscr. ter begheerte der
Eirberen parten vorscr. gerne gedaen hebben onsen name
hyr mede beneden op gescreven Actum to Aedtwerth int
Cloyster den iersten dach Aprilis Anno etc. Nono.
Relof van Eussum (handtekeningen)
Wygbolt to Ewszum
Henryck van Camphusen
Ewe van Camphusen
Elbertus abt thoe Aedwert
Roeloffh van Munster Drost etc.
Docke Grevinck subscripsit.
Reeloffh van Euwsuma ende Wigbolt van Euwsuma gebruedere fruntlyke
verdragen ende gescheiden mytden Eirberen ende frommen Hinrick van
Camphuyss van wegen der Erberer ende Duchtiger Jufferen Ewe van Euwsuma
echte huysfrouwe Hinricks van Camphuyss vorscr. als hoir momber
inder saken van hoiren boedelinge ende erffnyssen So hebben die selven
bruederen Joncher Reeloffh ende Wigbolt van Euwsuma vorscr. ter
fruntlyker dedinge ende guetlyker scheidinge gelavet to gheven
Hinrick van Camphuyss myt Juffer Ewe synre huysfrouwen vorscr.
alle Jaere na Datum Desser dedinge ende scheidinge tweehondert
hoerenken gulden oft die weerde an gueden anderen paeymente
In tyt der betalynge in Frieslant gange ende ghave to betalende
op twee termynen als nae Sinte Johannes acht oft vierthiendage onbevaert
ende na mydtwynter In gelyken so als seedelyck ende gewoenlyck
iss in Frieslant vorscr. Waer van die Joncheren gebruederen vorscr.
die eerste hondert horneken gulden die to Sinte Johannes naestkomende
verschynen sullen nu Riede betailt hebben ende vorder nyet
Welke tweehondert horneken gulden Jairlix Die Voirscr. gebruederen
gelavet hebben to versuecken Hinrick van Camphuyss vorscr.
oft synre erffgenamen na dessen Jaere tot allen tyden willich over
te wysende ende to versegelende myt behoirlyken uutganck
nades lands Rechte ende gewoenheyt an goeden lande
Dair voir guet wesende dair Hinrick van Camphuyss
myt Juffer Ewen ende Hoeren erffgenamen sodane vorscr. Jairlix
Renthe sall moigen uut boren ende ontfangen Des
Hebben Hinrick van Camphuyss myt Juffer Even synre
huysfrouwen gelavet voir hem ende horen erffgenamen vertichnysse
te done van alle Juffer Ewen vorscr. vaderlyke ende
moederlyke guederen tot ghienre tyt yenige vorder
ansprake Dair an oft op te beholdende oft to hebbende
so lange alss die voirscr. Joncheren gebruederen leven oft
yenige levendige witlijke boerte na laten Ende hyr mede
sullen die vorscr. Joncheren gebruederen unse Hinrick van
Camphuyss ende Juffer Ewe synre huysfrouwen hoire suster
ende horen erffgenamen in ewych fruntlyke verenyget ende
gescheiden wesen Des sie malkanderen in allen als
vorscr. is gelavet hebben vorder vestenysse myt segele ende
breven te done ende te bewisende dair sie an beyden tzyden
naden lantrechte mede verwaert sullen wesen Sonder
argelist Hyr hebben an ende over geweest als Dedinxluede
Die Eirweerdige devote Heer Eilbertus Abt to Aedtwerth
die Eirbere ende fromme Roloffh van Munster Droste to Covorden
ende des lands van Drenthe ende die Eirber ende hoich
geleerde meister Doeke Grevynck Doctoer etc. kerchere toe
Myddelstum Des ter Oirkonde want wy Reeloffh
ende Wigbolt van Euwsuma gebruedere andie ene ende Hinrick
van Camphuysen myt Juffer Ewe mynre huysfrouwen
andie andere zyden Desse voirscr. dedinge ende fruntlyke
scheidinge willen stede ende vast holden ende geholden
hebben So hebben wy sampt voir ons ende onse erffgenamen
ytlyck onsen name myt onser selffs hant hyr onder
gescreven Ende voirt gebeden die Eirweerdigen Eirberren
ende wysen dedynxluede vorscr. dat mede elk myt syns
selffs hantscryfft ende name mede te bevestende ende te
behanteykenende dat wy dedynxluede vorscr. ter begheerte der
Eirberen parten vorscr. gerne gedaen hebben onsen name
hyr mede beneden op gescreven Actum to Aedtwerth int
Cloyster den iersten dach Aprilis Anno etc. Nono.
Relof van Eussum (handtekeningen)
Wygbolt to Ewszum
Henryck van Camphusen
Ewe van Camphusen
Elbertus abt thoe Aedwert
Roeloffh van Munster Drost etc.
Docke Grevinck subscripsit.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0549 |
| Regestnr. | 114 |
| Jaar | 1509 |
| Datumcode | 0104 |