| Nummer:fae106a | Datum: | Überlieferung:Origineel | Fundstelle:F.A. Van Ewsum, inv.nr. 0064, reg. 106 |
In den name godes Amen. Int yaer ons heren M vyffhundert ende dre op Aller godes hilligen daeh
helft de Ersame duchtighe Abeko Ewesma Ritter bedacht dat den menschen nyet skerer en is
dan de doet ende onsekerer dan de ure syns dodes om syne sele salich to maken welich syner
vijff synnen wal dat he kranck was van lichame sy testament ende leste wille ghewacht myt
voer bidachten mode In maneren hijr na biscreven In den eersten bigheerte syne groeve in dat kloester
to Appingedamme in dat koer onder dat pulment daer staende offte daer in den syn leve broders
Juncker Reloff ende Juncker Wigbolt des al so bilevet syn lichaam daer bigraven worde
Item is dat sake he daer begraven wort so ghyfft he den vorscr. convente XXIIII golden rynsen gulden yaerlic
ken renthen alle yaer to boren uuth een heert in den kerspel ten Bure ghelegen daer Jacob Johan Foppens
op plach to wonen ter tijt to syn leve broders end Junckers vorscr. dat vorscr. convent alsodane yaerlike
rente op een ander stede versekeren to boren Voer dese vorscr. renthen solen de broders vorscr. alle weke
in ewicheyt dre missen lesen vor salicheyt synre selen syner olderen ende vrunde selen Item de erste
misse van der hilligher drevoldicheyt Item de anderde misse van den vyff wunden ons leven heren
ende van synre passien om syner selen salicheyt Item de darde misse van onser lever vrouwen ende
van alle goden hilligen dat de leven hilligen myt der moder godes god den heren voer hem willen
bidden om syne selessalich to worden. Ende weer dat sake de vorscr. broder versumeden de vorscr.
missen alle weke to lesen dat kenlick were solen ende mogen her Abeken Ewesumma ghebroders vorscr.
de renthe weder an tasten ende sulven manen ter tijt to de vorscr. broders missen lesen ende daen
stedeliken als vorscrs is.
Item mester Homme leestmester ghyfft he enen Philippus golden rynsen gulden dar he god den heren sal vor hem bidden
Item enen ytliken van den anderen broders de preesters synt enen arens gulden
Item is dat sake zyn leve broders ende Junckeren vorscr. en synt daer neet to ghesynt dat syn licham in
dat convent to Appingedam wort bigraven Meer to Middelstum daer he sulven lever wolde liggen
sal men hem leggen in syn olde moders graff by synen leven vader ende vrunde so en solen de vorscr.
yaerliken renthen nyet bliven bi den convent to Appingedam Mer so ghyfft he uuth den vorscr. landen
XXX golden rynsen gulden yaerliken renthen tot ene nije vicarie de he fundeert myt kracht syns testa-
ment to Middelstum in der kercken Ende de vicarie sal vergheven de Juncker ende guede man de
dat hues to Ewessum besittet ende een heer daer van is Ende de vicarius off preester van der voerscr.
vicarien sall alle weken lezen alsodane dre missen als vorscr. is voir sijner selen selicheijt ende syner
olderen ende vrunden
Item mester Ulfert den kerckher ten Damme syn bichtvader ghyfft he veer golden rynsen gulden bihalven
syn kerck. recht dat hem boert dar .e god den heren voer hem bidden sal
Item ........... preester in de kercke t.. amme enen arens gulden dat so vor hem bidden solen
Item Mester .......raken kerckher to Middelstum ghijfft he veer golden rynsen gulden by holden syn kercken recht
dat he go... den heren voir hem bidden s..l
Item enen y..iken preester to Myddelstum en.. golden rynsen gulden dat se vor hem bidden solen
Item der ..rken to Middelstum XXX arens gulden to der tymmeringe to hulpe
Item der k.rcken ten Damme II rynse gulden gulden (sic) to der tymmeringe to hulpe
Item een ytlike kerspel kercke tusschen de Eemse ende de Lauwere in onsen verbunde ghelegen enen
halven arens gulden to hulpe to tymmeringe.
Item een ytlike Abdie suntte Annen klooster mede gherekent to tymmeringe des oonvents een golden krone
Item enen ytliken anderen convente als sunte Johans orde ende nunnen kloester tusschen de Emse ende
de Lauwers ghelegen to tymmeringe enen utersschen gulden
Item den convent to Reyden een vet runt ofte ene tonne gadden
Item to Noerden ten Olden kloester sesteyn golden rynsen gulden to de tymmeringe to hulpe Ende den susters
al daar een aem wyns dat se god den heren solen voer hem bidden.
Item den convente to Eemden XVI arena gulden to hulpe to tymmeringe
Item dat ghasthues ten Damme enen golden rynsen gulden to de tymmeringe to hulpe
Item den dreen ghasthusen als to Middelstum to Obergum to Fermissum ytliken een mudde rogge to den armen
Item den ghemenen arme luden ses gra.. osenbrugsche laken to kleder Ende hundert paer schoen
Item he he....ker by syner seler salicheyt dat syn weerdeghe leve huesvrouwe ende he als se te
samende quemen in den hilligen echten state dat se brachte markelike penninge ende ghelt an hem
de welke penninge he heft biscreven myt syn eghen hant in syn olde testament Ende bigheert van
sijne leve broders ende Junckers sonder weygheren se de bitalinge der vorscr. penninghe willen stellen
ende gheven op den Edelen walgheboren heren heer Edzart Greve to Oestfreeslant wes synen
ghenade daer in seggende wort de hoer to bitalen op behoerliken tiden dat onverbroken to hol-
den ende achter to volghen.
Item Her Abke Ewesma Ritter vorscr. begheert van sijnen leven broders ende Junckers voerscr. dat syne leve
weerdeghe huesvrouwe vorscr. sal biholden alle tilber guede Ende golt ende sulver dat to horen
live hort ende syringhe tot horen vrien willen hoer levent lank Ende als se stervet sal dat koemen
na horen dode in goden ere to seringhe in der kercken als kelcken ende ander clenodien god daer
mede to denen welkeer he bi gheert onverbroken to holden.
Item alle dat ghelt dat syn weerdige leve huesvrouwe heft in hoer biwaer sal se vrij holden to horen pro-
fyte ende en sal sijn leve broders daer gheen rekenschup van doen welkeer he bigheert on verbroken
to holden.
Item alle clenode ende syricheyt de to synen live horen solen alto samen komen ende bliven in godes ere
ende to syricheyt in der kercken
Item to Myddelstum ghyfft he ene blau flueel kasel in godes ere god daer mede to denen
Item he gyfft syner lever moder hoer levent lanck enen heert myt den lande ghelegen to Middelstum
gheheten Diddinghe husen Ende na hoer dot sal dat lant weder komen op syn leve broders
Item he begheert van syn leve broders ende Junkers dat se sijnen zuster Ewen willen gheven ende v..lghen
laten hoor part guedes ende erves wes hoer van hoer zaleghe vader guet boren mach na lanthrechte
op dat syne sele gheen pyne daer om en lide dat ghene dat gotlyck ende redelyck is.
Item he begheert van sine leve broders ende Junckers se syne natuerlike kinder willen brengen ende helpen to den
ghiestliken state als preesters to worden. Ende of dat so nyet en gheschede se neet gheestlick wolden werden
se enen ytliken kinde solen gheven to birade to komen sestighe golden rynse gulden
Item he ghijfft Kathrine to Middelstum een der kinder moder een stal koen een tabbert van enghels
laken ende een rock van leydes laken
Item Magdalene syn maghet ghyff he een ghave to syner huesvrouwen ontkenninge.
Item Her Abeke Ewesma Ritter vorscr. bigheert van syne leve broders ende Junckers Is dat sake dat he yennige
onrechtverdighe guede hefft manck synen gueden van welker syn leve weerdige huesvrouwe
hoem w.l. sal versekeren ende onderwijsen dat se de guede willen voir richtverdigen ende in de
ere godes brengen ende schicken op dat syne zele dar ghene pynne om en lyde mer god de here sick
over se wyl verbarmen ende gheven de ewighe salicheyt
Dijt vorscr. Testament ende articulen vorscr. hefft de Ersame duchtighe
Abeke Ewesma Ritter vorscr. bigheert van Her Bernt vicarius ten Damme
een instrument als een Notarius derop to maken als he ghedaen hefft
Ende hefft van synen leven broders ende Junckeren vorscr. andachtelike
bigheert syn yeghenwardich testament gansliken to vullen trecken
In by wesen des Ersamen Mester Ulfert kerckher ten Damme Ende her
Berent Notarius vorscr. welkeer de vorscr. Junckeren ende broder hem ghelovet
hebben mijt hande ende myt munde eo .. doen ende to vullen
brenghen na syn bigheerten als vorscr. is ............................... .
helft de Ersame duchtighe Abeko Ewesma Ritter bedacht dat den menschen nyet skerer en is
dan de doet ende onsekerer dan de ure syns dodes om syne sele salich to maken welich syner
vijff synnen wal dat he kranck was van lichame sy testament ende leste wille ghewacht myt
voer bidachten mode In maneren hijr na biscreven In den eersten bigheerte syne groeve in dat kloester
to Appingedamme in dat koer onder dat pulment daer staende offte daer in den syn leve broders
Juncker Reloff ende Juncker Wigbolt des al so bilevet syn lichaam daer bigraven worde
Item is dat sake he daer begraven wort so ghyfft he den vorscr. convente XXIIII golden rynsen gulden yaerlic
ken renthen alle yaer to boren uuth een heert in den kerspel ten Bure ghelegen daer Jacob Johan Foppens
op plach to wonen ter tijt to syn leve broders end Junckers vorscr. dat vorscr. convent alsodane yaerlike
rente op een ander stede versekeren to boren Voer dese vorscr. renthen solen de broders vorscr. alle weke
in ewicheyt dre missen lesen vor salicheyt synre selen syner olderen ende vrunde selen Item de erste
misse van der hilligher drevoldicheyt Item de anderde misse van den vyff wunden ons leven heren
ende van synre passien om syner selen salicheyt Item de darde misse van onser lever vrouwen ende
van alle goden hilligen dat de leven hilligen myt der moder godes god den heren voer hem willen
bidden om syne selessalich to worden. Ende weer dat sake de vorscr. broder versumeden de vorscr.
missen alle weke to lesen dat kenlick were solen ende mogen her Abeken Ewesumma ghebroders vorscr.
de renthe weder an tasten ende sulven manen ter tijt to de vorscr. broders missen lesen ende daen
stedeliken als vorscrs is.
Item mester Homme leestmester ghyfft he enen Philippus golden rynsen gulden dar he god den heren sal vor hem bidden
Item enen ytliken van den anderen broders de preesters synt enen arens gulden
Item is dat sake zyn leve broders ende Junckeren vorscr. en synt daer neet to ghesynt dat syn licham in
dat convent to Appingedam wort bigraven Meer to Middelstum daer he sulven lever wolde liggen
sal men hem leggen in syn olde moders graff by synen leven vader ende vrunde so en solen de vorscr.
yaerliken renthen nyet bliven bi den convent to Appingedam Mer so ghyfft he uuth den vorscr. landen
XXX golden rynsen gulden yaerliken renthen tot ene nije vicarie de he fundeert myt kracht syns testa-
ment to Middelstum in der kercken Ende de vicarie sal vergheven de Juncker ende guede man de
dat hues to Ewessum besittet ende een heer daer van is Ende de vicarius off preester van der voerscr.
vicarien sall alle weken lezen alsodane dre missen als vorscr. is voir sijner selen selicheijt ende syner
olderen ende vrunden
Item mester Ulfert den kerckher ten Damme syn bichtvader ghyfft he veer golden rynsen gulden bihalven
syn kerck. recht dat hem boert dar .e god den heren voer hem bidden sal
Item ........... preester in de kercke t.. amme enen arens gulden dat so vor hem bidden solen
Item Mester .......raken kerckher to Middelstum ghijfft he veer golden rynsen gulden by holden syn kercken recht
dat he go... den heren voir hem bidden s..l
Item enen y..iken preester to Myddelstum en.. golden rynsen gulden dat se vor hem bidden solen
Item der ..rken to Middelstum XXX arens gulden to der tymmeringe to hulpe
Item der k.rcken ten Damme II rynse gulden gulden (sic) to der tymmeringe to hulpe
Item een ytlike kerspel kercke tusschen de Eemse ende de Lauwere in onsen verbunde ghelegen enen
halven arens gulden to hulpe to tymmeringe.
Item een ytlike Abdie suntte Annen klooster mede gherekent to tymmeringe des oonvents een golden krone
Item enen ytliken anderen convente als sunte Johans orde ende nunnen kloester tusschen de Emse ende
de Lauwers ghelegen to tymmeringe enen utersschen gulden
Item den convent to Reyden een vet runt ofte ene tonne gadden
Item to Noerden ten Olden kloester sesteyn golden rynsen gulden to de tymmeringe to hulpe Ende den susters
al daar een aem wyns dat se god den heren solen voer hem bidden.
Item den convente to Eemden XVI arena gulden to hulpe to tymmeringe
Item dat ghasthues ten Damme enen golden rynsen gulden to de tymmeringe to hulpe
Item den dreen ghasthusen als to Middelstum to Obergum to Fermissum ytliken een mudde rogge to den armen
Item den ghemenen arme luden ses gra.. osenbrugsche laken to kleder Ende hundert paer schoen
Item he he....ker by syner seler salicheyt dat syn weerdeghe leve huesvrouwe ende he als se te
samende quemen in den hilligen echten state dat se brachte markelike penninge ende ghelt an hem
de welke penninge he heft biscreven myt syn eghen hant in syn olde testament Ende bigheert van
sijne leve broders ende Junckers sonder weygheren se de bitalinge der vorscr. penninghe willen stellen
ende gheven op den Edelen walgheboren heren heer Edzart Greve to Oestfreeslant wes synen
ghenade daer in seggende wort de hoer to bitalen op behoerliken tiden dat onverbroken to hol-
den ende achter to volghen.
Item Her Abke Ewesma Ritter vorscr. begheert van sijnen leven broders ende Junckers voerscr. dat syne leve
weerdeghe huesvrouwe vorscr. sal biholden alle tilber guede Ende golt ende sulver dat to horen
live hort ende syringhe tot horen vrien willen hoer levent lank Ende als se stervet sal dat koemen
na horen dode in goden ere to seringhe in der kercken als kelcken ende ander clenodien god daer
mede to denen welkeer he bi gheert onverbroken to holden.
Item alle dat ghelt dat syn weerdige leve huesvrouwe heft in hoer biwaer sal se vrij holden to horen pro-
fyte ende en sal sijn leve broders daer gheen rekenschup van doen welkeer he bigheert on verbroken
to holden.
Item alle clenode ende syricheyt de to synen live horen solen alto samen komen ende bliven in godes ere
ende to syricheyt in der kercken
Item to Myddelstum ghyfft he ene blau flueel kasel in godes ere god daer mede to denen
Item he gyfft syner lever moder hoer levent lanck enen heert myt den lande ghelegen to Middelstum
gheheten Diddinghe husen Ende na hoer dot sal dat lant weder komen op syn leve broders
Item he begheert van syn leve broders ende Junkers dat se sijnen zuster Ewen willen gheven ende v..lghen
laten hoor part guedes ende erves wes hoer van hoer zaleghe vader guet boren mach na lanthrechte
op dat syne sele gheen pyne daer om en lide dat ghene dat gotlyck ende redelyck is.
Item he begheert van sine leve broders ende Junckers se syne natuerlike kinder willen brengen ende helpen to den
ghiestliken state als preesters to worden. Ende of dat so nyet en gheschede se neet gheestlick wolden werden
se enen ytliken kinde solen gheven to birade to komen sestighe golden rynse gulden
Item he ghijfft Kathrine to Middelstum een der kinder moder een stal koen een tabbert van enghels
laken ende een rock van leydes laken
Item Magdalene syn maghet ghyff he een ghave to syner huesvrouwen ontkenninge.
Item Her Abeke Ewesma Ritter vorscr. bigheert van syne leve broders ende Junckers Is dat sake dat he yennige
onrechtverdighe guede hefft manck synen gueden van welker syn leve weerdige huesvrouwe
hoem w.l. sal versekeren ende onderwijsen dat se de guede willen voir richtverdigen ende in de
ere godes brengen ende schicken op dat syne zele dar ghene pynne om en lyde mer god de here sick
over se wyl verbarmen ende gheven de ewighe salicheyt
Dijt vorscr. Testament ende articulen vorscr. hefft de Ersame duchtighe
Abeke Ewesma Ritter vorscr. bigheert van Her Bernt vicarius ten Damme
een instrument als een Notarius derop to maken als he ghedaen hefft
Ende hefft van synen leven broders ende Junckeren vorscr. andachtelike
bigheert syn yeghenwardich testament gansliken to vullen trecken
In by wesen des Ersamen Mester Ulfert kerckher ten Damme Ende her
Berent Notarius vorscr. welkeer de vorscr. Junckeren ende broder hem ghelovet
hebben mijt hande ende myt munde eo .. doen ende to vullen
brenghen na syn bigheerten als vorscr. is ............................... .
x
| Archiv | Groninger Archieven |
|---|---|
| Bestand | F.A. Van Ewsum |
| Zugangsnummer | 696 |
| Inventarnr. | 0064 |
| Regestnr. | 106 |
| Jahr | 1503 |
| Datumcode | OmnSan |