| Nummer:fae088 | Datum: | Overlevering:Origineel | Vindplaats:F.A. Van Ewsum, inv.nr. 0536, reg. 088 |
Wy Ffrerick Sygers Lontko van Borssum ende Campo Fockens buerrechtere ten Damme betugen myt
dessen openen breve dat voer ons sindt ghekomen Laurens Muermester ende Grete syn echte
wyff onse medebuerlude ten Damme unde bekanden myt vryen willen gueden voerberadenen mode
voer em ende oren erffnamen dat e hebben vorkofft upghedragen ende overghegeven In enen steden
vasten erffkope den Ersamen Mester Ulffarde kerckheren then Damme off sinen erffnamen oere buenstede
gheleghen in den voerscr. Damme up de zueder zyde der Buten Delves strate daer Roelff Scotmouwe
nu ter tydt up ys wonende daer Nancko Eltekens up de Oester zyde ende Dynre Hermansoen up die
wester zijde o.er de strate alder nast sindt ghelegen ter zwetten Vry qwyt ewelick ende
erfflick myt alle sinen egendomme ende tobehoren to waren to bruken to besitten to vorwesselen
to vorhuren to [...]kopen sinen erffnamen Voert to erven ende alle sinen vryen willen daer mede to
doene voer ene summe van gelde de Laurens ende Grete vorbenoempt bekanden dat em van den vorscr.
mester Ulffarde de leste pennynck myt den ersten vul ende al tot oren willen wal is betalt Ende lo
veden mede in crafft dusses breves voer em ende oeren erffnamen den voerscr. mester Ulffarde guede
warynghe to holden ewelick ende erfflick in allen rechten also vake als em off sinen erffnamen dat
noet ende behoeff is Welkeer stede my Laurensoen vorscr. van salige Grete Balrikes echte wijff
ende mijn echte kint angheervet ys Sunder al arghelist hyr weren mede by an ende over als tuge
Evert koster tern Damme ende Walko Fockens In Orkunde ende vestenisse dusser waerheit hebben wy
buerrechters vorgenoempt onssen buere segel omme bede Laurensoen ende Grete voerscr. an dessen breeff
ghehangen Ghegeven Inden Jaere ons heren dusendt voerhundert vyffendetnegentich des daghes
na Sunte Blasius dach episcopi.
dessen openen breve dat voer ons sindt ghekomen Laurens Muermester ende Grete syn echte
wyff onse medebuerlude ten Damme unde bekanden myt vryen willen gueden voerberadenen mode
voer em ende oren erffnamen dat e hebben vorkofft upghedragen ende overghegeven In enen steden
vasten erffkope den Ersamen Mester Ulffarde kerckheren then Damme off sinen erffnamen oere buenstede
gheleghen in den voerscr. Damme up de zueder zyde der Buten Delves strate daer Roelff Scotmouwe
nu ter tydt up ys wonende daer Nancko Eltekens up de Oester zyde ende Dynre Hermansoen up die
wester zijde o.er de strate alder nast sindt ghelegen ter zwetten Vry qwyt ewelick ende
erfflick myt alle sinen egendomme ende tobehoren to waren to bruken to besitten to vorwesselen
to vorhuren to [...]kopen sinen erffnamen Voert to erven ende alle sinen vryen willen daer mede to
doene voer ene summe van gelde de Laurens ende Grete vorbenoempt bekanden dat em van den vorscr.
mester Ulffarde de leste pennynck myt den ersten vul ende al tot oren willen wal is betalt Ende lo
veden mede in crafft dusses breves voer em ende oeren erffnamen den voerscr. mester Ulffarde guede
warynghe to holden ewelick ende erfflick in allen rechten also vake als em off sinen erffnamen dat
noet ende behoeff is Welkeer stede my Laurensoen vorscr. van salige Grete Balrikes echte wijff
ende mijn echte kint angheervet ys Sunder al arghelist hyr weren mede by an ende over als tuge
Evert koster tern Damme ende Walko Fockens In Orkunde ende vestenisse dusser waerheit hebben wy
buerrechters vorgenoempt onssen buere segel omme bede Laurensoen ende Grete voerscr. an dessen breeff
ghehangen Ghegeven Inden Jaere ons heren dusendt voerhundert vyffendetnegentich des daghes
na Sunte Blasius dach episcopi.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0536 |
| Regestnr. | 088 |
| Jaar | 1495 |
| Datumcode | cBlasii |