| Nummer:fae087 | Datum: | Overlevering:Origineel | Vindplaats:F.A. Van Ewsum, inv.nr. 0081, reg. 087 |
Wy Wylhelmus Ffrederici doctoer ende cureet to sunte Merten als een overman Hermannus Elderwolt licenciatus inder hilliger scrifft
curet van onser lieven vrouwen kercke ter Ae Doko Grevinge doctoer ende cureet to Middelstum Ulffardus arcium magister cu-
reet to Westeremden Ffocko Rengers hoefftlinck ten Poste Herman Lewe inder tyt Borgermeister in Groningen Azego to Rasquart hoefftlinck gekoeren sonslude ende dedingeslude inder schelinge ende twydracht tusschen den Erbaeren Juncker
Releff van Ewessuma hoefftlinck myt synen hulperen als Johan van Ittersum, Bernt Wylmaelinck, Johan Tange vor de
welken Juncker Releff vorgen. staen sall desse nabescreven dedinge ende sone onverbrokeliken to holdenne vander eenre
Aylko Onsta hoefftlinck myt synen hulpers als Jasper Rengers end Thyes vor de welke Aylko vorgen. staen sall des nabe
screven sone to holden vander syden Synnen eendrachteliken overgekomen dat dessen vorgen. parten sullen tot ewigen da
gen vor sodane hove worden rechtlick wondingen ende onwyllen se myt malkanderen vor dessen dage gehadt hebn vor
soent ende verliket wesen ende malkanderen verlaten vergeven ende vergeten all hoene woerden onwylle misdaet sye myt
den anderen gehadt hebben De hyr en tegen dede offte sede by dree hondert franck esche schilde to broke, halff
tot ons soensluden vorscr. behoeff ende halff tot des parts behoeff dede soene vorscr. holt. Ock wes daer Juncker
Releff vor sodane onwylle wondinge Aylko Onsta, Jasper Rengers ende Thyes vorscr. angekoemn synt doen ende
betalen sall ende oeck in wat manieren dat sullen Juncker Releffs soenslude Juncker Releff Aylke Onsten soens
luden Aylko Onsten seggen toekennen geven ende beduden daer sick dan elck na richten ende mede to vreden wesen
sall byder vorscr. pene. Daer Juncker Releff ende Aylko Onsta vorgen. in onser tegenwordicheyt malkanderen ene stede
vaste ende onverbrokenen sone ende hantvrede up gegeven hebben vor em ende oeren erffgenamen hulperen ende hulpers
hulperen nummer der saken vorscr. wegen malkanderen to haten offte to nyden to beclagen ofte an to spreken in rechte
offte buten rechte enen itliken van den parten vorscr. offte oer erffgenamen hulperen offte hulpers hulperen daer elck syn
part vorstaen staen sall sunder argelist In Orkunde der waerheyt hebben wy vorgen. overman ende soenslude
als Wylhelmus, Hermanus, Doko, Ulffardus cureeten vorgen. Ffocko, Herman ende Azego vorgen. onsen segele beneden an
dessen breeff gehangen Ende umme de merre vestnissewylle hebben wy Releff ende Aylko hoefftlinck vorgen. alse
parten onsen segele mede an dessen breeff gehangen Inden jaer ons heren dusent vierhondert vierendetnegentich
des Vrigdages na sunte Kathereinen dage virginis et martiris.
curet van onser lieven vrouwen kercke ter Ae Doko Grevinge doctoer ende cureet to Middelstum Ulffardus arcium magister cu-
reet to Westeremden Ffocko Rengers hoefftlinck ten Poste Herman Lewe inder tyt Borgermeister in Groningen Azego to Rasquart hoefftlinck gekoeren sonslude ende dedingeslude inder schelinge ende twydracht tusschen den Erbaeren Juncker
Releff van Ewessuma hoefftlinck myt synen hulperen als Johan van Ittersum, Bernt Wylmaelinck, Johan Tange vor de
welken Juncker Releff vorgen. staen sall desse nabescreven dedinge ende sone onverbrokeliken to holdenne vander eenre
Aylko Onsta hoefftlinck myt synen hulpers als Jasper Rengers end Thyes vor de welke Aylko vorgen. staen sall des nabe
screven sone to holden vander syden Synnen eendrachteliken overgekomen dat dessen vorgen. parten sullen tot ewigen da
gen vor sodane hove worden rechtlick wondingen ende onwyllen se myt malkanderen vor dessen dage gehadt hebn vor
soent ende verliket wesen ende malkanderen verlaten vergeven ende vergeten all hoene woerden onwylle misdaet sye myt
den anderen gehadt hebben De hyr en tegen dede offte sede by dree hondert franck esche schilde to broke, halff
tot ons soensluden vorscr. behoeff ende halff tot des parts behoeff dede soene vorscr. holt. Ock wes daer Juncker
Releff vor sodane onwylle wondinge Aylko Onsta, Jasper Rengers ende Thyes vorscr. angekoemn synt doen ende
betalen sall ende oeck in wat manieren dat sullen Juncker Releffs soenslude Juncker Releff Aylke Onsten soens
luden Aylko Onsten seggen toekennen geven ende beduden daer sick dan elck na richten ende mede to vreden wesen
sall byder vorscr. pene. Daer Juncker Releff ende Aylko Onsta vorgen. in onser tegenwordicheyt malkanderen ene stede
vaste ende onverbrokenen sone ende hantvrede up gegeven hebben vor em ende oeren erffgenamen hulperen ende hulpers
hulperen nummer der saken vorscr. wegen malkanderen to haten offte to nyden to beclagen ofte an to spreken in rechte
offte buten rechte enen itliken van den parten vorscr. offte oer erffgenamen hulperen offte hulpers hulperen daer elck syn
part vorstaen staen sall sunder argelist In Orkunde der waerheyt hebben wy vorgen. overman ende soenslude
als Wylhelmus, Hermanus, Doko, Ulffardus cureeten vorgen. Ffocko, Herman ende Azego vorgen. onsen segele beneden an
dessen breeff gehangen Ende umme de merre vestnissewylle hebben wy Releff ende Aylko hoefftlinck vorgen. alse
parten onsen segele mede an dessen breeff gehangen Inden jaer ons heren dusent vierhondert vierendetnegentich
des Vrigdages na sunte Kathereinen dage virginis et martiris.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0081 |
| Regestnr. | 087 |
| Jaar | 1494 |
| Datumcode | VpCathar |