| Nummer:fae085 | Datum: | Overlevering:Origineel | Vindplaats:F.A. Van Ewsum, inv.nr. 0535, reg. 085 |
Wy Renger Abelssen ende Syabbe echte lude woenachtich in den kerspel to Usquart bekennen ende betughen in dessen openen breve voer uns ende
unsen erffghenamen dat wy myt voerberaet hebben ghegeven ghegunt ende up ghedraghen in kraft desses breves ewelike ende erfflike gheven
gunnen ende draghen up den Erbaren ende vromen Juncher Reloff van Ewssum ende synen erffghenamen, soedaene heerlicheide ende rechtinge
als daer is vallende up de wyrden ende hoffstede gheleghen to Wthusum by dat kerchoff de prebendarius to Wthuseum up de wester zydt
de hilligen to Wthusum ende Wijlm Pelser up de oester zydt tor swetten vry quijt ewelick ende erfflick myt allen eghendome ende behoer
licheit Als uns de vorsc. heerlicheit mijt de wyrden hues ende hoffstede vorsc. synt angheervet van salighe Allo Bawkumma Syabben mynre
huessfrowen vader de se hadde ghecoft ende wal betaelt van Fryck Fockens ende Melliken synre huesfrowen woenachtich in den Ondell, na
wtwysen eens guden beseghelden breves den wij daer van hebben und loven hyr umme den erbaren Juncher Reloff vorsc. off synen
erffgenamen desser heerlicheiden und rechtinge de daer synnen up vallende, na wtwysen der vorsc. koepbreeff als de begrepen heft
in synre macht to bliven sonder arghelist. Hyr hebben by an ende over ghewest Peter Mijnerts ende Metze to Watwert wedmans
to Usquart wedmans wyse hyr to gheeysschet desser waerheit tor oerkunde Ende in merre vestenisse desser waerheit hebben
wy Renger ende Syabbe echte lude vorsc. ghebeden demen ersamen heren meyster Roloff Hoerneken commenduer des conventes to
Wijtwert dessen breeff over uns to beseghelen want up destyt in unsen kerspele to Usquart gheen yechtich kercheer en is de over
uns seghelen mach Ende ick Rodolphus Hoerneken commenduer vorsc. umme Rengers ende Syabbens vruntliker bede willen hebbe
myn seghel beneden an dessen breeff ghehangen in den yaer unses heren dusent veerhondert ende veerendetneghentich des don-
redaghes na mydvasten letare Iherusalem.
unsen erffghenamen dat wy myt voerberaet hebben ghegeven ghegunt ende up ghedraghen in kraft desses breves ewelike ende erfflike gheven
gunnen ende draghen up den Erbaren ende vromen Juncher Reloff van Ewssum ende synen erffghenamen, soedaene heerlicheide ende rechtinge
als daer is vallende up de wyrden ende hoffstede gheleghen to Wthusum by dat kerchoff de prebendarius to Wthuseum up de wester zydt
de hilligen to Wthusum ende Wijlm Pelser up de oester zydt tor swetten vry quijt ewelick ende erfflick myt allen eghendome ende behoer
licheit Als uns de vorsc. heerlicheit mijt de wyrden hues ende hoffstede vorsc. synt angheervet van salighe Allo Bawkumma Syabben mynre
huessfrowen vader de se hadde ghecoft ende wal betaelt van Fryck Fockens ende Melliken synre huesfrowen woenachtich in den Ondell, na
wtwysen eens guden beseghelden breves den wij daer van hebben und loven hyr umme den erbaren Juncher Reloff vorsc. off synen
erffgenamen desser heerlicheiden und rechtinge de daer synnen up vallende, na wtwysen der vorsc. koepbreeff als de begrepen heft
in synre macht to bliven sonder arghelist. Hyr hebben by an ende over ghewest Peter Mijnerts ende Metze to Watwert wedmans
to Usquart wedmans wyse hyr to gheeysschet desser waerheit tor oerkunde Ende in merre vestenisse desser waerheit hebben
wy Renger ende Syabbe echte lude vorsc. ghebeden demen ersamen heren meyster Roloff Hoerneken commenduer des conventes to
Wijtwert dessen breeff over uns to beseghelen want up destyt in unsen kerspele to Usquart gheen yechtich kercheer en is de over
uns seghelen mach Ende ick Rodolphus Hoerneken commenduer vorsc. umme Rengers ende Syabbens vruntliker bede willen hebbe
myn seghel beneden an dessen breeff ghehangen in den yaer unses heren dusent veerhondert ende veerendetneghentich des don-
redaghes na mydvasten letare Iherusalem.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0535 |
| Regestnr. | 085 |
| Jaar | 1494 |
| Datumcode | JpLetare |