| Nummer:fae079 | Datum: | Overlevering:Origineel | Vindplaats:F.A. Van Ewsum, inv.nr. 0529, reg. 079 |
Ick Henrick Wijtama, Goessen ende Jacop Witama lyen ende bekennen in dessen openen
brieve voer ons ende onse erffgenamen dat wy samenderhant vercofft hebben Henrick Wes-
selijck ende Griete sijnre huysvrouwe voer hon ende hoer erffgenamen twe Graze landes ende
een vierendeel ende een geheyten Epsema lant gheleghen onder den clockensclach van
Roderwoldt om een summe gheldes, daer Barolt Eemsma erffgenamen naest ghelandet
sijn up de Oester zijdt, ende Johan Landes up de wester zijdt, daer hebben wy Henrick
Goessen ende Jacop vorsc. den stock aff gheleet voer ons ende onse erffgenamen, Henrick ende Griete
vorsc. voer hon ende hoer rffgenamen als een lantrecht ys inden lande van Drenthe, des bekenne
ick Henrick Goessen ende Jacop vorsc. in dessen brieff dat ons den lesten penninck metten
yersten wal betaelt is sonder alle arghelist, by dyt stocklegghen hebben gheweest als
bueren Johan Keme, Mense Wytama, Tyman Gheerts ende meer gueder lude ghenoech
nae lantrecht in orkunde der waerheit soe hebben wy Henrick Goessen ende Jacop samen
derhant ghebeden Reyner Ottens nu ter tijt scholte to Rodewoldt dessen brieff over ons
tho bezeghelen des heb ick Reyner vorsc. om bede wijl Henrix Goessens ende Jacops vorsc.
myn zeghel beneden an dessen breiff gehanghen Inden jaer ons heren dusent vyerhon-
dert een ende tneghentich des dinxdaghes nae Sunte Pauwels dach Conversionis.
brieve voer ons ende onse erffgenamen dat wy samenderhant vercofft hebben Henrick Wes-
selijck ende Griete sijnre huysvrouwe voer hon ende hoer erffgenamen twe Graze landes ende
een vierendeel ende een geheyten Epsema lant gheleghen onder den clockensclach van
Roderwoldt om een summe gheldes, daer Barolt Eemsma erffgenamen naest ghelandet
sijn up de Oester zijdt, ende Johan Landes up de wester zijdt, daer hebben wy Henrick
Goessen ende Jacop vorsc. den stock aff gheleet voer ons ende onse erffgenamen, Henrick ende Griete
vorsc. voer hon ende hoer rffgenamen als een lantrecht ys inden lande van Drenthe, des bekenne
ick Henrick Goessen ende Jacop vorsc. in dessen brieff dat ons den lesten penninck metten
yersten wal betaelt is sonder alle arghelist, by dyt stocklegghen hebben gheweest als
bueren Johan Keme, Mense Wytama, Tyman Gheerts ende meer gueder lude ghenoech
nae lantrecht in orkunde der waerheit soe hebben wy Henrick Goessen ende Jacop samen
derhant ghebeden Reyner Ottens nu ter tijt scholte to Rodewoldt dessen brieff over ons
tho bezeghelen des heb ick Reyner vorsc. om bede wijl Henrix Goessens ende Jacops vorsc.
myn zeghel beneden an dessen breiff gehanghen Inden jaer ons heren dusent vyerhon-
dert een ende tneghentich des dinxdaghes nae Sunte Pauwels dach Conversionis.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0529 |
| Regestnr. | 079 |
| Jaar | 1491 |
| Datumcode | MpConPau |