| Nummer:fae071 | Datum: | Overlevering:Origineel | Vindplaats:F.A. Van Ewsum, inv.nr. 0517, reg. 071 |
Wy borgermestere ende Raed in Groningen betugen myt dessen openen breve dat voer ons is gekomen Herman Ghysinge
ende bekande voer em ende sine erffgenamen dat hie hevet verkofft upgedragen ende overgegeven Deyken Ghysinge synre
moder ende oeren erffgenamen Syn vierdepart ende andiel als hie hevet an dat Juck landes ende een vierendel
van enen Jucke gelegen inde Merne so als syn salige vader dat van Tyaert Wallens gekofft ende ontfangen hefft
Ende bet syn vierdepart ende andiel vanden wall offte heme gelegen in Hummers dat van Wabben to Oldehoeve
uut gekomen is daer Albert Scomaker ende Swane syn huusfrouwe oer huusingen up staende ende nu inder hure hebben
vry ende quyt Erffliken ende ewliken to bruken ende to besitten myt allen de ander huusingen ende lande myt oeren toe
behoren ende anderen guede wes Deyken vorscr. myt breven ende zegelen bewyssen mach dat sie voer dessen dage datum des
breves gekofft hevet van Hermanus oeren zoene vorgen. oeck vry ende quyt Erffliken ende ewliken to bruken ende toe
besitten sunder wederseggen Hermans vorsc. ende synre erffgenamen voer ene summe geldes de Herman vorscr. bekande dat em
vull ende all is betaelt Mede bekande Herman vorscr. dat Em Deyken syn moder guede scheidinge ende utinge
gedaen hevet van all clenoden ende tilbar guede de Em van sinen saligen vader angestorven waeren Ende dancket oer des
gueder scheidinge ende utinge Also dat hie offte sine erffgenamen gene meer ansprake bet daer omme doen offte be
holden sal myt genen rechte up Deyken synre moder vorscr. offte up oeren erffgenamen men vrentliken daer mede gescheiden
to wesen ende to bliven Voert bekande Herman vorscr. dat hie hevet to onderpande gesat all syn guet oeck waer dat
gelegen is Als voer sodane gelt des doetdiels Herman vorscr. bekande syn moder vorgen. Em mede verlecht hefft ende
van synre wegen betaelt sunder argelist Dat orkinde wy myt onser stad zegel Ghegeven inden jaer ons heren dusent
vierhundert drie ende tachtentich des wondesdages na sunte Laurencius dach Doe Sweder Kater, Herman Potter
Roloff Ulgers ende Roloff Mepsche borgermestere waeren onser stad.
ende bekande voer em ende sine erffgenamen dat hie hevet verkofft upgedragen ende overgegeven Deyken Ghysinge synre
moder ende oeren erffgenamen Syn vierdepart ende andiel als hie hevet an dat Juck landes ende een vierendel
van enen Jucke gelegen inde Merne so als syn salige vader dat van Tyaert Wallens gekofft ende ontfangen hefft
Ende bet syn vierdepart ende andiel vanden wall offte heme gelegen in Hummers dat van Wabben to Oldehoeve
uut gekomen is daer Albert Scomaker ende Swane syn huusfrouwe oer huusingen up staende ende nu inder hure hebben
vry ende quyt Erffliken ende ewliken to bruken ende to besitten myt allen de ander huusingen ende lande myt oeren toe
behoren ende anderen guede wes Deyken vorscr. myt breven ende zegelen bewyssen mach dat sie voer dessen dage datum des
breves gekofft hevet van Hermanus oeren zoene vorgen. oeck vry ende quyt Erffliken ende ewliken to bruken ende toe
besitten sunder wederseggen Hermans vorsc. ende synre erffgenamen voer ene summe geldes de Herman vorscr. bekande dat em
vull ende all is betaelt Mede bekande Herman vorscr. dat Em Deyken syn moder guede scheidinge ende utinge
gedaen hevet van all clenoden ende tilbar guede de Em van sinen saligen vader angestorven waeren Ende dancket oer des
gueder scheidinge ende utinge Also dat hie offte sine erffgenamen gene meer ansprake bet daer omme doen offte be
holden sal myt genen rechte up Deyken synre moder vorscr. offte up oeren erffgenamen men vrentliken daer mede gescheiden
to wesen ende to bliven Voert bekande Herman vorscr. dat hie hevet to onderpande gesat all syn guet oeck waer dat
gelegen is Als voer sodane gelt des doetdiels Herman vorscr. bekande syn moder vorgen. Em mede verlecht hefft ende
van synre wegen betaelt sunder argelist Dat orkinde wy myt onser stad zegel Ghegeven inden jaer ons heren dusent
vierhundert drie ende tachtentich des wondesdages na sunte Laurencius dach Doe Sweder Kater, Herman Potter
Roloff Ulgers ende Roloff Mepsche borgermestere waeren onser stad.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0517 |
| Regestnr. | 071 |
| Jaar | 1483 |
| Datumcode | EpLauren |