| Nummer:fae069 | Datum: | Overlevering:Origineel | Vindplaats:F.A. Van Ewsum, inv.nr. 0509, reg. 069 |
Wy Menno Almers ende Syabbe echte lude in karspel to Zantweer bekennen in dussen opene breve dat
wy myt guden beraden mode hebben ewelick ende erflick verwesselt vor ons unde unssen erfgenamen myt
der erbaeren vrouwen vrou Blike een acker landes gheleghen Onnemapraebende ter zwette up die
Oester ende unde suder ziden unde Salighe Tyart Usmans kynderen up die wester ende unde uns Menno
vorscr. unde Bayko in Marlant up die norder zide myt den halven sloet van den menne wech an hent
tho Gayken vorscr. lant die praebende vorscr. tho Zantwere oeren vryen willen dar mede tho doen tho graven
tho verwesselen als dat nut is alle arghelist utghenomen unde hijr heff uns Menno Almers ende Syabbe
enthegens ghegheven die erbaere vrouwe vrou Blike Frama tho Husdinghe vor oer part in Bowynghe heem dat oer salighe sone Reyner Eysinghe myt
oer consent hadde ghegheven die praebende tho Zantwer unde dit vorscr. part hemes licht ter zwette Heer
Onno Ewesma op die zuder ende ende wester zide Hilbrant Scheltkama op die oester zide ter zwette ende
uns Menno Almers vorscr. up die norder ende unde is nu tho daghe een koel tuen ende een stucke wyr
de landes myt alzodane sloet als dat die vicaerie pleech tho bruken ende dit is ghescheen
tho nutticheyt dar vicaerien Hyr hebben by ghewesen Hilbrant Scheltkama hovelinck tho Zantweer
Gayko unde Dodo wedmanne wedmars ghewise dar tho gheeysighet unde umme meer vestinghe
zo hebben wy Menno Almers ende Syabbe vorscr. ghebeden unsen erbaeren kerkheren Aylken dussen
breeff over ons tho beseghelen Unde Ick Aylwerdus umme bede willen myn karspel luden zo hebbe
Ick myn zeghel beneden an dussen breeff ghehangen Int jar unsen heren dusent vierhundert ende
enentachtentich up sunte Ludgerus dartichsten dach.
wy myt guden beraden mode hebben ewelick ende erflick verwesselt vor ons unde unssen erfgenamen myt
der erbaeren vrouwen vrou Blike een acker landes gheleghen Onnemapraebende ter zwette up die
Oester ende unde suder ziden unde Salighe Tyart Usmans kynderen up die wester ende unde uns Menno
vorscr. unde Bayko in Marlant up die norder zide myt den halven sloet van den menne wech an hent
tho Gayken vorscr. lant die praebende vorscr. tho Zantwere oeren vryen willen dar mede tho doen tho graven
tho verwesselen als dat nut is alle arghelist utghenomen unde hijr heff uns Menno Almers ende Syabbe
enthegens ghegheven die erbaere vrouwe vrou Blike Frama tho Husdinghe vor oer part in Bowynghe heem dat oer salighe sone Reyner Eysinghe myt
oer consent hadde ghegheven die praebende tho Zantwer unde dit vorscr. part hemes licht ter zwette Heer
Onno Ewesma op die zuder ende ende wester zide Hilbrant Scheltkama op die oester zide ter zwette ende
uns Menno Almers vorscr. up die norder ende unde is nu tho daghe een koel tuen ende een stucke wyr
de landes myt alzodane sloet als dat die vicaerie pleech tho bruken ende dit is ghescheen
tho nutticheyt dar vicaerien Hyr hebben by ghewesen Hilbrant Scheltkama hovelinck tho Zantweer
Gayko unde Dodo wedmanne wedmars ghewise dar tho gheeysighet unde umme meer vestinghe
zo hebben wy Menno Almers ende Syabbe vorscr. ghebeden unsen erbaeren kerkheren Aylken dussen
breeff over ons tho beseghelen Unde Ick Aylwerdus umme bede willen myn karspel luden zo hebbe
Ick myn zeghel beneden an dussen breeff ghehangen Int jar unsen heren dusent vierhundert ende
enentachtentich up sunte Ludgerus dartichsten dach.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0509 |
| Regestnr. | 069 |
| Jaar | 1481 |
| Datumcode | 30Ludger |