| Nummer:fae052 | Datum: | Overlevering:Origineel | Vindplaats:F.A. Van Ewsum, inv.nr. 0498, reg. 052 |
Ick Thiaert Luwels zoen toe Edingheweer ende Tette myn echte wyf bekenne unde betughe
mit dessen openen breve Hoe dat wy voer ons ende onse erfghename mit vryen wille
ende met goeden voerberade hebben vercoft Heer Onnen Ewesma drie grote hondert landes
die my Thyaert voerscreven mit Tetten van Oede te Dijck sy[...] te bodel ghegheven ligghende
in Canter oester eensetelinghe daer Blydeke Fradema licht op die suder eynde ende op die
wester sijt Ewesma lant op die norder eynde ende op die oester syt desser vorscreven fenne
te swette Voer een summa gheldes die ons Thyaert ende Tette voerscreven die eerste penninck
mitten lesten al ende wal betaelt is waer om soe draghen wy op ende gheven over voer
ons ende ons erfghenamen heer Onnen Ewesma ende syn erfghenaemen ewelick ende erflick dit lant
te bruken te vercoepen ende al synen vryen willen daer mede te doen sonder al arghelist Hier
heeft an ende over gheweest Abel Syghersma Wetman wetmans wyse die waerheyt te huden
In oerkunde desser waerheyt soe hebben wy Thyaert ende Tette vorscreven ghebeden heer Elteken
onse cureyt dessen brief over ons te beseghelen Ende ick Eltatus kercheer te Westerwyt
wert om bede willen Thyaerts ende Tettens vorscr. heb myn seghel an dessen brieff ghehan
ghen Inden Jaer ons heren dusent vierhondert een ende sestich Op onser vrouwen
dach Purificatio.
mit dessen openen breve Hoe dat wy voer ons ende onse erfghename mit vryen wille
ende met goeden voerberade hebben vercoft Heer Onnen Ewesma drie grote hondert landes
die my Thyaert voerscreven mit Tetten van Oede te Dijck sy[...] te bodel ghegheven ligghende
in Canter oester eensetelinghe daer Blydeke Fradema licht op die suder eynde ende op die
wester sijt Ewesma lant op die norder eynde ende op die oester syt desser vorscreven fenne
te swette Voer een summa gheldes die ons Thyaert ende Tette voerscreven die eerste penninck
mitten lesten al ende wal betaelt is waer om soe draghen wy op ende gheven over voer
ons ende ons erfghenamen heer Onnen Ewesma ende syn erfghenaemen ewelick ende erflick dit lant
te bruken te vercoepen ende al synen vryen willen daer mede te doen sonder al arghelist Hier
heeft an ende over gheweest Abel Syghersma Wetman wetmans wyse die waerheyt te huden
In oerkunde desser waerheyt soe hebben wy Thyaert ende Tette vorscreven ghebeden heer Elteken
onse cureyt dessen brief over ons te beseghelen Ende ick Eltatus kercheer te Westerwyt
wert om bede willen Thyaerts ende Tettens vorscr. heb myn seghel an dessen brieff ghehan
ghen Inden Jaer ons heren dusent vierhondert een ende sestich Op onser vrouwen
dach Purificatio.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0498 |
| Regestnr. | 052 |
| Jaar | 1461 |
| Datumcode | PurMar |