Nummer:fae037 | Datum:8 april 1443 | Overlevering:Origineel | Vindplaats:F.A. Van Ewsum, inv.nr. 0486, reg. 037 |
Ic Bole to Huesdingen ende Ayle myn Echte wijff bekennen ende tughen yn dessen openen breve voer ons ende onse
erfgenamen dat wij hebben vercoft stedes kopes ende verkopen Blideken Fradama twe hundert landes gheleghen
ynde hamric dar Blideken vorscr. lant licht op der noert syt ende Abeken Onsten lant licht op de suet syt strec
kende mitten oester ende op Husyngher wech ende mitten wester ende op Husingher maer vor ene
summe gheldes de ons Bolen ende Aylen wal betalt is tot onsen willen dar omme soe schelde wy Blideken
vorscr. dit vorscr. lant toe gude oren vryen willen daer mede to done to vercopen to verwisselen ende to versetten
ende wildet Blideken vorscr. vry ende veerdich waeren als deghene de daer up spreken wyllen al arghelist
ende nye vonde uut ghesproken Hijr weren an ende over doe desse vorscr. koep schede Selke to Huusdingen ende Fodke
Albesma de dar weddemans wise to gheropen worden. In orkunde der warheit soe hebbe wy Bole ende
Ayle vorscr. ghebeden Her Reyner nu ter tyt onse kerchere to Huusdingen dessen breef over ons to beseghe
len ende ic Reynerus kerchere vorscr. hebbe myn seghel om bewillen Bolen ende Aylen vorscr. beneden an dessen
breef ghehenghen Int Jar ons heren mo cccco ende xliii des dunredages na Iudica.
erfgenamen dat wij hebben vercoft stedes kopes ende verkopen Blideken Fradama twe hundert landes gheleghen
ynde hamric dar Blideken vorscr. lant licht op der noert syt ende Abeken Onsten lant licht op de suet syt strec
kende mitten oester ende op Husyngher wech ende mitten wester ende op Husingher maer vor ene
summe gheldes de ons Bolen ende Aylen wal betalt is tot onsen willen dar omme soe schelde wy Blideken
vorscr. dit vorscr. lant toe gude oren vryen willen daer mede to done to vercopen to verwisselen ende to versetten
ende wildet Blideken vorscr. vry ende veerdich waeren als deghene de daer up spreken wyllen al arghelist
ende nye vonde uut ghesproken Hijr weren an ende over doe desse vorscr. koep schede Selke to Huusdingen ende Fodke
Albesma de dar weddemans wise to gheropen worden. In orkunde der warheit soe hebbe wy Bole ende
Ayle vorscr. ghebeden Her Reyner nu ter tyt onse kerchere to Huusdingen dessen breef over ons to beseghe
len ende ic Reynerus kerchere vorscr. hebbe myn seghel om bewillen Bolen ende Aylen vorscr. beneden an dessen
breef ghehenghen Int Jar ons heren mo cccco ende xliii des dunredages na Iudica.
x
Archief | Groninger Archieven |
---|---|
Fonds | F.A. Van Ewsum |
Toegangsnummer | 696 |
Inventarisnr. | 0486 |
Regestnr. | 037 |
Jaar | 1443 |
Datumcode | JpJudica |