Hoyko Aldrynga, Ghesse, mijn echte husfrowe doen kundt unde belijen uyt dussen unsen opennen
breven dat wij myt vrijen wyllen gueden vorbdachten moede vor uns unde allen unsen arffgenaemen hebben
vorcofft, upgedragen ende overgegeven ny [sic!] ennen stedenvasten, unvoerbroeken aerffcoep arffilicken ende ewe-
licken Joest van Embden, Bywe, sijn huesfrouwe, ende hoeren aerffgenamen alle soedanen twe huesesstedenn
mit allen gerechtycheiden herlicheyden egendoemen unde thobehoeren in der karcken so als se mij van mijn
saelighe vader unde moeder anghearwet synt, nichtes uutgenoemen, soe desulve gelegen syndt binnen denn
Damme yn de Buetendelvestraete an de noerdersijde, daer Johan Potter unde Lodewijck Schroer nu up woe-
nen streckende mit ennen ganck voer van der straeten wente achter up dat Santzster diep, daer Boeye Edsens
up 't oesten unde zalige Derck then Buerens hus up 't westen alder naest angeswettet syndt mit ock ennen
ganck streckende van den Delffdepe an Joest ende Bywen hues wente vor an der straeten vrey, quidt,
arffelicken unde ewelicken tho leveren ende tho waeren vor enne summa geldes de Hoyko unde Gese bekanden
dat oer die vul unde al is betaelt. Sunder argelist. Soe hebbe ick Hoyko Aldrynga upgenompt thot bevestinghe
der warheit mijn eigen angeboeren zegule beneden an dussen breff ghehangen unde myt mijn eygen handt
gheschreven. In den jare unses Heren dusent viffhundert vierendetsestych up maendage nae Miserycordis Domini.

x

x

Archief	Groninger Archieven
Fonds	Arch. Claes ten Buer
Toegangsnummer	603
Inventarisnr.	0007
Register Feith	1564.118
Jaar	1564
Datumcode	LpMisDom

x

x

x

Materiaal	perkament