| Nummer:ahs167 | Datum: | Überlieferung:Origineel | Fundstelle:Arch. Armhuiszittengasthuis, inv.nr. 0717, reg. 167 |
Wy Borgermestere ende Raed in Groningen betugen mit dessen openen breve dat voir ons sint gekomen die procuratoirs inder tyd der armen
huussitten in onsser Stad ende bekanden voir em ende oren naekomelingen procuratores dat Boele Stemetseler ende Fenne syn echte huus
vrouwe sullen hebben besitten ende bruycken dat huus mitten vier kameren ende ore hofsteden met alle toebehoren soo lange als
Boele voirscr. levet ende niet langerdat die procuratores vorgen. gekofft hebben van Boelen ende Fennen voirgen. gelegen upter Nierstad
ande suydersyden vander straten daer Copell Arckes huus naest by lycht ande oestersijd ende Albert Dysinges huur ande westersijd strec
kende suutwert ander stad erve dair toe sall Bole voirscr, hebben acht arnems guldene jairlycker lyffrenten jairlicks to boeren alse
stadrecht is soe lange als Boele voirscr, levet ende niet langer Des sullen die procuratres tot behoeff der armen voirscr. Bolens
voirscr. halve tylber guet hebben nae Boelens voirscr. doet men Fenne voirgen. mach dat bruucken oer levent langk ende en
sal dat niet verquaden inden sie Boelen voirscr. verlevet yst oeck sake dat Fenne voirgen. Boelen verlevet soe sall sie daer toe hebben vyfteyn arnems guldene lyffrenten vanden procuratores voirgen. iaerlicks to boren alse stad recht is soe lange
als Fenne voirscr. levet ende niet langer des soe sullen die procuratores voirgen. dichte ende staende holden dat huus ende
die kameren voirgen. sonder Boelens ende Fennens scade. Soo dat Boele ende Fenne voirgen. dat vrij sullen mogen bruycken
ofte verhuyren ende wes dair van komet vrij beholden soe lange als Boele voirscr. levet ende niet langer. Men weert sake dat
tet huus brande den scade solde Bole hebben weert oeck sake dat Boele ende Fenne voirscr. der armen proven begeerden ende toe
doende hadden dat sullen die procuratores voirgen. gonnen ende besorgen oir levent langk sonder argelyst Dat Oirkonden wij
mit onsser stad Segell Gegeven Jair (sic) ons heeren dusent vierhondert vyffende tachtentich des Saterdages nae sunte Servaes
dage doe Germet Allema, Henrick Reberch, Coppijn Jarges ende Berent Horneken Borgermestere waeren onsser Stad.
huussitten in onsser Stad ende bekanden voir em ende oren naekomelingen procuratores dat Boele Stemetseler ende Fenne syn echte huus
vrouwe sullen hebben besitten ende bruycken dat huus mitten vier kameren ende ore hofsteden met alle toebehoren soo lange als
Boele voirscr. levet ende niet langerdat die procuratores vorgen. gekofft hebben van Boelen ende Fennen voirgen. gelegen upter Nierstad
ande suydersyden vander straten daer Copell Arckes huus naest by lycht ande oestersijd ende Albert Dysinges huur ande westersijd strec
kende suutwert ander stad erve dair toe sall Bole voirscr, hebben acht arnems guldene jairlycker lyffrenten jairlicks to boeren alse
stadrecht is soe lange als Boele voirscr, levet ende niet langer Des sullen die procuratres tot behoeff der armen voirscr. Bolens
voirscr. halve tylber guet hebben nae Boelens voirscr. doet men Fenne voirgen. mach dat bruucken oer levent langk ende en
sal dat niet verquaden inden sie Boelen voirscr. verlevet yst oeck sake dat Fenne voirgen. Boelen verlevet soe sall sie daer toe hebben vyfteyn arnems guldene lyffrenten vanden procuratores voirgen. iaerlicks to boren alse stad recht is soe lange
als Fenne voirscr. levet ende niet langer des soe sullen die procuratores voirgen. dichte ende staende holden dat huus ende
die kameren voirgen. sonder Boelens ende Fennens scade. Soo dat Boele ende Fenne voirgen. dat vrij sullen mogen bruycken
ofte verhuyren ende wes dair van komet vrij beholden soe lange als Boele voirscr. levet ende niet langer. Men weert sake dat
tet huus brande den scade solde Bole hebben weert oeck sake dat Boele ende Fenne voirscr. der armen proven begeerden ende toe
doende hadden dat sullen die procuratores voirgen. gonnen ende besorgen oir levent langk sonder argelyst Dat Oirkonden wij
mit onsser stad Segell Gegeven Jair (sic) ons heeren dusent vierhondert vyffende tachtentich des Saterdages nae sunte Servaes
dage doe Germet Allema, Henrick Reberch, Coppijn Jarges ende Berent Horneken Borgermestere waeren onsser Stad.
x
| Archiv | Groninger Archieven |
|---|---|
| Bestand | Arch. Armhuiszittengasthuis |
| Zugangsnummer | 1377 |
| Inventarnr. | 0717 |
| Regestnr. | 167 |
| Jahr | 1485 |
| Datumcode | SpServat |