| Nummer:ahs166 | Datum: | Overlevering:Origineel | Vindplaats:Arch. Armhuiszittengasthuis, inv.nr. 0717, reg. 166 |
Wy Borgermestere ende Raed in Gronyngen betugen mit dessen openen breve dat voir ons is gekomen Boele steenmetseler
ende Fenne syn echte huurvrouwe ende bekanden samentlycken voir em ende oren erffgenamen dat sie hebben verkoft upgedragen
ende overgegeven die procuratoirs der armer huussitten in onsser Stad tot behoeff der armen dat huus mitter hofstede
mit mede brukinge desses ganges dair die breeff van sprket dair desse breeff doir getogen is mitten vier kameren
achter den voirscr. huse gelegen mit allen oren tobehoren achter ende voir vry ende quyt erfflycken ende ewychlycken In allen
manieren to brukende ende to besittende als die selve breven dair aff inholden ende uutwysen voir ene somme geldes die Bole
ende Fenne samentlyken bekanden dat em vull ende all is betaelt. Beholden Boelen ende Fennen voirgen. ore lyfftocht dair an
mitter lyffrenten nae inholt des breven die sie dair aff ontfangen mit onsser stad segell sonder argelyst Dat Oirkonden wy
mit onsser Stad Segell Gegeven inden jaer ons heren dusent vierhondert vyffendetachtentich des des (sic) Saterdages nae
sunte Pancraes dage doe Germet Allema, Henrick Reberch, Coppyn Jarges ende Berent Horneken Borgermestere waren onsser stad.
ende Fenne syn echte huurvrouwe ende bekanden samentlycken voir em ende oren erffgenamen dat sie hebben verkoft upgedragen
ende overgegeven die procuratoirs der armer huussitten in onsser Stad tot behoeff der armen dat huus mitter hofstede
mit mede brukinge desses ganges dair die breeff van sprket dair desse breeff doir getogen is mitten vier kameren
achter den voirscr. huse gelegen mit allen oren tobehoren achter ende voir vry ende quyt erfflycken ende ewychlycken In allen
manieren to brukende ende to besittende als die selve breven dair aff inholden ende uutwysen voir ene somme geldes die Bole
ende Fenne samentlyken bekanden dat em vull ende all is betaelt. Beholden Boelen ende Fennen voirgen. ore lyfftocht dair an
mitter lyffrenten nae inholt des breven die sie dair aff ontfangen mit onsser stad segell sonder argelyst Dat Oirkonden wy
mit onsser Stad Segell Gegeven inden jaer ons heren dusent vierhondert vyffendetachtentich des des (sic) Saterdages nae
sunte Pancraes dage doe Germet Allema, Henrick Reberch, Coppyn Jarges ende Berent Horneken Borgermestere waren onsser stad.
x
| Archief | Groninger Archieven |
|---|---|
| Fonds | Arch. Armhuiszittengasthuis |
| Toegangsnummer | 1377 |
| Inventarisnr. | 0717 |
| Regestnr. | 166 |
| Jaar | 1485 |
| Datumcode | SpPancra |