Nederlands (NL)  German (DE)
Nummer:sgg097 Datum: Overlevering:Origineel Vindplaats:Sint-Geertruidsgasthuis, inv.nr. 0097

Bron Recto Dorso Vertaling Relatie Zegels Materiaal Literatuur Index N.B.
Wy borgermestore ende Raed in Groningen betugen myt dessen openen breve dat voer ons is gekomen Abele Drewezesoen
inde Grote Harckstede ende bekande voer em ende sine erffgenamen dat hie hevet gegeven puerliken omme godes willen
droech up ende gaff over den vogeden van sunte Gertrude gasthuus in onser stad tot behoeft des gasthuuses vors.
vier deymate landes offte grasen inde Heidenscap gelegen daer olde Reynken by gelandet is up de norder
zijd ende schietet mytten eynde anden Cleysloet vry ende quyt Erffliken ende ewliken to bruken ende to besitten
Omme sunderlinge waldaet Abele vors, bekande em daer voer bewyset ende gedaen is Voert bekande
Abele vors. dat hie hevet upgedragen ende overgegeven den vogeden ende gasthuuse vors. sodane tosage ende
vervollich als Abele vors. hefft gehat ende myt rechte vervolget van ses deymayte landes up Frederic
ende Wolter knokenhouwers Ende em van Dytmer van Ballen als een Redge inder tyt ten Bueren gewest togedoemt solde wesen dat Frederic ende Wolter vors. ande stad ende lande beropen hadden over achte jaeren verleden ende noch
ongeclaert sy vande stad ende lande alze Abelen des selven all bekande. Also dat Abele vors, schelt
dat oeck den gasthuuse to guede oeren vryen wyllen mede te doende Erffliken ende ewliken to bruken ende to
besitten Myt sodane vorwerden wes dat gasthuus vors. up Frederic ende Wolter offte up oere erffgenamen
gheneeten ende tot oeren orbar verkrigen mogen dat ghunt ende ghijfft Abele vors. den gasthuuse
vorgen. ewliken to beholden sunder argelist. Dat Orkonde wy myt onser stad secreet. Ghegeven inden jaer
ons heren duseut vierhundert sessendetsoventich des donredages na sunte Gregorius dage.
Recto:
Dorso:
x
x
Archief Groninger Archieven
Fonds Sint-Geertruidsgasthuis
Toegangsnummer 1357
Inventarisnr. 0097
Jaar 1476
Datumcode EpGregor
x
x
x
Materiaal perkament