Nederlands (NL)  German (DE)
Nummer:sar2679 Datum:8 maart 1555 Overlevering:Origineel Vindplaats:Statenarch., inv.nr. 2679

Bron Recto Dorso Vertaling Relatie Zegels Materiaal Literatuur Index N.B.
Wij Borghermester ende Raedt ijn Groeninghen betuegen mijt desen openen breve dat voer uns sijnt ghekoemen Jurgen Smijdt Derck sijn huesfrouwe ende bekanden
voer hem ende hoeren arffgenamen dat se hebben vorkofft upghedragen ende overgegeven Johan Brouwer Wibbe sijn huesfrouwe ende hoeren arffgenamen Ses arns gulden jaer-
lijcker renten teijn unser Stadt Stuvers voer datum sbreves ghemuntet offte paijment dat daer guedt voer ijs voer belcken gulden gherekent tho betalen jaerlixs
up hillighe Sacramentsdach offte vrij schadeloes gheldt mijt botbreven ende allen rechten geestlick ende wartlick ijn tho manen uuth Jurgen ende Dercks vorscr. heem-
stede ende uuth den Szueder kamp ghelegen up de Oester sijdt van Sijbaldeburer tijll streckende mijt dat zueder ende an dat Convents landt van Kuesemer ende mijt
dat noerder ende ande heerwech daer Vredewoltemer tochte upt westen ende Gheerdt Berendts mijt sijn heemstede ende dat Convent van Kuesemer upt
Oesten naest angheswettet sijnt Ende voert uuth ende over alle hoer beijder ander landen ende guederen replick ende unreplick nergens ghene daer van uuthbesun-
dert vrij ende quijdt ende vrij arfflijcke die vorscr. renten mijt den principael alle jaeren unvorijaert daer uutht (sic) tho leveren ende waren voer ene szumme
gheldes die Jurgen ende Derck vorgen. bekanden dat hem vull ende all ijs betaelt. Mijt vorworden dat Jurgen ende Derck vorgen. offte hoere arffgenamen dese vorscr.
renten tho allen tyden moegen weder off vrij ende quijdt koepen mijt hundert arns gulden vorscr. paijmentes ende mijt der vuller renten. Sunder argelist.
Dat Oerkunde wij mijt unsen Stadt Szegel. Gegeven inden jaer unses heren Dusent vijffhundert vijffendevijfftich den Achtedendach Martij Doe ende Johan (sic)
Hoernken, Johan Sickinge, hinrick Ulgher ende johan tho Lellens Borgermester weren unser Stadt.
Recto:
x
x
Archief Groninger Archieven
Fonds Statenarch.
Toegangsnummer 1
Inventarisnr. 2679
Register Feith 1555.125
Jaar 1555
Datumcode 0803
x
x
Materiaal perkament