| Nummer:rui002 | Datum:11 nov. 1375 | Overlevering:Origineel | Vindplaats:Arch. Heerlijkheid Ruinen, inv.nr. 0147, reg. 002 |
Wij Johan, here van Runen, ridder, doen kundich allen luden mit desen openen brieve dat
wij bij ghesunden lijve ende mit vrijen willen onses selves hebben ghegheven ende erflike opghelaten
mit allen landrechte alse daer to byhoert vrouwe Zweder, onsen echten wijve, alle onse leven-
dighe roerende have al unse cleynhede ende goed dat die scheere bygaan hevet, alle onse
silverwerc ende vate, dat sij van golde ofte van silver, ende voert al onse reedscap, huesraed
ende al onse goed alsoe als dat gheleghen is ten Oeldenhove in al soelken maneren dat vrou
Zweder unse echte wijf voersc. des voernoemden goedes erflike ghebruken mach ende bisitten
sonder yenegherhande hynder ofte wedersegghen van ons ofte van onsen erfghenamen hier
hebben over ende an ghewesen goede eersame lude Roelof van Steenwych, amtman des
landes van Drenthe, Johan die Vos van Steenwych, Ghert Guedesing, Volkier, die sculte to
Runen, Jonngge Ludger, Steven Pigge ende Lieffard die Gruter, bure to Runen, ende anders
gueder lude ghenoech. In kennesse der waerheit. Soe hebbe wij Johan, here van Runen vorsc.
desen brief byseghelt mit onsen zeghel ende hebben ghebeden Roelve van Steenwych, Johan
Vos van Steenwych ende Gherde guedesing voerscr. desen brief mede to byseghelen myt
oerren zeghelen. Ende wij Roelf van Steenwych, Johan Vos van Steenwych ende Ghert
Guedesing voersc., went wij hier over ende an ghewesen hebben mit den buren van Runen
voernoemde, hebben um bede willen heren Johans van Runen voersc. desen brief biseghelt
mit onsen zeghelen voer ons selven ende voer die bure van Runen voerscr. went sie selven
ghiene zeghele en hebben. Ghegheven in 't jaer ons Heren dusent dreehondert
vijf ende seventich, op Sente Martyns dach in den wynter.
wij bij ghesunden lijve ende mit vrijen willen onses selves hebben ghegheven ende erflike opghelaten
mit allen landrechte alse daer to byhoert vrouwe Zweder, onsen echten wijve, alle onse leven-
dighe roerende have al unse cleynhede ende goed dat die scheere bygaan hevet, alle onse
silverwerc ende vate, dat sij van golde ofte van silver, ende voert al onse reedscap, huesraed
ende al onse goed alsoe als dat gheleghen is ten Oeldenhove in al soelken maneren dat vrou
Zweder unse echte wijf voersc. des voernoemden goedes erflike ghebruken mach ende bisitten
sonder yenegherhande hynder ofte wedersegghen van ons ofte van onsen erfghenamen hier
hebben over ende an ghewesen goede eersame lude Roelof van Steenwych, amtman des
landes van Drenthe, Johan die Vos van Steenwych, Ghert Guedesing, Volkier, die sculte to
Runen, Jonngge Ludger, Steven Pigge ende Lieffard die Gruter, bure to Runen, ende anders
gueder lude ghenoech. In kennesse der waerheit. Soe hebbe wij Johan, here van Runen vorsc.
desen brief byseghelt mit onsen zeghel ende hebben ghebeden Roelve van Steenwych, Johan
Vos van Steenwych ende Gherde guedesing voerscr. desen brief mede to byseghelen myt
oerren zeghelen. Ende wij Roelf van Steenwych, Johan Vos van Steenwych ende Ghert
Guedesing voersc., went wij hier over ende an ghewesen hebben mit den buren van Runen
voernoemde, hebben um bede willen heren Johans van Runen voersc. desen brief biseghelt
mit onsen zeghelen voer ons selven ende voer die bure van Runen voerscr. went sie selven
ghiene zeghele en hebben. Ghegheven in 't jaer ons Heren dusent dreehondert
vijf ende seventich, op Sente Martyns dach in den wynter.
x
| Archief | Drents Archief |
|---|---|
| Fonds | Arch. Heerlijkheid Ruinen |
| Toegangsnummer | 605 |
| Inventarisnr. | 0147 |
| Regestnr. | 002 |
| Jaar | 1375 |
| Datumcode | Martin |