Nederlands (NL)  German (DE)
Nummer:oub207 Datum: Overlevering:Editie Vindplaats:Ostfriesisches Urkundenbuch, II, S. 790, nr. Aanh. B, par. 7

Die Traditionen des Klosters Fulda, par. 7.

Bron Recto Dorso Vertaling Relatie Zegels Materiaal Literatuur Index N.B.
7. Ego Gerhart, comes, dono s. Bonifacio in pago Westrahe, in loco qui dicitur Hasalon, id est terram et proprietatem, qualem ipse in eodem habui loco. Ego Wolfhelm trado ad s. Bonifacium in pago Tockingen, in villa Tippencheim, 20 boum terram et in Tunenvurt 10 boum terram, cum ariolis suis. Ego Rudolf trado ad s. Bonifacium in provincia Fresonum, in villa quae dicitur Waltheim, quae constructa est in pago Ostrache, terram 12 boum, et quicquid in terminis eiusdem ville habere potui. Ego Ditmar trado ad s. Bonifacium in pago Hunergewe in regione Fresonum in villa Mitilistenheim et in Hustinga terram 12 boum cum ceteris rebus meis et familiis. Ego Bruninc trado s. Bonifacio in regione Fresonum quicquid habui in villa, quae dicitur Sahsingenheim, terre unam virgam et 5 pedes. Ego Orbalt presbyter, Ratbraht et Liuteger fratres mei[*], donavimus ad s. Bonifacium in Fuldensi monasterio in pago Wertingewe, in villa, que dicitur Astolfesheim, partem pratorum, quod lingua nostra dicitur Mada, quantum una die a 10 viris meti potent. Ego in Dei nomine Lutehart dono et trado ad s. Bonifacium in Fuldensi monasterio quicquid proprie hereditatis visus sum habere in villa Osterhusen, quod est[*] in pago Lacharenorum, totum et integrum trado, traditumque in perpetuum esse volo, simul cum domibus, aedificiis, campis, agris, silvis, pratis, pascuis, aquis, aquarum decursibus, mancipiis. Ego in Dei nomine Bubo de Fresia dono atque trado s. Bonifacio ad Fuldense monasterium in pago Ostrache, in marcha Ruonwerde, quinque boum terram, quam mihi Helmsuint manu sua in hereditatem contradidit cum caeteris bonis ad hoc pertinentibus et familiis.[*] Ego in Dei nomine Ratolt de Fresia trado Deo et s. Bonifacio quicquid mihi Meitpri, pater meus, [*] iuste et legaliter cum caeteris bonis in hereditatem contradidit in pago Tyeslae, in villis quarum vocabula sunt Langenmose, Witmuntheim, Kynloren, Bretenheim et in Thyeslemore. Similiter quippe trado quicquid ex paterna hereditate visus fui habere et possidere in villa, que dicitur Lantohi, totum et integrum et mancipia numero 18. Ego in Dei nomine Sigerap de Fresia dono atque trado ad s. Bonifacium, qui in Fuldensi pausat monasterio, decem boum terram in pago Tochingen, in villa que dicitur Dipbingheim. Ego Brunihilt, cognomento Tetda, de regione Frosonum (!) tradidi s. Bonifacio ad Fuldense monasterium in pago Tyelle quartam partem paterne proprietatis; totum et integrum trado Deo et s. martyri Bonifacio, traditumque in perpetuum esse volo: terram, silvam, agros domos et familias in his septem villis, hoc est, in Lanthoy et in Langenmore sive in Ostmore, et in Bretenmore et in Witmuntheim et in Tyeslemore, et in Kintloson et in Gankchala. Ego Eberrich tradidi s. Bonifacio ad Fuldense monasterium in Fresonum regione in villa Federfurt terram 7 boum. Ego in Dei nomine Sigerep tradidi s. Bonifacio in pagi Ostrache, in villa que dicitur Werba, partem terre ad pabulum 6 animalibus. Ego Wipald trado s. Bonifacio in pago Federgewe, in villa que dicitur Auingen terciam partem terre arature et quicquid mihi in hereditatem devenit.
Recto:
x
x
Fonds Ostfriesisches Urkundenbuch, II
Fol.nr. S. 790
Nr Aanh. B, par. 7
x
x
Materiaal papier
x
Edities E. Friedländer, Ostfriesisches Urkundenbuch II (Emden 1881), Anhang B, § 7