Nederlands (NL)  German (DE)
Nummer:oub0786 Datum:21. März 1465 Overlevering:Editie Vindplaats:Ostfriesisches Urkundenbuch, I, S. 682, nr. 786

Das Kloster Langen tauscht mit dem alten Hayo zu Wybelsum Ländereien aus, indem es 33 Grase im Wybelsumer Hammrich abgiebt und dafür 35 Grase im Loquarder Hammrich erhält.

Bron Recto Dorso Vertaling Relatie Zegels Materiaal Literatuur Index N.B.
Wytlick, kundich unde openbaer sy alle den ghenen, de dessen breeff seen edder horen lesen, woe dat ick olde Hayo, inwoner to Wyvelzum, bekenne unde betuge clarliken in der warheit vor allesweme, dat ich myt mynen vryen willen unde vorberadenen mode, myt vullen willen, raed unde vulbort myner vrenden unde erven hebbe overghegeven unde upghedragen, gheve over unde updrage yeghenwordich in cracht desses breves deme convent to Langhen vyff unde dertich graze landes, ghelegen in Loquarder hamercka, dat ene gras by den anderen; int erste vyff graze gheheten Schepes oghe, aldaer by twe graze; item Longhaweer veer graze; item Aelricksna harst sess grase; item Papene harst 7 graze; item an de Meyrwey 5 graze, item in Gheltetswester hammerick by de Penwey ses graze; voer welk lant hebbe ick Hayo vorbenant weder untfanghen van deme convent voerscr. dre unde dertich graze landes, ghelegen in Wivelzumre hammercka; de sess unde twyntich graze in ener fenne twischen de Bregkwey unde Meedwey; item an desulve Bregkwey ses graze in Halligers Hay, unde een gras in Twytum myt dyken, dammen, weghen, sloten unde uetschot van beyden syden, de darup vallen in een ewighe, stede, vaste, rechtverdige wessel, dar uns to beyden syden wal an ghenoget unde myne erven, boren unde ungheboren, in tokomen tyden schal an noghen, welk vyff unde dertich graze vorscr. schal unde mach dat convent vorbenant vry unde velich bruken, vorkopen, weder vorwesselen, alle eren willen unde nutticheit darmede to doende sunder yemandes ansprake; soe dat ick Hayo erghenant wil unde schal, unde myne, rechte erven willen unde scholen, desse vyff unde dertich graze vorscr. een recht ware wesen, waer, wanneer ende wo vakene dat convent vorscr. van my unde mynen erven noet unde behoeff ys, id sy in gheestliken ofte wartliken gheriehte, in allen nakomen tiiden sonder yenigerleye arghelist, hulperede ende nye vunde uthghesproken. Des to tughe so heben dar yeghenwordich erde, bii, an ende over ghewesen her gherichte, in allen nakomen tiiden sunder yenigerleye arghelist, hulperede unde nye vunde uthghesproken. Des to tughe so heben dar yeghenwordich mede, bii, an unde over ghewesen her Wabbo, vicarius to Gherdesweer, Menno, hovetlingh to Reyd, Tyaerd Ippena, Gayko Syptetsna to Wivelzum unde ander vele guder lude ghenoech. In orkunde der warheit, zo hebbe ick Hayo vorbenant vrentliken ghebeden heren Ubbo, mynen kerckhere to Gherdesweer, unde heren Izebrant, kerckhere to Hlerlte, umme eren inghesegel, de ze wytliken unde myt guden willen hebben hanghen to dessen breve. Na der bort Christi duzent veerhundert in deme dre unde sestichten yare, up sunte Benedicti dach abbatis.[*]
Recto:
x
x
Fonds Ostfriesisches Urkundenbuch, I
Fol.nr. S. 682
Nr 786
Olim Orig.: Kl. Langen Nr. 28. — Msc. A. 88. Fol. 46'.
Jaar 1463
Datumcode Benedi
x
x
Editie naar gus0632.
x
Commentaar Die Siegel sind verloren.
x
Materiaal papier
x
Edities E. Friedländer, Ostfriesisches Urkundenbuch I (Emden 1878), nr. 786