Nederlands (NL)  German (DE)
Nummer:ogd0300 Datum:11 juli 1326 Overlevering:Editie Vindplaats:Oorkondenboek Groningen en Drenthe, nr. 300

De abt van Aduard en enige anderen regelen de opvolging in het redgerschap van Huizinge.

Bron Recto Dorso Vertaling Relatie Zegels Materiaal Literatuur Index N.B.
Pateat universis et singulis Christi fidelibus presencia visuris et audituris tam presentibus quam futuris ad rei geste memoriam, quod dissensio
seu discordia, suborta anno ab incarnatione Domini MCCCXXVI super consulatu in Husdingum inter Albertum et Eltatum fratres dictos Diurdisima
et Abelonem Melkama ex parte una, et Allonem ac Hesellum fratres cum eorum nepotibus ex altera, per dominum Elardum, dictum abbatem in Adawerth,
et dominum Kamponem, tunc cellarium ibidem, Folcmarum Onsitha, Liudolphum Obbama, Thitardum Godescalkisma, Ziabbonem Folkirda, Aleconem Dodama
amicabiliter in hunc modum est sopita, videlicet quod Allo dictus Wissama anno predicto consulatum optinebit cum attinenciis suis et ad eorum
annos revolutos ab annis incarnationis suprascriptis Gaykingamanni, prope ecclesiam in Husdingum morantes, eundem consulatum optinebunt et
quibus ipsi decreverint conferen-dum, qui eodem anno incarnationis Domini Alberto et Eltato fratribus eundem consulatum libere et publice
contulerunt. Insuper ad octo annos a predictis annis computandos Alberto et Eltato fratribus idem consulatus attinebit, Abeloni Mellama ad eorum
annos post dictos octo annos eodem consulatu libere reservato. Et ut predicta compositio firma et stabilis permaneat annis supradictis, prefatus
Allo et Hesellus fratres cum eorundem nepotibus super premissis observandis eorum fidejussores, videlicet Fopponem Me[l]inga de Gershuzum,
Ziammonem Frederikisma de Novo Aqueductu, Eltekonem Fretherikisma, Elardum Lof de Canteze et horum omnium heredes sub pena XLV marcarum
statuerunt, qui cautione fidejussoria ex parte Allonis et Heselli fratrum et eorum nepotibus promiserunt, quod nec ipsi nec Aylbodus Allama seu
eorum heredes Gaykingamannos in eorum consulatu et illos, quibus quoque eundem consulatum contulerunt, Albertum et Eltatum fratres ac Abelonem
Melkama aliquatenus sub pena predicta impedient seu molestent super consulatu annis et temporibus supradictis, hoc adjecto, quod predicti
fidejussores et eorum heredes post XII annos in nullo tenentur nec ad amplius sunt obligati, quam superius est expressum, presentibus post XII
annos ab annis incarnationis Domini suprapositis revolutos minime valituris. Actum anno quo supra in Husdingum ipso die Translacionis sancti
Benedicti. In testimonium premissorum sigillum terre Hunsgonie cum sigillo terre Fiwelgonie ac domini abbatis in Adawerth presentibus est
appensum.
Recto:
x
x
Fonds Oorkondenboek Groningen en Drenthe
Nr 300
Olim Naar het origineel in het rijksarchief te Groningen (huisarchief Farmsum, no. 834., hoog 9,2, breed 23 cm. Ook gedrukt bij Driessen, blz. 626.
Jaar 1326
Datumcode TraBen
x
x
Editie naar haf009. Ander afschrift: cke157a.
x
Commentaar Het zegel van Fivelgo hangt in eenige brokstukken aan het stuk; de andere zegels zijn afgevallen.
x
Materiaal papier
x
Edities P.J. Blok e.a., Oorkondenboek van Groningen en Drente, I (Groningen 1896), nr. 300.