| Nummer:oar032 | Datum:16 juni 1378 | Overlevering:Origineel | Vindplaats:Omm. arch., inv.nr. 0007, reg. 032 |
C. Wi hofmesters ende ghemene broderscap van den convente van Adewert, borghermeestere ende Raet van Groninghen
doen cundich allen luden met desen openen brieve dat wi siin overdraghen ende hebben begrepen enen vrede stede ende
vast to holdene in alder manieren als hierna ghescreven staet. Int eerste dat alle lude sellen veylich varen met
horen live ende met horen goede to der stad van Groninghen ende van der stad bi nachte ende bi daghe, to watere
ende to lande. Voertmeer dat alle meente lude in Hunzeghelande sellen veylich sitten ende hoer goet met vreden
bruken voer ons ende voer onse onderzaten bi nachte ende bi daghe. Voertmeer, waert sake dat enich man
desen voorscreven vrede brake daer de stad van Groninghen om reyzen wolde ende den sculdighen berechten wolde, so
sellen wi, hofmeesters ende broderscap voerscreven der stad van Groninghen helpen met zestich mannen overt dyep buten
Mydoech half to voete ende half to peerde ende met al onser machte bynnen Mydoech to voete ende to peerde
op onses selves cost ende op onses selves avonture, is dat des de stad van ons begherende is. Waert oec zake dat
enich meenteman of enich partyesman in Hunzeghelande den convente van Adewert of horen onderzaten schade
dede ende vrede an hem brake, so solden wi borghermeestere ende raet van Groninghen den convente van Adewert voerscreven
helpen met thveenhondert mannen op onses selves cost ende op onses selves avonture also veer alse dat convent
des van ons begherende is ende also veer alse wi borghermeestere ende raet voerscreven ontkennen dat des conventes zake recht si. Ende de ontkenninghe sellen wi borghermeestere ende raet voerscreven doen binnen achte daghen na den daghe
dat de claghe ons anghecomen is. Voertmeer hebben wi hofmeesters ende convent van Adewart voerscreven enighe
claghe op enighen meenteman of partyesman in Hunzeghelande so willen wi rechtes bliven bi der stad van Groninghen
to nemen ende to gheven als een recht in Hunzeghelande wiset. Ende hevet oec enich meenteman of partyesman
in Hunzeghelande op ons te claghen so willen wi desgheliken recht gheven ende nemen bi der stad van Groninghen als een
recht van Hunzeghelande wiset. Voertmeer waer dat enich stadman of enich conventesman ondertusken mysdeden
dat sellen wi hofmeesters ende convent van Adewert ende borghermeestere ende raet van Groninghen voerscreven berechten
alse onse olde brieve holden. Dese voerscreven zaken hebben wi hofmeesters ende ghemene broederscap van den convente van Adewert,
borghermeestere ende Raet van Groninghen to zamen begrepen stede ende vast to holdene al want ter tiit dat wi dat
malc anderen een jaer to voren opsegghen. In orcunde so hebben wi hofmeesters ende ghemene broederscap van den
convente van Adewert onses conventes zeghele ende wi borghermeestere ende Raet van Groninghen onser stad zeghel
an desen brief ghehanghen. Ghegheven int jaer ons heren dusent drehondert achte ende zoventich des woens-
daghes na pinxter achtende.
AANTEKENINGEN:
OVERLEVERING: origineel, perkament.
AUTHENTICERING: zegels: 1. sur double queue verloren.
2. sur double queue verloren.
INVENTARIS: RA GRONINGEN, OMMELANDEN 7 R 32.
RF 1378.07.
UITGAVEN: OGD 664.
DRIESSEN p. 343.
VAN IDSINGA, Staatsregt p. 442.
??
doen cundich allen luden met desen openen brieve dat wi siin overdraghen ende hebben begrepen enen vrede stede ende
vast to holdene in alder manieren als hierna ghescreven staet. Int eerste dat alle lude sellen veylich varen met
horen live ende met horen goede to der stad van Groninghen ende van der stad bi nachte ende bi daghe, to watere
ende to lande. Voertmeer dat alle meente lude in Hunzeghelande sellen veylich sitten ende hoer goet met vreden
bruken voer ons ende voer onse onderzaten bi nachte ende bi daghe. Voertmeer, waert sake dat enich man
desen voorscreven vrede brake daer de stad van Groninghen om reyzen wolde ende den sculdighen berechten wolde, so
sellen wi, hofmeesters ende broderscap voerscreven der stad van Groninghen helpen met zestich mannen overt dyep buten
Mydoech half to voete ende half to peerde ende met al onser machte bynnen Mydoech to voete ende to peerde
op onses selves cost ende op onses selves avonture, is dat des de stad van ons begherende is. Waert oec zake dat
enich meenteman of enich partyesman in Hunzeghelande den convente van Adewert of horen onderzaten schade
dede ende vrede an hem brake, so solden wi borghermeestere ende raet van Groninghen den convente van Adewert voerscreven
helpen met thveenhondert mannen op onses selves cost ende op onses selves avonture also veer alse dat convent
des van ons begherende is ende also veer alse wi borghermeestere ende raet voerscreven ontkennen dat des conventes zake recht si. Ende de ontkenninghe sellen wi borghermeestere ende raet voerscreven doen binnen achte daghen na den daghe
dat de claghe ons anghecomen is. Voertmeer hebben wi hofmeesters ende convent van Adewart voerscreven enighe
claghe op enighen meenteman of partyesman in Hunzeghelande so willen wi rechtes bliven bi der stad van Groninghen
to nemen ende to gheven als een recht in Hunzeghelande wiset. Ende hevet oec enich meenteman of partyesman
in Hunzeghelande op ons te claghen so willen wi desgheliken recht gheven ende nemen bi der stad van Groninghen als een
recht van Hunzeghelande wiset. Voertmeer waer dat enich stadman of enich conventesman ondertusken mysdeden
dat sellen wi hofmeesters ende convent van Adewert ende borghermeestere ende raet van Groninghen voerscreven berechten
alse onse olde brieve holden. Dese voerscreven zaken hebben wi hofmeesters ende ghemene broederscap van den convente van Adewert,
borghermeestere ende Raet van Groninghen to zamen begrepen stede ende vast to holdene al want ter tiit dat wi dat
malc anderen een jaer to voren opsegghen. In orcunde so hebben wi hofmeesters ende ghemene broederscap van den
convente van Adewert onses conventes zeghele ende wi borghermeestere ende Raet van Groninghen onser stad zeghel
an desen brief ghehanghen. Ghegheven int jaer ons heren dusent drehondert achte ende zoventich des woens-
daghes na pinxter achtende.
AANTEKENINGEN:
OVERLEVERING: origineel, perkament.
AUTHENTICERING: zegels: 1. sur double queue verloren.
2. sur double queue verloren.
INVENTARIS: RA GRONINGEN, OMMELANDEN 7 R 32.
RF 1378.07.
UITGAVEN: OGD 664.
DRIESSEN p. 343.
VAN IDSINGA, Staatsregt p. 442.
??
x
| Archief | Groninger Archieven |
|---|---|
| Fonds | Omm. arch. |
| Toegangsnummer | 2 |
| Inventarisnr. | 0007 |
| Regestnr. | 032 |
| Register Feith | 1378.001 |
| Jaar | 1378 |
| Datumcode | EpTrinit |