Wy borghermestere ende raed van Groninghen bekennen ende betughen met dezen openen breve dat vor ons
quam Johan Morinc ende becande dat hie hevet vercoft Johanne avn Dordmunde een stucke erves
met alle sinen to behoren vor ene summe gheldes de Jan Morinc vors. bekande dat hem vol ende al betaelt
is. Ende dit vors. stucke erves droech Johan Morinc vors. up Johanne van Dortmunde vors. ende sinen
erfghenamen vrij ende quiit met allen rechte ende eghendome eweliken to bruken ende to besitten. Dit vors.
stucke erves is gheleghen up der Woerd tuschen der Lane ende den Rechten Jate achter
Johans hues ende erve van Dortmunde vors. ende daer is by gheleghen her Jacob Hoghelandserve dat an
de zuetzide leghet ende Otto Kortinghes erve dat an de nordzide leghet Dat orkunde wy met
onser stad seghele ghegheven inden jaer ons heren dusend vyerhondert ende vyer up sente Peters
avend ad cathedram do Everd Sickinc, Frederic van Arlo, Alberd Wicbalts ende Coppiin Jarighes
borghermestere waren onser stad.

x

x

Archief	Groninger Archieven
Fonds	Arch. Menoldis- en Sywenconvent
Toegangsnummer	1256
Inventarisnr.	0019
Regestnr.	023
Register Feith	1404.011
Jaar	1404
Datumcode	vCatPet

x

x

Materiaal	perkament