Burgemeesteren en Raad van Groningen oorkonden, dat Ayke Wiltinghs de Dekker heeft verklaard dat er een einde is gekomen aan het geschil tusschen hem en zijn oom Jacob Wiltings, zoo dat deze over zijn goed vrijelijk zal kunnen beschikken, voornamelijk wat betreft het land in erf ‘to Apels’ geheeten ‘dat de broders der hillighen crusis nu ter tijt besitten und bruken’.

Vy borghe...... .... .... .... ..oningen betugen myt dessen openen br... ... .... ons is gekomen Aytke
Wyltens de decker .... ..kande voer em ende sine erffgenamen dat hie liefflik.. .... ... vrentscappen is overgekomen
ende guetliken gesch..... myt heren Jacobe Wyltenges sinen oem van allen saken ... ..helingen die se voer dessen
dage up malkandere hadden offte hebben mochten dat sy van erffnissen van gaven bodele offte schulde offte
van verdienden lone dat her Jacop vorgen. Ayken vorscr. schuldich solde hebben gewest offte gelovet solde
hebben offte ..der nochte hebben van Ayken vorgen. So dat Aytke vorscr. des allentals vorscr. is ende anders wes
hie up hee. Hacob vorgen. anders to spreken hadde offte hebben mochte van dessen dage dancket vrentliker
scheidinge ende guder betalinge so dat her Jacop vorgen. voert alle sine guedere ende erffnissen repplijck ende
onrepplyck die he nu ter tyt hevet ende nalatende mach worden mach schicken ende geven in goder ere
ende anders waer em des genoget sunder Aykens vorscr. ende syne erffgenamen wederseggen Ende sunderlinge dat
land ende erve myt alle sinen tobehoren to Apels gehieten dat de broders des hilligen crucis nu ter tyt be
sitten ende bruken So dat Ayke vorscr. lovet voer em ende sine erffgenamen ende vrenden gene ansprake bet daer
up to doende Noch sullen doen myt genen rechte geestlyck offte warlijck van synre wegen Men schelt vry
ende quyt voer em ende sine erffgenamen ende vrenden Alle die guedere ansprake ende schelingen als vorscr. sint tot ewigen
dagen als Aytke vorscr. daer up hadde offte sine erffgenamen offte anders yemandt van synre wegen daer up hebben
offte krygen mochten Ende dancket heren Jacobe ende den convente van Apels vorgen. gueder scheidinge ende betalinge
allent desses als vorscr. is tot ewygen dagen hiir mede verliket ende vereniget te wesen ende to bliven sunder
alle argelist Dat Orkonde wy myt onsen stad zegell Ghegeven inden jair ons heren dusent vierhundert
twe ende tsoventich des dinxdages voir mydvasten doe Herman Koning Johan Rengers Scaffers Johan Tedema ende
Johan Koenrades borgermestere waeren onser stad.
Kta023

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	2
Regestnr.	23
Register Feith	1472.006
Jaar	1472
Datumcode	MaLetare

x

x

x

x

Commentaar	Met het zegel der stad Groningen in groene was.

x

Commentaar	N.B. Vermeld Feith Reg. 1472 no. 6.