Abdis Hille Coenders, priores Arent van Steenwijck, keldermeesteres Ryxt Jarghes en de senioren en gemene conventualen van Essen verklaren dat zij hebben verkocht aan Luyken Aelynghe en diens vrouw Fenna de Unse Leve Vrouwenlaene met de landen aan weerszijden daarvan, namelijk zeven akkers op de Colham.

Wy Hille Conders abdisse des closters toe Essen, Arent van Steenwyck priorinne,
Ryxt Jarghes kelnersche myt onse senioren ende ghemenen conventualen des
cloesters voerghescreven bekennen unde betueghen in ende vermyts dessen oepenen besegel-
den breve voer ons ende onse nakomelinghen dat wy myt onsen vryen willen ende
voerbedachtes moedes hebben verwisselt ende verkoft upghedraghen ende over-
ghegeven, draghen up ende gheven over in enen steden ende vasten arffwissel ende koep
Luyken Aelynghe ende Fenne syn huesfrouwe ende hoeren aerffgenamen Unse Leve Vrouwen
laene myt soe daene landen als daer an beyde tsyden gheleghen toebehoerende
synt noemptlyken soeven ackeren gheleghen up den Colham myt holt heyde ende weyde
ende alles wes nu ter tyt up den verscreven lande staende ende gheleghen is streckende de norder
syt van dat landt myt den enen ende hen upwert ande borch ende myt dat ander
ende daelwert hen ande Hamsterwech ende de suyder sydt van de laene
streckende upwert an de Loedyck beholtlyken dat het convent verscreven dat stucken hoge
venes daer eerst uutgraven sollen ende dat ander ende streckende daelwert
over de Hamster wech hen an des convents van Witteweerumster landt daer
Lamme nu ter tydt up woent daer de arffgenamen van salighe Johan Hornkens an de
oester sydt van de hamster wech an beyden tsyden naest an de landen gheswettet synt
ende oeck over de wech an de suyder sydt upwert naest an gheswettet ende dat
convent van Thesynghe an de noerder sydt gheswettet myt dycken ende dammen heren
... schatte ende schulde ende wes daer up vallen mach sollen Luyken ende Fenne vorscreven
ende hoer erffgenamen up hoer nemen myt de verscreven landen anders soe moeghen se ofte hoere
arffgenamen alle hoeren vryen willen myt de verscreven landen doen ewelicken ende arfflicken verhuren
verwisselen ofte verkopen waert hen ghelsutet ende belevet noemptliken voer een summe
van penninghen de ons abdisse vorscreven myt onsen ghemenen conventualen vul ende al
ende wal toe onsen benoeghen betaelt is de lesten penninck myt den
eersten ende wy abdisse verscreven myt sampt onse ghemene conventualen loven voer
ons ende onse nakomelinghe Luyken ende Fenne syn huesfrouwe ende hoeren arffgenamen de
verscreven landen woe vorscreven toe allen tyden eweliken ende arffliken vry toe leveren ende toe
waeren voer alle ansprake sunder alle argelist. Tueghen hyr by ende over ghewest
Peter Arys toe Dillichte onse meyer ende Berent Luykes borger in Groninghen. In oerkunde der
waerheit hebbe wy abdisse verscreven mydt beleven onses conventes onse convents seghel
witliken beneden an dessen breeff ghehanghen. Ghegeven ende ghescheen in den jaer
ons heren dusent vyff hundert ses ende tsestich des dinxedaghes voer sunte
Andreas des hillighen apostels.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	140
Regestnr.	1101
Olim	Arch. Klooster Essen, inv.nr. 9, reg. 131*. Reg. Feith 1566.90.
Jaar	1566
Datumcode	MaAndree

x

x

x

Materiaal	papier

x