Johan Hiddinga, redger te Baffelt, Ranum en Maerhuysen oorkondt dat Johan Menckens en diens vrouw Hille te Helwert verkocht hebben aan heer Gerardus van Eller, de heren, de juffers en de gemene conventualen van Wijtwert acht roeden en 15 1/2 voet uiterdijk, ongescheiden gelegen in Gayckummaheert in Uusquarder gemene uiterdijken, 5 1/2 roeden en 4 1/2 voet uiterdijk, eveneens ongescheiden gelegen in Gayckummaheert tussen Watwert en het zijl, zijnde het zesde deel van dertig roeden uiterdijk, en nog enkele kleine stukken uiterdijk in Gayckummaheert.

Johan Hiddinga, in der tijtt redger toe Baffelt, Ranum unde Maerhuysen, doen kondt unde bekenne in unde vormits desen besegelden
brieve (voer alsweme) woe dat voer mij in egener persoenen sinnen gekoemen unde erschenen, Johan Menckens toe Helwert unde Hille, sijne
echte huyssvrouwe, unde bekanden voer hoer unde hoeren arffgenamen, dat sie droegen up unde gaeven over in eenen steden vasten ewigen arffwissell
den weerdigen erentfesthen unde erbaren heren Gerardo van Eller, commenduer des hilligen huyses Wijtwert mit sijne ordensheren, jufferen
unde gemene conventualen des hilligen huyses Wijtwert, tot proffijtt nutticheytt unde orbaer des hilligen huyses vorscr. ewelijcken unde arfflijcken
acht roeden unde sestiendehalff voet uuterdijckes (weiniger een verendell voets) gelegen unverscheyden in Gayckumma heert in Uusquarder gemene uuterdijcken,
sestehalff roede unde vijfftehalff voet, tusschen Watwert unde die sijll unverscheyden in Gayckumma heert, als ten eersten die seste part in dartich
roede uuterdijckes vallende up Gayckumma heert, daer Wijtwert an die oester unde westersijdt naest ter swetten is gelegen, bet die seste pardt in drie
roeden unde drie voeten uuterdijckes vallende up Gayckumma heert, daer die kercke toe Uusquardt naest an ter oester unde Wijtwert selvest ter
westersijden ter swetten is gelegen, bet die seste pardt in anderhalff roede uuterdijckes vallende up Gayckumma heert, daer Aeylcko Focko, dat Tya Sywers nu toe-
kompt mit een halff roede ter oester, unde Elteka Benens[?] dat Tya Sywerts ock nu toe kompt mit thien voeten ter wester sijden naest gelegen sijn ter swetten.
Noch bet drie roeden unde drie voeten uuterdijckes weiniger een vorndell voets, tusschen sijl relwech unde wat west unverscheijden in Gayckumma heert
gelegen als ten eersten die sestepardt in drie roeden uuterdijckes vallende up Gayckumma heert, daer Luydama heert ter oester, unde provestie in Uusquardt ter
westersijden ter swetten sijn gelegen, bet die seste pardt in negen roeden uuterdijckes vallende up Gayckumma heert, daer Galteka edder die pastorie in Uusquardt
ter oester, unde Wijtwert selvest ter westersijden ter swetten sijn gelegen, noch bet die seste part in vier roeden uuterdijckes vallende up Gayckumma
heert, daer die vicarie in Uusquardt ter oester unde Wijtwert selvest ter wester sijden, ter swetten sijn gelegen, noch die sestepardt in vier voeten uuterdijckes
vallende up Gayckumma heert, daer die erbare vrou Blycke, nu joncker Hayo Westerwoldt an beyden sijden ter swetten is gelegen, noch die seste pardt in
een roede uuterdijckes vallende up Gayckumma heert daer convent toe Warffum op die oestersijdt, unde Wijtwert selvest op die wester sijdt ter swetten sijn
gelegen, bet die sestepardt in een roede uuterdijckes vallende up Gayckumma heert, daer nu Wijtwert, Tyae Sywers unde Jurien Janss tsaemen mit tiende-
halff voet ter oester, unde Wijtwert allene ter westersijden ter swetten sijn gelegen, bet die seste part in dertien voeten uuterdijckes vallende up Gayckumma
heert, daer Wijtwert an die oester, unde die pastorie an die westersijden ter swetten sijn gelegen, summa in alles beloepende oere annex edder aanpardt
dien sij van vorscr. heren mit sijne ordens heren, jufferen unde gemene conventualen vorwisselt hadden acht roeden unde sestiendehalff voett (weiniger
een verendeel voets) mit alle die behoerlijcke dijcken unde dijckstaelen daer op vallende unde toebehorende, unde mit alle anwassinge die desse vorscr.
landen in toekoemenden tijden mochten anwassen, daer sij een guet underscheytt van landen van hadden ontfangen wall tot hoeren willen unde benoegen
nae luyde sekere segell unde brieve, oer van den convente vorscr. getransporteert unde gelevert, waeromme sij loveden voer hoer unde horen arffgenamen
die vorscr. landen vrij unde veerdich toe bet gheen anspraecke te maecken op den vorscr. heren, jufferen edder
oere nacomelingen van wegen des hilligen huyses vorscr. dan sie edder oere nakomelingen die te moegen gebruycken te besitten toe verhuyren toe verpachten
unde in alles wes oer gelievede oeren vrijen willen daer mede toe doen. Sonder alle argelist. Dat orckonde ick Johan Hiddinga, redger er-
gemelt, met mijn gewoentlijcke segell beneden an dessen brieff gehangen. In 't jaer unses heren duysent vijffhondert vierundetsestich den viertienden
dach maii.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	288
Regestnr.	1097
Olim	Arch. Klooster Wijtwerd, inv.nr. 19, reg. 157. Reg. Feith 1564.131.
Jaar	1564
Datumcode	1405

x

x

Commentaar	Met het zegel van Johan Hiddinge

x

Materiaal	perkament