Henric Polleman, Rolef Polleman, Herman, Otto, Symon en Henric, zoons van Rolef, Bertolt Klenke, Rolef Hiddens, Bertolt en Reyner Hiddens, gebroeders, Berent Hertinghe, Hille Pollemans en de gebroerders Otto, Johan en Henric, haar zoons, verklaren verkocht te hebben aan Herman Amens, Jonge Walekum, Luppe, diens zoon, Hille Kenama, Bywe, haar schoonzuster, Uteke en Metke, kinderen van Bywe, Eneke Hedekama, Poppe, Sicke en Rolef, zoons van Hille, Brunde Kenema, Waneke Diddenz, Eneke Coppes, Obele Hedekama, Berneer Omens, Johan van den Berghe, Clawes van den Berghe, Cop Walekama, Johan, diens zoon, en Luppe Ecbertesma de renten, gaande uit het conventsgoed van Aduard en Rottum te Croppeswolde, en aan Sente Jacobs erven, Wiltet Atens, Hebele, diens broer, de kinderen van Focke Luddens, Messeke te Dijke, Edzard Hedekama, zoon van Eneke en Vrouka, dochter van Edzerd, en Alle en Sicke, diens zoons, de renten, gaande uit hun goederen te Croppeswolde.

Wy Henric Polleman, Rolef Polleman, Herman, Otto, Symon ende Henric Rolefs zoens vorscreven, Bertolt Klenke, Rolef Hiddens,
Bertolt ende Reyner Hiddens ghebroders, Berent Hertinghe, Hille Pollemans, Otto, Johan ende Henric ghebroders Hillen zoens
vorscreven doen kundich allen luden met dezen openen breve dat wy met onsen vrijen willen met samender hand ende by rade onser
vrende hebben vercoft ende verkopen vor ons ende vor onze erfghenamen alsodane pacht alse wij ghehad hebben ende hadden to
Creppeswolde, de ons sculdich waren Herman Amens Jonghe Walekimi ende Lippe ziin zone, Hille Kenema ende Bywe hore suster,
Uteke ende Metke Bywen kinder vorscreven, Eneke Hedekama, Poppe Hillenzone, Roleff Hillenzone, Brunde Kenema, Waneke
Diddenzone, Sicke Hillen zone, Eneke Coppes, Obele Hedekama, Berneer Omens, Johan van den Borghe, Clawes van
den Berghe, Cop Walekama ende Johan ziin zone, Luppe Ecbertesma des conventes gued van Adeward, des conventes guet
van Rottum sente Jacobs erve, Wiltet Atens ende Hebele ziin broder, Focke Luddens kinder, Messeken to Dyke,
Edzerd Enekenzone Hedekama ende Vrouka Edzerdes dochter, Alle ende Sicke ziin zone ende hore erfghenamen ende hore
nakomelinghe. Ende de zie ons sculdich waren van horen gude dat to Creppeswolde gheleghen is welike pacht
zie ons plaghen elkes jaers to betalen to Haren up sente Mertens dach in den winter vor ene summe gheldes
de ons de vorscreven bure vol ende al witlike ende wal betaelt hebben. Ende des so hebben wy Henric, Rolef, Herman, Otto, Symon, Henric,
Bertolt, Rolef, Bertolt, Reyner, Berend, Hille, Otto, Johan ende Henric vorscreven de vorscreven pacht vrij qwiit ledich ende loes gheschulden
ende schelden de vorscreven pacht vrij qwiit ledich ende loes met dezen teghenwordighen breve vor ons ende vor onse erfghenamen in
allen ghevoghe ende in allen manyeren alse wij ende onse vorvaren de vorscreven pacht vor dezen daghe to ghehad ende bezeten hebben
over de vorscreven buer ende over al dat gued als vorscreven is ende vertyen alles rechtes in deze breve des wij ghehad hebben of onse
erfgenamen hebben mochten an der vorscreven pacht ende alles eghendomes also dat wij of onze erfghenamen de vorscreven buer ende hore
erfgenamen ende nakomelinghe na dezen daghe nyet meer anspreken, haten of veden of moyen en sullen of en moghen of hore
gued behinderen of bekummeren en sullen of en moghen um der vorscreven pacht willen Ende wij loven den vorscreven buren ende
horen erfgenamen ende nakomelinghen vor ons ende vor onse erfghenamen des vorscreven kopes to waren ende stede ende vast to holden to
ewighen daghen vor alle de ghene de des to rechte komen willen al arghelist ende nije vonde uet ghesproken de den
vorscreven buren ende horen erfgenamen hinderen of schaden moghen in dezen vorscreven ponte ende breve. In orkunde so hebbe wij Henric
Polleman, Rolef Polleman, Bertolt Klenke, Rolef Hiddens, Berend Hertinghe ende Otto Polleman vorscreven onse zeghele an
dezen breef ghehanghen vor ons, vor onse kinder vor onse moder, vor onse broder ende vor onse erfghenamen. Ende
wij herman, Otto, Sijmon ende henric ghebroders vorscreven lyen onder Rolefs zeghel onses vaders vorscreven Ende wij Bertolt ende Reyner
vorscreven lyen onder Rolefs zeghel onses broders vorscreven. Ende wij Hille Pollemans, Johan ende Henric vorscreven lyen onder Otten zeghele
onses zoens ende broders vorscreven want wij selven neghene seghele en hebben. Ende um de merre vestnesse so hebben wij Henric, Rolef
ende voerd alle deghene de vor ghenomet ziin ghebeden Joncfrouwe Yden van Zeleward, Henrike van Zeleward horen zone
Godeken van den Hove ende Heynen van der Brugghen rechters ende schulten in Groninghe dezen breef met ons to beseghelen.
Ende wij Yde, Henric, Godeken ende Heijne vorscreven hebben onse zeghele mede an dezen breef ghehangen um bede willen der guder
lude vorscreven. Ghegheven int jaer ons heren duzend drehondert een ende neghentich up sente Andreas dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	439
Regestnr.	48
Olim	Arch. Klooster Essen, inv.nr. 9, reg. 12.
Jaar	1391
Datumcode	Andree

x

x

Commentaar	Met de zegels van Rolef Polleman, Bertolt Klenke, Roleff Hiddens, Berent Hertinghe, Henrick van Zeleward, Godeken van den Hove en Heyne van der Brugghen; de zegels van Henric Polleman, Otto Polleman en van Yde van Zeleward zijn verloren

x

Materiaal	perkament

x

Edities	Oorkondenboek Groningen en Drente, nr. 822 (ogd0822).