Burgemeesters en raad te Groninghen verklaren dat Ghert Paeschedach heeft verkocht aan Jarich Coppiinszone twee naast elkaar gelegen hofsteden aan de oostzijde van de Ghelekincstrate, aan de noordzijde belend door Berner Solleders.

Wy borghermestere ende raet van Groninghen doen kundich allen lueden mit dessen openen
breve dat voer ons quam Ghert Paeschedach ende becande dat hie hevet vercoft Jarich
Coppiins zone twe hofsteden vor ene summe van ghelde de Gherde vors. vol ende al betaelt
is. Desse twe hofsteden vors. droech Ghert vors. up Jarighe vors ende sinen erfghenamen
vrij ende quiit mit allen rechte ende eghendome eweliken to bruken ende to besitten desse
twe hofsteden vors. ziin gheleghen in de oester zide van Ghelekinc strate. An malc
anderen by Berneer Solleders erve dat an de noertzide leghet. Dat oerkunde wy mit
onser stad zeghele. ghegheven int jaer uns heren dusent drehondert soven ende tachtich
up Sente Valentinus dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	12
Regestnr.	45
Olim	Losse kloosterstukken, inv.nr. 7, reg. 2. Reg. Feith 1387.2.
Jaar	1387
Datumcode	Valent

x

x

x

Commentaar	Met het stadszegel

x

Materiaal	perkament