Nederlands (NL)  German (DE)
Nummer:haf525a Datum: Overlevering:Origineel Vindplaats:H.A. Farmsum, inv.nr. 0566a, reg. 525a

Bron Recto Dorso Vertaling Relatie Zegels Materiaal Literatuur Index N.B.
Geerdt Ewens redijer in den beyden Hercksteden bekenne unde betuyge mydt dessen openen breve dat voer my syndt gecoemen unde erschenen Eppo unde Gerrydt Jacops gebroederen mydt sampt hoerer beyder huysffrouwen Anna unde Kaetryna bekanden voer hoer
unde hoeren arffgenaemen samptlyck unde ydtlyck besunder dat se hadden verkoft upgedraegen unde overgegeven verkoften droegen
up unde gaeven over in kraft des breves ewelyck unde erfflyck den erentffesten Egbert Calndt tho Schermer unde synen erffg.
alle soedaenijge rechtynge heerlycheyden als up hoer landen in de Grote Herckstede de we se nu ter tyt selven bewoenen unde gebruyken vallende synt ofte van oldes heer daer tho behoert hebben Idt sy redijer recht zylrecht allent wes daer up tho verdegenen stydt, voer ene summa geldes de Eppo unde Gerrydt myt sampt hoer beyder huysffrouwen vorsz bekanden hoer
deger all unde thoe hoeren wyllen wol betaelt weren unde bedanckenden de erentffesten Clandt unde synen arffgenaemen gueder betaelynge voer den ersten pennynck myt den laesten alsoe dat de Erentffeste Clandt upgemelt unde synen arffgenaemen nu vort aen nae datum des breves eren vryen wyllen myt de rechtynge vorsz. doen moegen selvest tho gebruijken ofte verschencken soe we des de erentffeste Clandt unde synen arffgenaemen best beleven sal sunder enych wedersprekent ofte inseggent van Eppo unde Gerrydt ofte hoeren erffgenaemen myt vorworden dat Eppo unde Gerrydt
vorsz. unde hoeren arffgenaemen sollen waeren unde geholden syn de Erentffeste Clandt unde synen arffgenaemen guede waerschup tho doen voer dat vorsz. redyer recht voer alle ansprake soe emants daer enkegens syck muchte
voernemen tho behynderen unde ingevalle Eppo unde Gerrydt vorsz. de vorsz. rechtynghe op hoer landen vorsz.
nycht leveren noch verdedyngen kunden soe sollen Eppo unde Gerrydt vorsz. unde hoeren arffgenaemen mydt desen geholden unde verbunden syn de Erentffeste Clandt upgemelt ofte synen arffgenaemen syn wtgelechte gelt myt alle kosten schaden unde intressen vry schadeloes wederom geven sunder archgelyst tho
tuygen hyer tho geroepen unde gebeden de Erbare Johan van Gennep unde Hyndryck Barolts gesworen
weddeman yn de Herckstede, unde Johan Jacops coster yn de Herckstede unde [toegevoegd: thot] meerder orkunde unde bevestenysse van desen hebbe ick Geerdt Ewens redyer upgemelt dorch bede van Eppo unde Gerrydt unde hoeren
beyde huysffrouwen vorsz. myn angeboeren zegel wytlyck beneden an desen breff gehangen geschreven
in den jaer ons heren dusent vyffhundert ses unde tsoventych op mey dach.
??
Recto:
x
x
Archief Groninger Archieven
Fonds H.A. Farmsum
Toegangsnummer 619
Inventarisnr. 0566a
Regestnr. 525a
Register Feith 1576.008
Jaar 1576
Datumcode Mei
x
x
Materiaal perkament