Nederlands (NL)  German (DE)
Nummer:haf496 Datum:28 sept. 1570 Overlevering:Origineel Vindplaats:H.A. Farmsum, inv.nr. 0836ee, reg. 496

Bron Recto Dorso Vertaling Relatie Zegels Materiaal Literatuur Index N.B.
1570 den achtendetwintichsten dach Septembris.
Wy Egbart van Besten ende Ewke Clants echte luyde bekennen ende betugen myt dessen openen versegelden
breve voer ons ende onsen arffgenamen dat wy in enen steden vasten ewygen arffkope hebben vercoft up
gedragen ende overgegeven dem Erntfesten unde Erbaren Wigbolt Lewe ende Wennyngen Sickinga syn huysvrouwe
ende horen arffgenamen vier unde twintich grasen landes gelegen in den karspel ende ender de klocken van Zeeryp
soe groet ende kleen als de aldaer in Zeeryp gelegen synnen ende Thomas Rewerts de suslange
in de hure ende int gebruick hevet gehadt vry ende veerdych deselve vorscr. landen mit alle
hoer gerechticheyden heerlicheyden ende tobehoren nu voert inden egendoem antotasten to gebruken besitten
ende alle horen vryen willen daer mede te doen voer ene summa van pennyngen de welcke
wy Egbart van Besten ende Ewke Clants vorscr. bekennen dat ons tot onsen guetbenoegen
vull ende all is betaelt Des loven wy Egbart van Besten ende Ewke Clants vorscr. voer
ons ende onsen arffgenamen de vorscr. vier unde twintich grasen landes so groet ende kleen als de gelegen
myt alle hoer gerechticheyd heerlicheyden ende tobehoren vry ende quyt van alle renten lasten
ende swaricheyden to leveren ende to waren Daer onder stellende ende verbindende alle onser
beyder andre landen ende guederen reppelick ende onreppelick present ende tokomende hoe
unde waer de gelegen mogen wesen ofte waer de gelegen ofte bevonden mogen worden Sonder argelst In oerkunde
de deser waerheyt hebben wy Egbart van Besten ende Ewke Clants vorscr. elck onse
name myt onse egen handen hyer onder getekent ende Daertoe gebeden den Erntfesten
unde Erbaren Egbart Alberda desen breeff over ons to versegelen dat welcke Ick Egbart
Alberda vorscr. umme bede des Erntfesten unde Erbaren Egbart van Besten unde Ewke
Clants verscr. geerne gedaen ende hebbe tot vestenisse deser waerheyt myn angeboren Segel witlicken beneden
an desen breeff gehangen Ghegheven int jaer onses heren dusent vyffhondert ende tsoventich
Den achte unde twintichsten dach Septembris.
Eeuke Clants (handtekening).
Recto:
x
x
Archief Groninger Archieven
Fonds H.A. Farmsum
Toegangsnummer 619
Inventarisnr. 0836ee
Regestnr. 496
Jaar 1570
Datumcode 2809
x
x
Materiaal perkament