Nederlands (NL)  German (DE)
Nummer:haf476 Datum: Overlevering:Origineel Vindplaats:H.A. Farmsum, inv.nr. 0836ee, reg. 476

Bron Recto Dorso Vertaling Relatie Zegels Materiaal Literatuur Index N.B.
Johan Tedema inder tydt hoeftman in Groningen bekenne ende betuge in unde vermydts dessen openen besegelden breve woe dat
voer my syndt gecomen ende erschenen de Erbaren Roeleff ten Holten unde Syboldt Byma unde bekanden voer hoer ende hoer beyder
arffgenamen woe sye enen wyssel van landen myt den anderen gemaket hebben dye ewich dueren sall in formen unde manieren
als naebescr. Inden eersten soe sal Roeleff ten Holten ontfangen van Syboldt Byma enen heerdt landes Eysema heerdt
genoempt gelegen in de Rype de Sybolt vorscr. van syn leve moder Rene Auulsma verworven heft gelegen voer sesthyn
grase landes toe schot unde schattynge soe groet unde kleen ongemeten als de in hore swettynge gelegen is unde als Sybolts
vorscr. moder de plachte to verhuren unde Jacob Hylbrants nu gebruket myt kerckstoelen unde kerekgraven Hyeren
tegens sal Sybolt Byma wederomme ontfangen van Roleff ten Holten twalff grase landes myt syn part hemyngen
gelegen in Tettema heerdt tho Leermens en unverscheyden unde dysse vorscr. landen hebben Roleff ten Holten unde
Sybolt Byma de ene den anderen gelovet vry ende vranck unde onbeswaert van enyge renthen vry tho leveren
unde toe waeren daer de ene den anderen alle syne guederen woe unde waer dye dan oeck gelegen bynt in kracht
desses breves voer to onderpande gesettet hebben unde setten unde dat de landen de Sybolt Byma ontfanget
soe groet nicht en bynt als Eysema heerdt vorscr. daer heft Roleff ten Holten Sybolt vorscr, ene summa
van pennyngen up toe gegeven als Sybolt vorscr. bekande de hem Roleff ten Holten vul unde all tot synen
benoegen hadde betalet unde bedanckede Roleff ten Holten den lesten pennynck mytten eerst gueder
betaelynge. Sonder alle argelist In oerkunde der waerheit soe hebbe Ick Johan Thedema bovengemelt
doer begeerte van Roleff ten Holten ende Sybolt Byma vorscr. myn ingeboren Segel wetentlyck
beneden an dessen breeff gehangen Int jaer unses heren dusent vyffhondert vyffundetsestich up
Sunte Blasius dach.
Recto:
x
x
Archief Groninger Archieven
Fonds H.A. Farmsum
Toegangsnummer 619
Inventarisnr. 0836ee
Regestnr. 476
Jaar 1565
Datumcode Blasii
x
x
Materiaal perkament