Nederlands (NL)  German (DE)
Nummer:haf429 Datum: Overlevering:Origineel Vindplaats:H.A. Farmsum, inv.nr. 0543, reg. 429

Bron Recto Dorso Vertaling Relatie Zegels Materiaal Literatuur Index N.B.
Inden naeme Godes almachtich Anno dusent vyffhundert neghen und vyfftych up Sante Agneten dach Synt daer
hilixvorworden by mande unnde radt ghemaket ghededynghet und besloeten tusschen den Erbareb und vroemen Roleff
Enthens und der Erb. und Doechs. Juffer Gelmer Panser yn forme ende maneren hyr nae bescreven Inden ersten
synt dye vrunden an beyden zyden met melckander ghuderen toe vreden. Vort synnen vorworden soe Roleff sunder
wetlycke gheboerte van Gelmer starff sal Gelmer verbetert wesen uut Roleffs ghuderen dartych emder ghulden yar
lycke renthe oer levent lanck und niet langher und soe Gelmer starff sunder wetlycke gheboerte sall Roleff verbetert
wesen uut Gelmers ghuderen twynchtych (sic) embder ghulden yarlycke renthe syn levent lanck, and niet langher Vort synnen
vorworden soe Roleff ofte Gelmer starven und leten kynt ofte kynderen nae, und dye ock starven soe soelen he offte see
langhestlevende dye vorscreven lyfftucht gheneten Und alle alghearffde and anghe-brochte ghuderen soelen vallen an beyden
zyden up dat sybbeste bloet, daer see synt heer ghekoemen Tylbaer ghudet, anghewunnen ghudt, schaede und baete halff
und halff uutghenoemen dat een yder sal syn klnde ofte kleder thoe syn lyff behoerende voer uut nemen, des doden arff
ghenaeme und dye levendyghe Orkunde der waerheyt hebben wy Herman Ompteda unde Peter Enthens van
Roleff Enthens weghen und wy Sycko Panser und Gherdt Canter van Ghelmer Panser weghen onse anghe
boeren zeghel beneden an dessen breff gehanghen up yar und dach als vorscreven.
DORSO: Teteke Enthens.
Zegels verloren
Recto:
x
x
Archief Groninger Archieven
Fonds H.A. Farmsum
Toegangsnummer 619
Inventarisnr. 0543
Regestnr. 429
Jaar 1559
Datumcode Agneti
x
x
Materiaal perkament