| Nummer:haf406 | Datum: | Overlevering:Origineel | Vindplaats:H.A. Farmsum, inv.nr. 0038, reg. 406 |
Edzardt Rengers hoevelinck tho Poste bekenne ende belije mit desen mijnen epenen besegelden breve veer mij ende
mijnen arffgenamen seo ick van mjjnen neve Johan Schaffer, Derck Schaffers soene, hebbe gekofft nha
luide mijnes koepbreves syn hues gelegen up de noerder sydt van Poelpoerte daer de van Oesterweerum mit oer
hues up dat zuijden ende ick sulvest mit mijn hues dat ick van Goesen Johan Luityen ende Derck Schaffers gebroederen
hebbe gekofft an dat noerden naest angeswettet binnen twelck mester Hindrick Bruntinck van
Johan Schaffers vader was gegunt tho gebruicken syn leevent lanck. Daer up he oeck etlijcke onkosten tut timmeringe deses
hueses angelecht hadde want dan Johan Schaffer dat hues wederomme an sick genomen ende derhalven mester Hindrick
syn levent lanck versegelt twintich rijder gulden des jaers tho geven hebbe ick angenomen ende bewilliget tsolve oeck
mitz desen levende voer mij ende mijne arffgenamen in stede Johan Schaffers dat ick mester Hindrick Bruntinck
syn levent lanck jaerlix up Paschen wil betalen de twintich Emder gulden nha inholdt ende vernoege des breves
de Johan Schaffer mester Hindrick Bruntinck daer up gegeven hefft. Ende wanneer mester Hindrick is
gestorven soe love ick voer mij ende mynen arffgenamen Johan Schaffer offte syne arffgenamen voert tho vernoegen
ende tho betalen twe hundert Emder gulden dartich stuvers voer den gulden. Ingeval ick offte mijne arffgenamen
sulx niet en deden, soe loeve ick met desen besegelden breve voer mij ende mijnen arffgenamen jaerlix alle paschen
unverjaert tho betaelen uth dese mijne voergeschreven huysinge ende hoffsteden voert uth ende over al mijn guedt
woe ende waer gelegen twalff rijder gulden dartich stuvers Groeningers voer datum deses breves gemuntet. Voer
elcken gulden offte paiement dat in tijdt der betalinge daer veer guet is tho betalen offte mit allen rechten
daer uth tho manen beholden mij offte mijne arffgenaemen de voergheschreven twalff rijder gulden up
alle paschen tho lossen ende vrij quijdt tho kopen mit twehundert Emder gulden voerghe schreven paiementes
ende mit de vulle renthwn. Sunder argelist oerkunde der waerheidt hebbe ick Edzardt Rengers mijn
segel an desen breve gehangen ende tut merer vestinge hebbe ick gebeden doctorem Hieronimum Fredericum
dessen breeff mede over mij ende mijnen arffgenamen tho versegelen. Twelck ick Hiero nimus doer bede des
erbaren Edzardt Rengers der waerheit tut eene tuichnisse geerne gedaen hebbe ende hebben beyde unse segel
an desen breve gehangen inden jare unses Heren vijfftijn hundert ende veer ende vijfftich up nativitatis
domini.
Gecancelleerd.
DORSO : Op huiden den sesten octobris sestijinhundart soeven heft mijn medder dar edle und erentryke juffer Elisabet Rengers dese breeff soe int princip ell als met anderthalff jaer rente ten vollen aff gelosset ende betaelt Actum ut supra Willem Wifringk mede voeget
van S. Antonius gasthus hantt.
mijnen arffgenamen seo ick van mjjnen neve Johan Schaffer, Derck Schaffers soene, hebbe gekofft nha
luide mijnes koepbreves syn hues gelegen up de noerder sydt van Poelpoerte daer de van Oesterweerum mit oer
hues up dat zuijden ende ick sulvest mit mijn hues dat ick van Goesen Johan Luityen ende Derck Schaffers gebroederen
hebbe gekofft an dat noerden naest angeswettet binnen twelck mester Hindrick Bruntinck van
Johan Schaffers vader was gegunt tho gebruicken syn leevent lanck. Daer up he oeck etlijcke onkosten tut timmeringe deses
hueses angelecht hadde want dan Johan Schaffer dat hues wederomme an sick genomen ende derhalven mester Hindrick
syn levent lanck versegelt twintich rijder gulden des jaers tho geven hebbe ick angenomen ende bewilliget tsolve oeck
mitz desen levende voer mij ende mijne arffgenamen in stede Johan Schaffers dat ick mester Hindrick Bruntinck
syn levent lanck jaerlix up Paschen wil betalen de twintich Emder gulden nha inholdt ende vernoege des breves
de Johan Schaffer mester Hindrick Bruntinck daer up gegeven hefft. Ende wanneer mester Hindrick is
gestorven soe love ick voer mij ende mynen arffgenamen Johan Schaffer offte syne arffgenamen voert tho vernoegen
ende tho betalen twe hundert Emder gulden dartich stuvers voer den gulden. Ingeval ick offte mijne arffgenamen
sulx niet en deden, soe loeve ick met desen besegelden breve voer mij ende mijnen arffgenamen jaerlix alle paschen
unverjaert tho betaelen uth dese mijne voergeschreven huysinge ende hoffsteden voert uth ende over al mijn guedt
woe ende waer gelegen twalff rijder gulden dartich stuvers Groeningers voer datum deses breves gemuntet. Voer
elcken gulden offte paiement dat in tijdt der betalinge daer veer guet is tho betalen offte mit allen rechten
daer uth tho manen beholden mij offte mijne arffgenaemen de voergheschreven twalff rijder gulden up
alle paschen tho lossen ende vrij quijdt tho kopen mit twehundert Emder gulden voerghe schreven paiementes
ende mit de vulle renthwn. Sunder argelist oerkunde der waerheidt hebbe ick Edzardt Rengers mijn
segel an desen breve gehangen ende tut merer vestinge hebbe ick gebeden doctorem Hieronimum Fredericum
dessen breeff mede over mij ende mijnen arffgenamen tho versegelen. Twelck ick Hiero nimus doer bede des
erbaren Edzardt Rengers der waerheit tut eene tuichnisse geerne gedaen hebbe ende hebben beyde unse segel
an desen breve gehangen inden jare unses Heren vijfftijn hundert ende veer ende vijfftich up nativitatis
domini.
Gecancelleerd.
DORSO : Op huiden den sesten octobris sestijinhundart soeven heft mijn medder dar edle und erentryke juffer Elisabet Rengers dese breeff soe int princip ell als met anderthalff jaer rente ten vollen aff gelosset ende betaelt Actum ut supra Willem Wifringk mede voeget
van S. Antonius gasthus hantt.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0038 |
| Regestnr. | 406 |
| Jaar | 1554 |
| Datumcode | NatChr |






