Nederlands (NL)  German (DE)
Nummer:haf379 Datum:13 aug. 1550 Overlevering:Origineel Vindplaats:H.A. Farmsum, inv.nr. 0014, reg. 379

Bron Recto Dorso Vertaling Relatie Zegels Materiaal Literatuur Index N.B.
Gerhardus Zwollis Abbas yn Werum bekenne ende belye yn und vermydts desen oepenen besegelden breve dat voer my ghekomen sint
die samptelycke ghebroderenn als die werdyghe heer Duthmaer Rengers abbet Ter Munthe, Edtzaert, Johann, Ffrans, Seyno
unde Sweer Rengers unde bekanden dat sie leyfflycke und frentlycke ghedeelt end gescheydenn hadden hoere moeyen salyghe
Juffer Lyse Rengers arffenysse soe dat eyn jewelycken tho gescheiden toe ghedeelt ende gevallen ys ellick voer synen deel als
nae volget: Inden eersten zal die weerdyghe heer Duthmaer Rengers oever ende uuth alle dyt guet moegen maenen ende boeren
syn levent lanck sunder eynyghe defalcatie offte doe lande verargerden offte verslimmerden seker end ghewis vyff unde twyntych geldersche ryder gulden offte payment datter guet voer ys tho wethen uuth Bennen heert teyne uuth den heert bij
der Schotbrugge vyve uuth den heert up Koerendijeck vyve, uuth den heert tho Crewert vyve tho maenen (offte syne
broederenn versuemych weren ende hem die vurgenoemde summe van penninge alle yaer nyet en schyckeden) myt hoevetmans
breven offte woerem ghelevet up allen mydtwynter daer syn weerden synen broderen synen deell voer to stondt. Soe
ys Edtzaert Rengers to ghevallen dat arve to Leermens soe groet end kleen als dat Johannes Berents nu ghebrueket ende die
heert ten Poste by die Schotbrugge daer dat steenhues up plecht to staen soe groet ende kleen als Johann Jantzen end Styne
dat nu gebrueken, Johann Rengers unde Seyno Rengher sollen hebben to samen unverscheijden eynen heert landes ghe
noempt Ffolkerde heert, soe groet ende kleen als Benne Claessen den nu ghebrueket. Beholtlyckenn dat Johan Rengers
in Ffolkerde heert vurgenoemd achte graeze landes unver- scheyden voer uuth hebben sal soe hem die van synen samp tely-
ken broderen baeven syn pueceel uuth sunderlynghe oersae- ken voer hen to ghestaen weren ende daer tho sollenn
Johan unnd Seyno vurgenoemd noch hebben tho samen unver scheyden dre acker landes in Oestewolt, Ffrans Renghers sal hebben dat arve up Koerendijeck met achte graese lande upt uutherdijeck soe als dat Gerryth wever
nu ghebrueket ghelegenn yn Sandtster kerspel, Sweer Rengers sal hebbenn den heert tho Crewert ghelegen
an die noerder syth vandt kerckhoff soe groet end kleen als Jacob Nannynges den yn syn ghebrueck hefft daer sie
ellyck hoevet voer hoveth mede tho vreden weren. Ende offte emands hyr up anspraeke dede offte oick enyghe
ander lande verhoert worden die to deser arffenysse ho.den die hyer nyet yn benoempt staen sollen verdedinget
ende gewonnen worden tho ghelyecker schade unde bathe. Allent sunder argelyst. oerkunde ende vestenysse der
waerheyt heb yck Gerhardus Zwollis Abbet yn Werum umme bede wyllen dusser samptelycken broderenn
vurgenoemd myn segell wyttelycken beneden an dossen breeff gehangenn. Ende wy ghebroederen unse Naeme end
handt hyer under ghesath int jaer uns heren dusent vyff hundert ende vyfftich den derteynden Augusti.
Dutmer Renggers den abt Ther Munthe. Edtzaerdt Rengher.
Johan Rengher ter Arenshorst. Frans Rengher.
Zeyno Rengher. Sweer Rengher.
Zegel verloren.
??
Recto:
x
x
Archief Groninger Archieven
Fonds H.A. Farmsum
Toegangsnummer 619
Inventarisnr. 0014
Regestnr. 379
Jaar 1550
Datumcode 1308
x
x
Materiaal perkament