Nederlands (NL)  German (DE)
Nummer:haf341 Datum: Overlevering:Origineel Vindplaats:H.A. Farmsum, inv.nr. 0836t, reg. 341

Bron Recto Dorso Vertaling Relatie Zegels Materiaal Literatuur Index N.B.
Menno Houwerda hoeftlinck unde Redger ten Damme bekenne ende betuge mit dessen
openen breve voer alswemen dat voer my in syner eijgener persone erschenen ende gekomen is
Egge Synekens to Zuetbroeck salige Wolbrich Clarens van Olms seliger dechtenisse nagela
tene wedewe broder ende arffgenamen tot oere nagelaten goedere unde bekende mit vryen wille
voer em unde syne arffgenamen dat he heft vercoft upgedragen ende overgegeven ewelick
ende arfflick in enen steden vasten arffkope sijnen soene Ipe Eggens unde Urselen syner
echten huesfrouwen ende oeren arffgenamen veer grase landes unverscheiden in den heert ten Poste
gelegen de slaige Johan Reijntkens sone Tamme genoempt nu ter tyt is brukende vrij
to leveren ende to waren voer alle ansprake in allen rechten also dat Ipe ende Ursele sijn
huesfrouwe unde oeren arffgenamen all oeren vrien willen daer mede sullen mogen doen als to verkopen ver
wisselen verhueren ende oeren arffgenamen vortan to verarven mit alle des landes eijgen
dome tobehoere ende heerlicheit so vele up de veerr grass landes mogen vallen Als voer
ene summe geldes de Egge vorscr. bekende dat em de voll ende all den lesten penninck mitten
eersten wal tot wille is betaelt Allent sunder arch unde list Dusses to oerkunde der waer
heit bijnnen hyr mede by an ende overgewest als tugs daer to geropen ende gebeden Remke
huesman Unde Hansken van Ffermpszum rechtes gesworen dezer ten Damme Unde in
merer vestenisse der waerheit heb ick Menno Houwerda hoeftlinck ende Redger upge
noempt myn Segel beneden andessen breeff doen hangen Gegeven inden Jaer uns heren
dusent vyffhondert dre ende veertich maendage na Reminiscere inder vasten.
Recto:
x
x
Archief Groninger Archieven
Fonds H.A. Farmsum
Toegangsnummer 619
Inventarisnr. 0836t
Regestnr. 341
Jaar 1543
Datumcode LpRemini
x
x
Materiaal perkament