| Nummer:haf337 | Datum: | Overlevering:Origineel | Vindplaats:H.A. Farmsum, inv.nr. 0781, reg. 337 |
Ter eren ghodes almachtich ys dat echtschup ende hilick tusschen den erbaren Luyrt Kater ende Juffer Margarete Clanth by mande vrunde Raedt ghe-
raempt ghededynghet ende besloten yn maneren ende hilixsvorworden als naebescre. Inden eersten syn se myt malckanders ghoederen tho ereden
Voirt syn hilixsvorworden storve Luyrt vor Juffer Margarete vorgen. sunder wytlike gheboirte van hem beyden ynden levende nalatende
salt Juffer Margarete vorgen, verbetert wesen vyfftich gholdt gulden van ghewichte jaerlikes hoir levent lanck ende neet langer scha-
deloes myt allen Rechten moeghen manen uuth alle Luertz vorscr. landen ende ghoederen
offte een deel waer hoer des best gheleven sall, daer tho
all hoir ghoederen se nu an Luyrt vorgen, brenghet offt hoir noch anarven offt ankomen
moeghen Ingeliken oick all hoir clenten clenodien
ende clederen sall se oeck hebben ende beholden. Ende storve Juffer Margarete vor Luyrt Kater vorgen. sunder witlike gheboirte van hem
beyden unden levende nalatende salt Luyrt verbetert wesen veertich gholdt gulden van ghewichte Jaerlixs syn levent lanck ende
neet langher schadeloes myt allen Rechten moeghen manen, uuth alle Juffer Margareten vorgen. landen ende ghoederen offte een deel
waer hem des best gheleven sall daer tho all syne ghoederen he nu an Juffer Margareten vorgen. brenghet offt hem noch
anarven offt ankomen moeghen Ingelicken all syn clederen ende clenodien tho synen lyve behoerende Noch synt helixsvorworden
oeft Luert vor Juffer Margareten off Juffer Margarete vor Luert vorgen. afflivich worde ende kyndt offt kynderen achterlete so salt
des doden ghoedt up dat kyndt offt kynderen erven. Storve oiek dat kyndt offt kynderen nae sunder echte kyndt offt kynderen nae
latende sullen de ghoederen arven an beyden tsyden up dat sybbeste bloeth daer de ghoederen heerghekomen syn Also tho vorstaende all
de ghoederen de van Luyrt Katers syden heergekomen syn sullen up syne sydt arven ende all de ghoederen van Juffer Margareten
syden heerghekomen syn sullen alsdan up hoer sydt arven. Wyder moeghen se malckanderen beghaven myt een eerlick ghave
uutbesundert arffachtighe goederen Voirt sullen alle tho ghewonnen ghoederen myt schade ende bate wesen halff ende halff
Sunder alle arghelist In oirkonde der waerheit so hebben wy Claes Kater ende Johan van Ewsum van wegen ende
um bede Luyrt Katers ende wy Joest Lewe Johan Schatter van weghen ende um bede Juffer Margareten vorgen. elck unse
Seghel beneden an desen brieff ghehanghen Inden Jaer unses heren Dusent viffhundert twe ende veertich up sunthe
Anthonius dach.
raempt ghededynghet ende besloten yn maneren ende hilixsvorworden als naebescre. Inden eersten syn se myt malckanders ghoederen tho ereden
Voirt syn hilixsvorworden storve Luyrt vor Juffer Margarete vorgen. sunder wytlike gheboirte van hem beyden ynden levende nalatende
salt Juffer Margarete vorgen, verbetert wesen vyfftich gholdt gulden van ghewichte jaerlikes hoir levent lanck ende neet langer scha-
deloes myt allen Rechten moeghen manen uuth alle Luertz vorscr. landen ende ghoederen
offte een deel waer hoer des best gheleven sall, daer tho
all hoir ghoederen se nu an Luyrt vorgen, brenghet offt hoir noch anarven offt ankomen
moeghen Ingeliken oick all hoir clenten clenodien
ende clederen sall se oeck hebben ende beholden. Ende storve Juffer Margarete vor Luyrt Kater vorgen. sunder witlike gheboirte van hem
beyden unden levende nalatende salt Luyrt verbetert wesen veertich gholdt gulden van ghewichte Jaerlixs syn levent lanck ende
neet langher schadeloes myt allen Rechten moeghen manen, uuth alle Juffer Margareten vorgen. landen ende ghoederen offte een deel
waer hem des best gheleven sall daer tho all syne ghoederen he nu an Juffer Margareten vorgen. brenghet offt hem noch
anarven offt ankomen moeghen Ingelicken all syn clederen ende clenodien tho synen lyve behoerende Noch synt helixsvorworden
oeft Luert vor Juffer Margareten off Juffer Margarete vor Luert vorgen. afflivich worde ende kyndt offt kynderen achterlete so salt
des doden ghoedt up dat kyndt offt kynderen erven. Storve oiek dat kyndt offt kynderen nae sunder echte kyndt offt kynderen nae
latende sullen de ghoederen arven an beyden tsyden up dat sybbeste bloeth daer de ghoederen heerghekomen syn Also tho vorstaende all
de ghoederen de van Luyrt Katers syden heergekomen syn sullen up syne sydt arven ende all de ghoederen van Juffer Margareten
syden heerghekomen syn sullen alsdan up hoer sydt arven. Wyder moeghen se malckanderen beghaven myt een eerlick ghave
uutbesundert arffachtighe goederen Voirt sullen alle tho ghewonnen ghoederen myt schade ende bate wesen halff ende halff
Sunder alle arghelist In oirkonde der waerheit so hebben wy Claes Kater ende Johan van Ewsum van wegen ende
um bede Luyrt Katers ende wy Joest Lewe Johan Schatter van weghen ende um bede Juffer Margareten vorgen. elck unse
Seghel beneden an desen brieff ghehanghen Inden Jaer unses heren Dusent viffhundert twe ende veertich up sunthe
Anthonius dach.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0781 |
| Regestnr. | 337 |
| Jaar | 1542 |
| Datumcode | Antoni |






