| Nummer:haf329 | Datum: | Overlevering:Origineel | Vindplaats:H.A. Farmsum, inv.nr. 0014, reg. 329 |
GherardusZwollis Abbas in Werum bekenne ende belye yn und vermidts dussen oepenen moetsoens breve dat voer my
synt ghecomen Edzartdt Renghers, Ffrans Renghers, Seyno Renghers, Sweer Renghers vanden Poste ter eenre, Johan Renghers
van der Arenshoerst ter ander syde unde bekenden voer em ende oeren arffghenamen dat sie enen liefflycke unde vroentlycke
moetsoene ende ewyghe arffscheydinghe onder syck verdraghen hadden van alle die husynghe, aerven unde landen oeck renthen
ende reden ghelde ynden stichte van Uutrecht yn Vreeslande offte anders op wat oerden ende plaetsen die gheleghen moeghen wesen
neet uutghesundert kleyn eder groet ende dat op den voerraemden em oer seleghe vader Johan Renghers vanden Poste schrifftelick
nae ghelaten hadde, soe dat sie syck daer yn an beyden syden wal bedencken ende wetenheit der gueder daer uut hebben konden, hadden alsoe daer op ghescheyden yn manyren naebeschreven. Inden eersten staen Edzardt Ffrans Seyno Sweer Renghers voerscr.
oeren broeder Johan Renghers vander Arenshoerst alynck ende al ewelick ende arfflick toe dat huys die Arenshorst gheheten em van
synen seleghen vader yn hylx vorwerden mede gegeven mitten weyde lande ende hoeylande ende alle dat daer toe behoert ende hie yn
ghebruyck hefft mitten bauhuese ende aerve voer den huese gheleghen ende dat aerve voer den holte Dortmens voerde gheheten, Dat
aerve gheheten ter Schuer offte Waterhues gheleghen ynden kerspel van Ummen ynder buerschap toe Versen een hoymate in die woeste ghelegen die vyffteyn morgen
landes yn Mastebroeck gheleghen yn Heren Gerdes slaghe van Tyven kampe gheheten Dyffhoerst ende dat plack uuterdykes daer
die van Brenen die helffte van toekoemt. Noch veerden halven golden gulden uut Splytloves arve, ses golden gulden ende een oert
uut Hoenhorst, Anderhalven golden gulden uut Bronckhorstes stede toe Ummen die leghe stede andat Vrythoff toe Ummen Ende
umme dat die tende uutten Hoeghenkampe gheet ende moeylycken ys voer synen huese den hen laeten toe nemen soe sal hie hebben
unde moeghen nemen uuten Wynkelkampe gheleghen ynden kerspel toe Dalffsen ewelick ende arfflyck vyff mudde rogghen
daer hie dat Capittel mede moeghe stillen ende den Hoghenkampe tentvry moghe ghebruycken Ende sal alle dese voerscreven gueder hebben soe de gheleghen synt toe water toe twyghe toe vene toe holte myt alle slachter noet, myt alle oeren eghendoeme
ende toe behoere. Hyr omme verlet Johan Renghers vander Arenshorst alle die ander gueder van synen seleghen vaeder ende moeder
naeghelaeten voer em ende synen aerffghenamen reppelick ende onreppelick ynden stichte unde Vreeslande offte anders woe offte woer
die gheleghen moeghen wesen nummermeer ansprake offte upsage daer op toe hebben nie noch syne arffgenamen. Des sal
Johan Renghers betalen uut Schuere die heren renthe van Johan guet toe Versen ende vandt waterhues oere pert want sie em
daer voer enen summe pennynge vernoeget hadden. Oeck weren sie verdraghen offter eneghe ansprake offte toesaghe were offte nae-
maels rysen mochte yn enich guet sie ghebroederen Edzardt, Johan, Ffrans, Seyno, Sweer voerscr. van oeren selegen vader ende
moeder ontfangen hadden, daer die oersprunck der schelynge van were voer desen daghe willen sie den anderen ellick up oere
kost ghetrouwelycken helpen uutrichten ende offt em wes affgetoegen worde ghelycker hant den anderen verset daer voer doen
ende den schaeden helpen vervollen. Wyder offte emants van dese perten offte broederen beter verwissinge bederff were sullen
sie syck den anderen nae der natueren ende gheleghentheit des guedes ende manyre des landes beter verwissinge doen. Allent
sonder argelist. Des soe hebbe ick Gherardus Zwollis Abbet verscreven um bede willen beyder perte yn oerkunde der waerheit
onse zeghel an desen breeff ghehanghen ende um mere vestenisse der waerheit hebben wy Edzart Renghers (mede vanwege
mynre broederen soe die noch gheen zeghele en voere) ende Johan Renghers onse zeghele mede an desen breeff ghehangen inden
iaere ons heren dusent vyff hondert neghen ende dertich des maendaghes ynde pinxter hillige dage. Deser breve synt twee.
Zegel verloren.
??
synt ghecomen Edzartdt Renghers, Ffrans Renghers, Seyno Renghers, Sweer Renghers vanden Poste ter eenre, Johan Renghers
van der Arenshoerst ter ander syde unde bekenden voer em ende oeren arffghenamen dat sie enen liefflycke unde vroentlycke
moetsoene ende ewyghe arffscheydinghe onder syck verdraghen hadden van alle die husynghe, aerven unde landen oeck renthen
ende reden ghelde ynden stichte van Uutrecht yn Vreeslande offte anders op wat oerden ende plaetsen die gheleghen moeghen wesen
neet uutghesundert kleyn eder groet ende dat op den voerraemden em oer seleghe vader Johan Renghers vanden Poste schrifftelick
nae ghelaten hadde, soe dat sie syck daer yn an beyden syden wal bedencken ende wetenheit der gueder daer uut hebben konden, hadden alsoe daer op ghescheyden yn manyren naebeschreven. Inden eersten staen Edzardt Ffrans Seyno Sweer Renghers voerscr.
oeren broeder Johan Renghers vander Arenshoerst alynck ende al ewelick ende arfflick toe dat huys die Arenshorst gheheten em van
synen seleghen vader yn hylx vorwerden mede gegeven mitten weyde lande ende hoeylande ende alle dat daer toe behoert ende hie yn
ghebruyck hefft mitten bauhuese ende aerve voer den huese gheleghen ende dat aerve voer den holte Dortmens voerde gheheten, Dat
aerve gheheten ter Schuer offte Waterhues gheleghen ynden kerspel van Ummen ynder buerschap toe Versen een hoymate in die woeste ghelegen die vyffteyn morgen
landes yn Mastebroeck gheleghen yn Heren Gerdes slaghe van Tyven kampe gheheten Dyffhoerst ende dat plack uuterdykes daer
die van Brenen die helffte van toekoemt. Noch veerden halven golden gulden uut Splytloves arve, ses golden gulden ende een oert
uut Hoenhorst, Anderhalven golden gulden uut Bronckhorstes stede toe Ummen die leghe stede andat Vrythoff toe Ummen Ende
umme dat die tende uutten Hoeghenkampe gheet ende moeylycken ys voer synen huese den hen laeten toe nemen soe sal hie hebben
unde moeghen nemen uuten Wynkelkampe gheleghen ynden kerspel toe Dalffsen ewelick ende arfflyck vyff mudde rogghen
daer hie dat Capittel mede moeghe stillen ende den Hoghenkampe tentvry moghe ghebruycken Ende sal alle dese voerscreven gueder hebben soe de gheleghen synt toe water toe twyghe toe vene toe holte myt alle slachter noet, myt alle oeren eghendoeme
ende toe behoere. Hyr omme verlet Johan Renghers vander Arenshorst alle die ander gueder van synen seleghen vaeder ende moeder
naeghelaeten voer em ende synen aerffghenamen reppelick ende onreppelick ynden stichte unde Vreeslande offte anders woe offte woer
die gheleghen moeghen wesen nummermeer ansprake offte upsage daer op toe hebben nie noch syne arffgenamen. Des sal
Johan Renghers betalen uut Schuere die heren renthe van Johan guet toe Versen ende vandt waterhues oere pert want sie em
daer voer enen summe pennynge vernoeget hadden. Oeck weren sie verdraghen offter eneghe ansprake offte toesaghe were offte nae-
maels rysen mochte yn enich guet sie ghebroederen Edzardt, Johan, Ffrans, Seyno, Sweer voerscr. van oeren selegen vader ende
moeder ontfangen hadden, daer die oersprunck der schelynge van were voer desen daghe willen sie den anderen ellick up oere
kost ghetrouwelycken helpen uutrichten ende offt em wes affgetoegen worde ghelycker hant den anderen verset daer voer doen
ende den schaeden helpen vervollen. Wyder offte emants van dese perten offte broederen beter verwissinge bederff were sullen
sie syck den anderen nae der natueren ende gheleghentheit des guedes ende manyre des landes beter verwissinge doen. Allent
sonder argelist. Des soe hebbe ick Gherardus Zwollis Abbet verscreven um bede willen beyder perte yn oerkunde der waerheit
onse zeghel an desen breeff ghehanghen ende um mere vestenisse der waerheit hebben wy Edzart Renghers (mede vanwege
mynre broederen soe die noch gheen zeghele en voere) ende Johan Renghers onse zeghele mede an desen breeff ghehangen inden
iaere ons heren dusent vyff hondert neghen ende dertich des maendaghes ynde pinxter hillige dage. Deser breve synt twee.
Zegel verloren.
??
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0014 |
| Regestnr. | 329 |
| Jaar | 1539 |
| Datumcode | LpPentec |






