Nederlands (NL)  German (DE)
Nummer:haf327 Datum: Overlevering:Origineel Vindplaats:H.A. Farmsum, inv.nr. 0895, reg. 327

Bron Recto Dorso Vertaling Relatie Zegels Materiaal Literatuur Index N.B.
Heere Wyaert Edzeken to Hevensches, pastor Aytko Edzema unde Georgene Ubbens kerckvo-
gede aldaer bekennen unde betugen myt dessen unsen openen breve voer alswem- dat wij mijt
vrijen willen unde goden voerbedachtt mede voer unsz unde unsen nakomelingen van unser
kercken wegen den Ersamen unde walgeleerte mester Mencko Ludolphi patoer In de Rijp Aijbe
to Wyningetill Erasmusz Everts Popko Entesz, unde Hinrick Ewekensz kerckvogede aldaer unde oeren
nakomelinge tot behoeff der viccarie In de Rijp hebben vercoft upgedragen unde overgegeven ewe-
lick unde arfflick unssen anpart landes an de Grave dijck in een stuck van dre deymet landes
groet unverscheyden gelegen so dat in voertyden den pastoer in de Ryp, de vicarie aldaer unde
den vicarie to Hevenschesz to hope gegeven isz, dat selve anpart landes so goet unde quaet
in de dre deymet landesz vorgeroert gelegen unde gegeven isz nu unde tot allen tijden myt alle
syne eygendome unde tobehoere vry toleveren unde to waren voer alle ansprake in allen rechtt
also dat de pastoer unde kerckvogede In de Rijp vorgeroert unde oer nakomelinge tot behoeff der
vicarie aldaer al oeren vryen willen mittet selve anpart landes sullen mogen doen Unbespeert van
Jemande als voer ene summe geldes de ons pastoer unde kerckvogeden to Hevensches upgenompt
vol unde al tot behoeff unde reparatie unser kercken unde kercken huesere van den pastoer
unde kerckvogede in de Rijp ergemelt wal tot wille is betaelt Allent sunder arch unde list
In oerkunde der waerheijt heb ick heer Wyart pastoer to Hevensches boven gemelt van mynen
unde mynre kerckvogeden wegen myn segel witlicken beneden an dessen breeff gehangen Ghe-
geven inden Jaere unssz Heren dusent vijffhondert acht unde dertich up dage decollationis Johannis.
Ende in merer vestenisse der waerheyt bynnen hyr mede by dessen kope an unde overgewest alsz
tuge daer togeropen unde gebeden Lambertus Kock ten Damme prebendaet unde Johannes Spelde
master schrijver ten Damme.
Recto:
x
x
Archief Groninger Archieven
Fonds H.A. Farmsum
Toegangsnummer 619
Inventarisnr. 0895
Regestnr. 327
Jaar 1538
Datumcode DecJoh
x
x
Materiaal perkament