Schiedsspruch des Abts Ocko von Kloster Thedinga, des Propstes Nompno in Weener sowie der Pfarrer Claes in Jemgum und Syvert in Midlum im Streit zwischen der Kommende Jemgum und Hayko Erdes in Bingum wegen des Testaments des Wyleff, Bruder des Hayko.

Kundich unde openbair sy allen ersamen lueden, de dessen breff zehen edder horen lezen, dat eyne twydracht is ghewesen twischen den kloester to Jemghum by der enen syd, unde Hayken Erdes to Bynnengum by der anderen siid, van Wyleffs, Haykens vorscr. broeders, testamentes wegen, deme God gnade, welke twydracht ys ghegeven vrentlycke unde entlyke to slytene ende entwey edder hen to legghende uppe de erbaern heren, als den gheistlyken heren hern Ocken, abbet to Thedyngum, unde her Nompnen, proest to Wener, by des kloesters siid, ende mester Claes, kerckhere to Jemgum, unde hern Syvert, kerckhere to Mydlum, by Hayken siid, unde wii vorscr. personen hebben angheseen de doghede unde nutticheit des vredes, unde de slytinghe der vorscr. twydracht in disser nabescrevenen maneer van beyden parten bypenet, tho werden gheholden by pena van hundert Rinsgulden, de ene helffte der pena in de hant unses gnedigen heren, hern Oelrycks, greven in Oestvriesland, den anderen part in de hande der vorscr. schedeslude; welke nascr. slytinghe oek beyden parten, alz ze to Jemgum in den kloster in der kercken woert uthgesproken, hebben vulbordet unde belevet; unde hebben wii vakeghenompden schedeslude de twydracht entlyken ende ganslyken entwe ghelecht unde ghesleten myt allen olden saken twischen den erghenompten cloester unde Hayken, alzoe dat dat vorscr. kloester schal hebben alle dat erve, dat Wyleff vorscr. is ghewesen, gheleghen in Bedmer hammerycke ende to der Holtgast, het sy drughe effte under water, unde dairmede wesen betaelt in aller schult, de Wyleff vorscr. den kloester erben. schuldich unde plichtich is ghewesen, unde Hayke vorscr. effte syne erffnamen scholen sick an Wyleffs ander erve, wair unde wor se gheleghen syn, holden, behalven in Beddemer hammerycke ende tor Holtgast, alz vorscr. is, unde syne anderen schulde behalven den velebenompden kloester, offte dair welke syn, an sick holden unde betalen.[*]
Auschultata est presens copia per me Johannem Moermann, secretarium nobilis comitisse terre Oestfriesie, que concordat cum origenali (!) de verbo ad verbum, quod protestor manu mea propria.[*]

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0804
Jaar	1465
Deviatie	1
Datumcode	----

x

x

x

Edities	Editie naar dit exemplaar: oub0818.