Der Pfarrer Gheltiko in Bingum und Erd Wylfs Ost in Soltborg beurkunden einen Pachtvertrag der Kommende Jemgum mit den Brüdern Melyff und Focko.
Ik her Gheltiko, kerckher tho Bynningum, unde Erd Wylfs Ost tho der Soltborch[*] enkennen unde betughen openbar yn dessen breve, dat wy hebben wruntlyken ghescheden unde ghemaket enen stede vaste wruntschup tho holden tuscken den convent tho Gemmingum by der enen syt, unde Melyff (unde)[*] Focken synen broder by der anderen syd, als van der hure des landes gheheten Syuwerynga heerd, alzo dat Melyff, Focko ofte neman van erer weghene nycht moghen anspreken den convent tho Gemmingum van der hure weghene, wente ze zynt Melyff vorscr. degher unde al wal betalet. Umme merer tuchnisse desser vorscr., zo hebbe yk her Gheltiko vorscr. unde Erd Wylffs (unse ynseghele) wytlyk drucken laten up dat spacium desses breves. Ghescreven yn de yare (unses Heren) Mo CCCCo XXXVIIo, up sunte Jacobi[*] dach des apostole.[*]
