| Nummer:gus0704a | Datum:19. Mai 1488 | Overlevering:Abschrift | Vindplaats:Rep. 1 (Große Urkundensammlung), inv.nr. 0704 |
Urkunde des Tyade Schroder in Wybelsum vom 19. Mai 1480 über einen Tausch von Ländereien im Uttumer Hammrich gegen solche bei Wybelsum zwischen ihm und dem Kloster Langen.
Item omnibus sit notum, quod littera subscripta est permutacionis prediorum quatuor graminatorum in Ottemer hamrika reeeptorum a Tyade sartoris in Wyvelsum, anno salutis nostre Mo CCCCo octuagesimo octavo.
Ick Tyade, scroder tho Wyvelsum, doe witlick, kundich unde openbaer voer alle diegheene, die dessen brieff syen offte horen leesen, beyde gheestlick offte werlick, openbaer bekennende in der waerheyt, hoe dat ick myt mynen vryen will ende vorberadene moede, myt will unde raet myner echter huysvrouwen Hylle, heb ghewisselt ende wisselen buyten to enen stede vaste ewige wissel in krafft des bryeffs, mytten eerwerdigen gheestelicken prelaet, heer Johan van Boemell, proest te Langen, myt rade ende consent synre priesteren, als heer Lodewicus unde Peregrinus Boemell, suster Enne priorissa ende der ghemeynder susteren, also dat die proest vorbenomed unde dat convent van uns hebben untfangen vyer grase landet, ende is hoylant, liggende in Ottemer hamrijck, gheheyten die langhe vyer grase, dar dat cloester van Zylomonyken to beyden zijden to naesten leecht, so dat dat convent sal ende mach vrij ende veylich ewelicken bruyken, vercopen, verwisselen offte versetten desse vyer grase na haren vryen will offte nutticheit. Ende in desser ghelycken, so bekennen wij Tyade, scroder, unde Hille vorbenomed in der waerheit, dat wij wederom untfangen hebben van den proest ende ghemeyne convent vorscreven vyer grase venlandes, liggende by Wyvelsum, dar die heyligen by hebben van Loegen upt norden 4 grase, unsen wille darmede te doen unde nutticheyt, dat vorscreven lant te bruyken sonder yemants tegenseggen, alle arghelist, yntocht, [*] hulpreden unde nye lose vonden uthghesproken. Des te tughe so hebben hier mede, by, an ende over gheweest voer tuychslude, als Sayken ende Memme, boerluden te Wyvelsum, unde um meerder vestenisse der warheyt, so heb ic Tyade ende Hille vorbenomed vryntlick gebeden den eersamen bescheydenen manne heer Focken, kerckheer te Gheerdesweer om syn inghezegell te hanghen an dessen bryeff. Int jaer uns Heren Mo CCCCo ende LXXXVIIIo, up sunte Potentiaen dach joncfrouwen.
Ick Tyade, scroder tho Wyvelsum, doe witlick, kundich unde openbaer voer alle diegheene, die dessen brieff syen offte horen leesen, beyde gheestlick offte werlick, openbaer bekennende in der waerheyt, hoe dat ick myt mynen vryen will ende vorberadene moede, myt will unde raet myner echter huysvrouwen Hylle, heb ghewisselt ende wisselen buyten to enen stede vaste ewige wissel in krafft des bryeffs, mytten eerwerdigen gheestelicken prelaet, heer Johan van Boemell, proest te Langen, myt rade ende consent synre priesteren, als heer Lodewicus unde Peregrinus Boemell, suster Enne priorissa ende der ghemeynder susteren, also dat die proest vorbenomed unde dat convent van uns hebben untfangen vyer grase landet, ende is hoylant, liggende in Ottemer hamrijck, gheheyten die langhe vyer grase, dar dat cloester van Zylomonyken to beyden zijden to naesten leecht, so dat dat convent sal ende mach vrij ende veylich ewelicken bruyken, vercopen, verwisselen offte versetten desse vyer grase na haren vryen will offte nutticheit. Ende in desser ghelycken, so bekennen wij Tyade, scroder, unde Hille vorbenomed in der waerheit, dat wij wederom untfangen hebben van den proest ende ghemeyne convent vorscreven vyer grase venlandes, liggende by Wyvelsum, dar die heyligen by hebben van Loegen upt norden 4 grase, unsen wille darmede te doen unde nutticheyt, dat vorscreven lant te bruyken sonder yemants tegenseggen, alle arghelist, yntocht, [*] hulpreden unde nye lose vonden uthghesproken. Des te tughe so hebben hier mede, by, an ende over gheweest voer tuychslude, als Sayken ende Memme, boerluden te Wyvelsum, unde um meerder vestenisse der warheyt, so heb ic Tyade ende Hille vorbenomed vryntlick gebeden den eersamen bescheydenen manne heer Focken, kerckheer te Gheerdesweer om syn inghezegell te hanghen an dessen bryeff. Int jaer uns Heren Mo CCCCo ende LXXXVIIIo, up sunte Potentiaen dach joncfrouwen.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0704 |
| Jaar | 1488 |
| Datumcode | Potent |