| Nummer:gus0668 | Datum:15. Juli 1493 | Overlevering:Original | Vindplaats:Rep. 1 (Große Urkundensammlung), inv.nr. 0668 |
Das Kloster Sielmönken tauscht mit dem Kloster Langen Grundbesitz in Pewsum, Woltzeten, Midlum und Damhusen.
Nos frater Arnoldus, prior, totusque conventus monasterii beati Martini in Sylo, ordinis canonicorum regularium, Monasteriensis dyocesis, universis et singulis presencia visuris vel audituris notum facimus publice protestantes, animo nos premeditato, matura prehabita deliberacione permutasse vigoreque presencium iam actu permutare stabili hereditaria permutacioneque perpetua cum venerabili multe religionis viro, domino Johanne, preposito, eiusque conventu devotissimo monasterii sancti Jacobi in Langhen, ordinis Premonstratensium, nostra septem graminata, limitibus Peusummensibus situata, aqueductum eiusdem suo fine contingencia, dicta vulgari nomine de Teler, nostraque tria graminata in Waltzatensibus finibus, collocata in predio quodam sex graminatorum, do den Wolt vulgariter vocato, possessionibus eiusdem monasterii undique circumsepto, pro suis seu graminatis in terminis Midlummensibus, fine suo mare maius attingentibus, ex uno sui latere pastoris, ex altero vero pie recordacionis Remet Reersen predium habentibus, suisque quatuor graminatis in finibus Domhusen, in medio possessionum nostrarum ex omni sui parte situatis, quodlibet pro quolibet simpliciter commutantes ad arbitrium beneplacitumque utriusque nostrum. Quare eciam nos et nostri successores antedicto preposito suoque conventui et omnibus successoribus legitimis, veris possessoribus eiusdem, predicta septem et tria graminata tradimus et resignamus perpetuis temporibus possidenda, permutanda vel alienanda ad ipsorum liberam voluntatem sine contradictione cuiuscunque. Volumus eciam ac debemus sepedicta septem et tria graminata servare sine impetitione libera in quibuscunque iudiciis secularibus vel spiritualibus fuerit necessarium, dolo, fraude ac novis adinventionibus in premissis omnibus penitus preexclusis. Acta sunt hec in presencia fidedignorum testium ad hec specialiter vocatorum, venerabilis viri Benonis, prepositi et capitalis in Uttum, Boyonis Tiarcsen in Oesterhusen et aliorum quam plurium. In quorum omnium testimonium nostri conventus sigillum presentibus duximus appendendum. Anno Domini millesimo quadringentesimo nonagesimo tercio, ipso die divisionis apostolorum.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0668 |
| Jaar | 1493 |
| Datumcode | DivApo |