| Nummer:gus0420c | Datum:14. Jan. 1483 | Overlevering:Abschrift | Vindplaats:Rep. 1 (Große Urkundensammlung), inv.nr. 0420 |
Aufzeichnungen über die Lehnsverhältnisse des Gutes Brahe.
Item densulfften dinstage post octavas epiphanie Domini haidt der edele forgenante greve juncker Uko constitueirt ind gesatt eynen deinstman sunte Ludgers tot synen procuratoir, genant Roseir Duker; off it darto queme, dattet gericht moisse beroepen werden, so weirt neit noit, dat myn juncher forgen. daromme widder tot dem abbet solde reysen. Ouch haedt derselve Roseir Duker dey macht, eme gegeven van myn gnedegen juncher, off er sulffs unledich weer, eynen anderen to setten ind eme syne macht uptodragen. Dussen procuratoir mach myn genedige junckher untsetten ind eyme anderen updragen, wanneer it eme geleifft. Hyrover synt gewest der forg. abbet ind Jurgen Aschebrock, droest, Johan van Tytz, richter tor tyt to Werden, Johan Hugen ind der vorg. Roseir Duker, der dey procuratoirschaff aen sich nam, ind wolde myn junckheren, als er sprach, behulplich syn nae synem besten vermogen.
So nun der edele ind wolgeboren junckher Uko, greve yn Oestfrieslant, selver personliken geweest is to Werden by dem abbet, ind dat leen dess hoves Brae intfangen hevet, forder dat guet to erlangen, is it bequem, dat der besitter des hoves Brae, genant Roloff van Langen forg., guetliken vermanet werde durch myner genedigen vrauwen breiff off mit eyme verstendigen baeden muntliken to seggen, dat guet laten aen myne genedigen junckheren to komene, aengesien, dat sye die negeste erven synnen. Wolde aver der forg. Roloff dess neit doen, is it forder bequeme den eirwerdigesten heren biscop van Monster aentoropen omme hulpe ind bystandt in dusser formen, dat er soulde schryven deme forg. Roloff, dat leenguet ind den hoff to laeten mynen junckheren tot oiren behoiff etc. Mochte ener dat neit stade doen, moest dan der abt noch eynen fruntlichen breiff schryven aen Roloff forg., offte myn genedige edele fraw mocht eme laeten dat guet verbeiden mit deme gericht, dae under der hoff gelegen in, ind dan, off it noit were, beropen sich aen dat mangericht to Werden, als die eirste informacien cleirlicher dat beroirt, dey myner frawen genade gesant is mit dem baeden, [*] wey dat balder bestalt ind uffgericht wurde, woy beter is.
So nun der edele ind wolgeboren junckher Uko, greve yn Oestfrieslant, selver personliken geweest is to Werden by dem abbet, ind dat leen dess hoves Brae intfangen hevet, forder dat guet to erlangen, is it bequem, dat der besitter des hoves Brae, genant Roloff van Langen forg., guetliken vermanet werde durch myner genedigen vrauwen breiff off mit eyme verstendigen baeden muntliken to seggen, dat guet laten aen myne genedigen junckheren to komene, aengesien, dat sye die negeste erven synnen. Wolde aver der forg. Roloff dess neit doen, is it forder bequeme den eirwerdigesten heren biscop van Monster aentoropen omme hulpe ind bystandt in dusser formen, dat er soulde schryven deme forg. Roloff, dat leenguet ind den hoff to laeten mynen junckheren tot oiren behoiff etc. Mochte ener dat neit stade doen, moest dan der abt noch eynen fruntlichen breiff schryven aen Roloff forg., offte myn genedige edele fraw mocht eme laeten dat guet verbeiden mit deme gericht, dae under der hoff gelegen in, ind dan, off it noit were, beropen sich aen dat mangericht to Werden, als die eirste informacien cleirlicher dat beroirt, dey myner frawen genade gesant is mit dem baeden, [*] wey dat balder bestalt ind uffgericht wurde, woy beter is.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0420 |
| Jaar | 1483 |
| Datumcode | MpoEpipha |
x
| Afbeelding 1 | |
|---|---|
| Commentaar | Fol. [1]v |
| Afbeelding 2 | |
| Commentaar | Fol. [2]r |
| Afbeelding 3 | |
| Commentaar | Fol. [1]v. Sicherheitsverfilmung |
| Afbeelding 4 | |
| Commentaar | Fol. [2]r. Sicherheitsverfilmung |