Adolf von Spiegelberg Abt von Werden belehnt Focko Ukena mit dem Gut Brahe.

Wij Adolphus van Spegelborch van Gotz gnaden abt des monsters to Werden doen kunt allen luden unde bekennen openbaer in dessen breve, dat wij beleent hebn Focko Ukens, hovetlinck toe Hlere, unsen hoff to Brae myt siner tobehoringe, so als de belegen is, to behoff Tzabben[*] syns sones, myt so lange, dat de vorg. Tzabbe mundich is worden. Alsdan solle wy eme dar vort mede belenen to alsulcken rechte, als de vorg. hoff van oeldes gelegen is, beholtnisse uns unde unsen stichtes unses rechtes unde allmans syns rechten. Des to tuge der warheit heb wij abt Adolphus vorg. unse abdye segell an dessen breff doen hangen. Datum anno Domini M^o CCCC^o XXX^o primo, des nesten dages na sunte Nycolaus dage.

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0413
Jaar	1431
Datumcode	cNicola

x

x

x

Edities	Editie naar dit exemplaar: oub0401.