Der Erzbischof Gerhard von Bremen beauftragt den Bremer Domherrn und Emder Propst Dr. Johann Vredewolt mit der Ausführung der eingerückten Urkunde des Papstes Nikolaus V. vom 14.12.1454.

Gerardus Dei et apostolice sedis gracia sancte Bremensis ecclesie archiepiscopus, iudex et executor ad infrascripta a dicta sede specialiter deputatus, venerabili viro magistro Johanni Vredewolt, canonico ecclesie nostre Bremensis, decretorum doctori, salutem in Domino et presentibus fidem indubiam adhibere. Litteras sanctissimi in Christo patris et domini nostri, domini Nicolai, divina providencia pape quinti, in cordula canapis vera bulla plumbea more Romane curie impendente bullatas, sanas, integras, non viciatas, non cancellatas neque in aliqua sui parte suspectas, sed omni prorsus vicio et suspicione carentes, nobis pro parte nobilis et generosi viri Ulrici capitalis in Gretsiil, Norden, Aurike et aliorum diversorum dominiorum partium Frisie domicelli, ac nobilis mulieris Teden, nate filii Fockonis Ukens, domicelle, nostre et Monasteriensis[*] diocesis, presentatas, nos cum es, qua decuit, reverencia noveritis recepisse, huiusmodi sub tenore:
(Es folgt die Päpstliche Bulle Nr. oub681).
Post quarum quidem literarum apostolicarum presentacionem et receptionem nobis et per nos, ut premittitur, factas, fuimus pro parte dictorum Ulrici et Tede principalium in dictis literis apostolicis principaliter nominatorum debita cum instancia requisiti, quatinus ad execucionem earundem literarum iuxta nobis factam commissionem huiusmodi et traditam in eadem forma procedere dignaremur. Nos igitur Gerardus archiepiscopus et iudex considerantes animoque volventes, quod, aliis arduis racione ecclesie nostre impediti negociis, huiusmodi dispensacionis negocio non possumus ac nequeamus commode personaliter interesse, ideoque de legalitate ac circumspectione vestris ad plenum confisi, vobis causam huiusmodi audiendi et cognoscendi ac cum prefatis Ulrico et Teda constito (!) de assertis iuxta pretacte nobis faste commissionis tenorem super contrahendo matrimonio huiusmodi dispensandi ac alia circa hoc necessaria faciendi, auctoritate nobis in hac parte commissa, in toto et plenarie committimus vices nostras per presentes. In cuius rei testimonium presentes nostre commissionis litteras sigilli nostri duximus appensione communiri. Datum in castro nostro Bruckhusen nostre diocesis, anno Domini millesimo quadringentesimo quinquagesimo quinto, die vero vicesima sexta mensis Aprilis.

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0256
Jaar	1455
Datumcode	2604

x

x

x

x

Commentaar	Anhängendes Siegel beschädigt erhalten.

x

Edities	Editie naar dit exemplaar: oub0686.